BIOK TXINGUDIK IRUÑA RC JASOKO DU PLAIAUNDIN URTEA BUKATZEKO
Errugbia

BIOK TXINGUDIK IRUÑA RC JASOKO DU PLAIAUNDIN URTEA BUKATZEKO

Zaisa Txingudik ere etxean jokatuko du larunbatean Zornotzako Urgozo taldearen kontra

Plaiaundin hiru neurketa jokatuko dira asteburu honetan. Larunbatean, abenduaren 16an, 11:00etatik aitzinera, 16 urtez azpiko taldea ariko da eta ondotik, 14:00etan eta 16:00etan senior gizonezkoek eta emakumeek jokatuko dute hurrenez hurren.

16 urtez azpiko taldekoek irekiko dute larunbatean, abenduaren 16an, Plaiaundiko egitaraua. Gabiria Txingudi/Baztanek Hernaniren kontra jokatuko du, 11:00etan, Euskadiko txapelketa jokatzeko multzoan sartzeko helburuarekin. Izan ere, lehen fasea bukatuta, taldeak bi multzotan banatuko dira: A multzoa, Euskadiko txapeldun izan eta Espainiako txapelketara sailkatzeko balioko duena; eta B multzoa, sailkapenean kokapena zehazteko balioko duena.

Zaisa Txingudik hartuko du gazteen lekukoa, 14:00etatik aitzinera. Zornotzako Urgozoren kontra jokatuko du etxean ere, eta partidu gogor bat izanen da mugakoentzat. Izan ere, bizkaitarrek Euskal lehen mailan aritu ziren lehengo urtean eta berriz ere bertara bueltatzeko bidean ari dira aurten. Orain arteko neurketa guztiak irabazi dituzte eta Camareroren mutilek ez dute erraz izanen garaipena. Hala ere, azken partiduetan erakutsitako indarra zelairatuko dute berriz ere, goiko postuetara hurbiltzera aukera paregabe hau aprobetxatuz.

Arratsaldean berriz, Biok Txingudik Iruña RC taldearen kontra jokatuko du asteburua borobiltzeko. 16:00etan hasiko da sailkapeneko azken postuan dagoen taldearen kontrako partidua. Etxekoek garaipena eskuratu nahi dute, play off-a jokatzeko aukera edukitzen segitzeko. Lehen itzuliko azken bost jardunaldiak dituzte oraindik mugakoek jokatzeko eta goiko multzoko sailkapena hamar puntura dute.

14 eta 18 urtez azpikoak Logroñora

Txingudi Rugby Klubeko 14 eta 18 urtez azpiko taldeek Logroñon jokatuko dute asteburuan, Pradoviejo zelaian. Gazteenek Gipuzkoako Ligako lehen jardunaldia izanen dute, 11:30ean, eta aurredenboraldiko lan ona erakutsiko dute bertan. 18 urtez azpiko Txingudi/Bera Bera taldeak berriz, Euskadiko Ligako bigarren fasea jokatuko du, 13:00etan. Rioja RC taldea Gipuzkoako Federazioko kidea izan da historikoki, eta horregatik jokatzen ditu Gipuzkoako eta Euskadiko txapelketak.

Errugbi eskola Arrasaten

Txingudiko errugbi eskolak Gipuzkoako topaketa berri bat ospatuko du Arrasaten larunbatean ere. 10:30etik aitzinera, 10 eta 12 urteko taldeak ariko dira partiduak jokatzen, Arrasate/Soraluze eta Gaztediren kontra.

Aritz Arrieta berriz ere Euskadiko selekzioaren deialdian

16 urtez azpiko Euskadiko selekzioak Selekzio Autonomikoen arteko txapelketa prestatuko du abenduaren 18an Durangon. Entrenamendu bat eginen dute bertan, eta Aritz Arrieta Gabiria Txingudi/Baztan taldeko jokalariak hartuko du parte.

(Argazkia: Mikel Fraile)

PLAY-OFFA JOKOAN IZANEN DU ZAISA TXINGUDIK ASTEBURUAN
Errugbia

PLAY-OFFA JOKOAN IZANEN DU ZAISA TXINGUDIK ASTEBURUAN

Txingudi Rugby Klubeko senior mailako gizonezkoek Plaiaundin jasoko dute Gaztedi B Ligako azken jardunaldia jokatzeko

Denboraldiko helburu nagusia...

ZAISA TXINGUDIK PORROTA JASO ZUEN ZORNOTZAN
Errugbia

ZAISA TXINGUDIK PORROTA JASO ZUEN ZORNOTZAN

Mugako taldeak ezin izan zuten Urgozo garaitu eta 38-3ko markagailuarekin galdu zuen

Txingudi Rugby Klubeko senior mailako gizonezkoek, Zaisa...

ZAISA TXINGUDIK URGOZO BISITATUKO DU IGANDE HONETAN
Errugbia

ZAISA TXINGUDIK URGOZO BISITATUKO DU IGANDE HONETAN

Txingudi Rugby Klubeko gizonezkoak sailkapeneko hirugarren postua ziurtatzeko helburuarekin joanen dira liderraren etxera

Txingudi Rugby Klubeko...

PLAIAUNDI ERRUGBIAREN ERDIGUNE BILAKATU ZEN ASTEBURUAN
Errugbia

PLAIAUNDI ERRUGBIAREN ERDIGUNE BILAKATU ZEN ASTEBURUAN

Biok Experiential Shopping Txingudi Badia eskolarteko nazioarteko txapelketa arrakastaz ospatu zen bigarren urtez segidan

Eguraldia lagun zutela,...

ERRUGBIKO TXINGUDI BADIA TXAPELKETA ASTEBURU HONETAN OSPATUKO DA
Errugbia

ERRUGBIKO TXINGUDI BADIA TXAPELKETA ASTEBURU HONETAN OSPATUKO DA

200 errugbilari gazte bilduko dira Plaiaundin apirilaren 6an bigarren aldiz ospatuko den eskolarteko txapelketan

Txingudi Rugby Klubak bigarrenez...

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN
Errugbia

ESKOLEN ARTEKO NAZIOARTEKO TXAPELKETA JOKATUKO DA PLAIAUNDIN

Txingudi Rugby Klubak antolatu du “Biok Experimental Shopping Txingudi Badia” topaketaren bigarren edizioa

Txingudi Rugby Klubak bigarrenez...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika