BAZTAN-BIDASOALDEKO TALDE BAKAR BATEK ERE EZ DU GARAIPENIK LORTU ASTEBURUAN
Futbola

BAZTAN-BIDASOALDEKO TALDE BAKAR BATEK ERE EZ DU GARAIPENIK LORTU ASTEBURUAN

Beti Gazteko bi taldeek eta Baztanek galdu egin zuten eta Gure Txokoak eta Doneztebek berriz, berdindu

Baztan-Bidasoaldeko futbol talde nagusienen artean bakar batek ere ez zuen garaipenik lortu asteburuan. Beti Gazteko emakume eta gizonezkoek porrot bana jaso zituzten, baita Baztanek ere. Gure Txokoak eta Doneztebek aldiz, markagailuan berdinketa lortu zuten eta beraz, jardunaldiko puntuak banatu zituzten aurkariekin.

Gipuzkoako Ligako Ohorezko Erregional mailako emakumeek 0-1 galdu zuten Azpeitiako Lagun Onak taldearen kontra. Mastegin aritu ziren bi taldeak eta azken momentuan galdu zituzten lesakarrek puntuak. Ainara Otxoteko bigarren entrenatzailearen iritziz, jokoz kanpo sartutako gol bat izan zen, baina epaileak ez zuen horrela ikusi eta beraz, garaipena azpeitiarrei eman zien. Hala ere, emakumeek lan ona egin zutela erran du Otxotekok, eta entrenamenduetan landutakoa ongi barneratzen ari direla.

Maila eta klub bereko gizonezkoek ere Tolosaren kontra 2-1 galdu zuten pasa den igande arratsaldean. Zubietan aritu ziren elkarren kontra eta hauek ere azken minutura arte saiatu ziren markagailuari buelta ematen. Javier Escagües entrenatzaileak adierazi duenez, Iñigo Etxegaraiek jarri zuen 2-1ekoa lesakarrentzat, baina ez zen nahikoa izan puntuak banatzeko.

Erregional mailako Gure Txokoak aldiz, hutsera berdindu zuen Dunboa Eguzkiren kontra. Ganix Zubieta entrenatzaileak onartu du, urte bukaerarako gelditzen diren lau jardunaldietatik guttienez hiru irabazi beharko dituztela, denboraldiko bigarren zatian, igoera fasea jokatu ahal izateko.

Nafarroako Ligan berriz, Baztanek eta Doneztebek galdu eta berdindu egin zuten, hurrenez hurren. Lehen maila autonomikoko Baztanek Artajones taldearen kontra 1-0 galdu zuen. Liga honetan partidu guztiak zailak direla erran du Iban Romo entrenatzaileak eta kanpoan are gehiago. Bisitari moduan galtzen dituzten puntuak beraz, etxean berreskuratu beharko dituzte baztandarrek.

Preferente mailako Doneztebek azkenik, bana berdindu zuen Ilunberri taldearen kontra igande arratsaldean. Aimar Jabalerak aitzindu zuen taldea markagailuan eta neurketa 0-1ekoarekin bukatuko zela uste zutenean, aurkariak emaitza berdindu zuen eta horrela, puntuak ere banatu behar izan zituzten. Joel Gil bigarren entrenatzaileak doneztebarrak etxera zapore gazi-gozoarekin bueltatu zirela erran du eta heldu den igandean, etxean, sentsazio hau irauli nahi dutela. 


REAL UNION ROCAK EZIN IZAN ZUEN PUNTURIK BATU ETXEAN
Futbola

REAL UNION ROCAK EZIN IZAN ZUEN PUNTURIK BATU ETXEAN

Deusto FC taldearen kontra 0-3 galdu zuen Galeko anexoan

Real Unión Roca: Oihan Fernández; Arteaga, Cabo, Gordo (Pinillos, 68. min.),...

REAL UNIONEK EZIN IZAN ZUEN SABADELL GARAITU
Futbola

REAL UNIONEK EZIN IZAN ZUEN SABADELL GARAITU

Kataluniarrek partiduaren bukaera aldera asmatu zuten aurkariaren atean eta horrela, punturik batu gabe bueltatu ziren irundarrak etxera

Real...

IÑIGO IDIAKEZ: “IDEIAK GARBI DITUGU, PLAN BAT DUGU ETA ONGI ATERATZEA ESPERO DUT”
Futbola

IÑIGO IDIAKEZ: “IDEIAK GARBI DITUGU, PLAN BAT DUGU ETA ONGI ATERATZEA ESPERO DUT”

Real Unionek Sabadell bisitatuko du bihar, otsailaren 24an, 16:00etan

Real Unionek bihar jokatuko du asteburuko jardunaldia, larunbatean (otsailaren...

REAL UNION ROCAK HIRU PUNTU EKARRI ZITUEN BERGARATIK
Futbola

REAL UNION ROCAK HIRU PUNTU EKARRI ZITUEN BERGARATIK

Ortizek bigarren zatian sartutako golari esker, sailkapenera bertze hiru puntu batu zituzten txuribeltzek

Bergara KE: Barriobero; Molina...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika