REAL UNIONEK PORROTA JASO ZUEN CORNELLÀREN AITZINEAN
Futbola

REAL UNIONEK PORROTA JASO ZUEN CORNELLÀREN AITZINEAN

Txuribeltzek markagailua berdindu zuten lehen zatiaren bukaeran, baina etxekoek emaitza bereganatu zuten azken 45 minutuetan

Real Unionek porrota jaso zuen Cornellàren aitzinean pasa den larunbat arratsaldean. 3-1eko markagailuarekin galdu zuen Fran Justoren taldeak eta punturik batu gabe bueltatu zen Irunera. Etxean duten indarra ezin izan zuten kanpoan zelairatu eta helburu horrekin lanean segitu beharko dute orain.

Lehen zatia hasi eta zazpigarren minutuan izan zuen Real Unionek lehen aukera. Alain Oyarzunek alboko falta bat atera zuen, baina aurkarien atezainak ongi gelditu zuen jaurtiketa. 25. minutuan berriz, epaileak Eimilek atezainari falta egin ziola erabaki zuen eta beraz, penaltia izan zen etxekoen alde. Canariok, orduan, aukera aprobetxatu eta lehen gola sartu zuen. Fran Justoren taldea saiatu zen partidua berdintzen eta horretarako zenbait aukera izan zituen. Lehen bitan ez zuen atean asmatu, baina hirugarrenean ailegatu zen euren gola. 39. minutuan, Cerdák sartu zuen gola eta neurketa berdinduta iritsi zen atsedenaldira.

Bigarren zatiaren hasieran, txuribeltzek bertze bi aukera izan zituzten aitzinetik jartzeko, baina bietan ere etxekoen atezainak ongi gelditu zituen jaurtiketak. 72. minutuan aldiz, berriz ere penalti batean bidez, Canariok bereganatu zuen markagailua eta 2-1ekoa ezarri zuen. Hori gutti balitz, 83. minutuan, hirugarrena eta azkena sartu zuen Cornellàk, oraingo honetan Gonpiren eskutik.

Horrela, hiru puntuak Katalunian utzita, Real Union zortzigarren postuan dago orain sailkapenean, 19 punturekin, eta Cornellà bira hurbildu da, 17rekin. Larunbat honetan berriz, azaroaren 18an, etxean jasoko du Fran Justoren taldeak Nàstic de Tarragona, 18:00etan.

(Argazkia: UE Cornellà)

REAL UNION ROCAK HIRU PUNTUAK ESKURATU ZITUEN AZPEITIAN
Futbola

REAL UNION ROCAK HIRU PUNTUAK ESKURATU ZITUEN AZPEITIAN

1-3ko markagailuarekin txuribeltzek garaipena eskuratu zuten Garmendipen, Lagun Onak B taldearen kontra

CD Lagun Onak B: Madrazo; Arizmendi,...

REAL UNIONEK PORROTA JASO ZUEN LAS LLANAS ZELAIAN
Futbola

REAL UNIONEK PORROTA JASO ZUEN LAS LLANAS ZELAIAN

Sestaok sartutako bi penaltiekin, 3-1eko emaitzarekin galdu zuen Real Unionek

Real Unionek porrota jaso zuen pasa den larunbatean Las Llanas...

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”
Futbola

FRAN JUSTO: “GURE ONENA EMAN BEHAR DUGU, MODU PERFEKTUAN ARITZEKO ETA HIRU PUNTUAK ESKURATZEKO”

Real Unionek bihar bisitatuko du Sestao River (20:00), zalerik gabe jokatuko den neurketa ospatzeko

Real Unionek, pasa den asteburuko garaipena...

REAL UNIONEK CORNELLA GARAITU ZUEN GALEN
Futbola

REAL UNIONEK CORNELLA GARAITU ZUEN GALEN

Alex Cerdák sartutako golari esker, hiru puntuak etxean gelditu ziren

Urtarriletik garaipenik batu gabe egon ondotik, Real Unionek Cornella garaitu...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika