BIDASOAK PUNTU BAT ATERA ZUEN GRANOLLERSEN KONTRAKO PARTIDUTIK
Eskubaloia

BIDASOAK PUNTU BAT ATERA ZUEN GRANOLLERSEN KONTRAKO PARTIDUTIK

Jacobo Cuetararen mutilek 30-30eko markagailua erdietsi zuten beraien aurkari zuzena den taldearen kontra

Bidasoak puntu garrantzitsua eskuratu zuen atzo eguerdian, apirilaren 7an, Granollersen kontrako partiduan. 30-30eko markagailua lortu zuten horiek, azken minutuetan sartutako hiru golei esker. Puntu bat poltsikoratuta, Jacobo Cuetararen taldeak bigarren postua mantendu du eta gibeletik duen aurkari zuzenarekin aldeak ere bere hortan utzi ditu.

Bidasoak behetik gora egin zuen partiduaren lehen zatian. Gibeletik hasi ziren markagailuan, eta hiru tantoko tartea ireki zuen Granollersek bere alde. Talde horiak ez zituen besoak jaso eta atsedenaldirako bost minutu falta zirenean, lehen aldiz jarri ziren aitzinetik bisitariak, 11-13ko emaitzarekin. Hala ere, 4-1eko partziala egin zuten etxekoek eta lehen zatiaren bukaeran 15-14ko markagailua eduki zuten beraien alde.

Bigarren zatian, Granollersek bi goleko abantaila lortu zuen berriz ere, baina Bidasoak ez zion partiduari ihes egiten utzi eta errenta puntu bakarrera murriztu zuen. Azken hamar minutuetan, etxekoak hiru gol gora joan ziren berriz ere (27-24) eta horrela mantendu zuten 55. minutura bitarte. Azken bost minutuetan, indarra erakutsi zuen talde irundarrak eta Nieto anaiek hiru gol sartuta (Gorkak bi eta Asierrek bat), neurketa berdindu zuten, 30-30eko markagailuarekin. Rodrigo Salinasek ere bere eskuetan izan zuen garaipena azken jaurtiketa batekin, baina baloiak langa jo zuen eta berdinketan gelditu zen emaitza behin-betiko.

Puntu garrantzitsu bat batu zuen Bidasoak atzo, Granollersen kontra, aurkari zuzena baitzen eta bigarren eta hirugarren postua mantendu dutelako hurrenez hurren. Honen ondotik, bihar (apirilaren 9an), Errege Kopako hirugarren kanporaketa jokatuko du Jacobo Cuetararen taldeak Fundación Agustinos Alicanteren kontra (19.00). Plenitude ASOBAL Liga asteburuan bueltatuko da Artalekura, Blendio Sinfin taldearen kontrako partiduarekin.

(Argazkia: Ramon Ferrandis)

PIOTR MIELCZARSKI POLONIARRA BIDASOAKO DIZIPLINAN SARTUKO DA
Eskubaloia

PIOTR MIELCZARSKI POLONIARRA BIDASOAKO DIZIPLINAN SARTUKO DA

Erdiko atzelari gaztea utzita ariko da BM Guadalajaran 2024/25 denboraldian

CD Bidasoak eta Piotr Mielczarski jokalariak akordioa lortu dute eta horren...

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”
Eskubaloia

ALEX MOZAS: “ONGI EGITEN DIREN GAUZAK APROBETXATU ETA INERTZIEKIN HAUTSI NAHI DUGU”

Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...

HUGO SANCHEZ IZANEN DA ILCAPO HONDARRIBIAKO ENTRENATZAILEA
Eskubaloia

HUGO SANCHEZ IZANEN DA ILCAPO HONDARRIBIAKO ENTRENATZAILEA

Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan

CD Bidasoak eta Hondarribia...

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN
Eskubaloia

BIDASOA IRUNGO LAU JOKALARI EUSKADIKO SELEKZIOAREKIN FINLANDIAN

Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan

Bidasoa Irungo...

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN
Eskubaloia

SAN MARTZIAL SENIOR NESKEN III. ESKUBALOI TORNEOA BIHAR ARTALEKUN

Euskal Herri osotik etorritako sei taldek hartuko dute parte txapelketan

III. San Martzial Senior Nesken Eskubaloi Torneoa ospatuko da bihar, ekainaren...

JULEN URRUZOLAK ETA XABIER BARRETOK ALACANTEN JOKATUKO DUTE HURRENGO BI DENBORALDITAN
Eskubaloia

JULEN URRUZOLAK ETA XABIER BARRETOK ALACANTEN JOKATUKO DUTE HURRENGO BI DENBORALDITAN

CD Bidasoak, bi urteren buruan, aukera izanen du bi jokalariak berreskuratzeko

CD Bidasoak jakinarazi duenez, Ohorezko Mailako EON Horneo Alicante...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika