FRAN JUSTO: “PASA DEN ASTEKO PORROTA GAINDITU NAHI DUGU ETA MODURIK ONENA ETXEAN EGITEA IZANEN DA”
Futbola

FRAN JUSTO: “PASA DEN ASTEKO PORROTA GAINDITU NAHI DUGU ETA MODURIK ONENA ETXEAN EGITEA IZANEN DA”

Real Unionek bihar (azaroaren 18an) jasoko du Nàstic de Tarragona Galen

Real Unionek pasa den asteko porrota ahantzi eta bertze hiru punturen bila joan nahi du. Horretarako neurketa ezin hobea izanen du bihar, azaroaren 18an, Galen. Nàstic de Tarragona izanen du arerio, 18:00etatik aitzinera.

Goitik behera egin duen taldea izan de Nàstic de Tarragona taldea. Hala ere, Fran Justo entrenatzaileak argi du “ligako faboritoetako bat” dela: “Hobekien lehiatzen den taldeetako bat da eta liga hain parekatua dagoenez, denak pasatzen gara momentu txarretatik. Batzuetan egutegian momentu zailagoak daude, baina nire iritziz Nàstic-ek badituenak baino lau bat puntu gehiago merezi digu”.

Aurkariak “futbolari onak dituela” ere jakinarazi du Justok eta “baloi geldiko jokaldietan hobekin aritzen direnak” direla. Horregatik beragatik, Nàstic-ek Real Unionek bere onena ematea eskatuko dio eta “defentsan eta erasoan akatsak ongi kontrolatzea ere”.

Real Union indartsu dagoela ere argitu nahi izan du entrenatzaileak eta gogoz dagoela etxean aritzeko: “Pasa den asteko porrota gainditu nahi dugu eta modurik onena etxean egitea izanen da”. Astean zehar lan gehigarria egin dutela ere aipatu du: “Lan gehigarria egin dugu aste honetan. Gogoz ginen eta saioak biderkatu ditugu. Azken egun hauetan lan guttiago eginen dugu ahalik eta modu hoberenean biharko partidura ailegatzeko”.

Hirunaka gehitzeko gogoz daude txuribeltzak eta etxean bada, are gehiago. Baja nahiko ere izanen direla azaldu du Justok, baina edonola ere, “hamaika onenak aterako dira zelaira eta ez daudenei aukera emanen diegu berreskuratzeko”. Azkenik, zale guztiak gonbidatu du Galera, 18:00etan, euren taldea animatzera eta futbolaz eta besta giroaz gozatzera. 

FRAN JUSTOK EZ DU REAL UNIONEN SEGITUKO
Futbola

FRAN JUSTOK EZ DU REAL UNIONEN SEGITUKO

Entrenatzaile galiziarrak Real Unionen eskaintza mahai gainean izan du, baina Ponferradina eta Algeciras taldeetatik jaso dituen eskaintzei lehentasuna eman...

REAL UNIONEK ROCA TALDEAREN INGURUKO LIBURUA KALERATU DU
Futbola

REAL UNIONEK ROCA TALDEAREN INGURUKO LIBURUA KALERATU DU

“Ecos del Roca” izenburupean, Roca talde historikoaren sorrera kontatu dute liburuan

Real Unionek “Ecos del Roca” liburua kaleratu berri du,...

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN
Futbola

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN

Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute

Real Unionek Irun Hiria Beteranoen...

JOSH FEENEY ETA TOMMI O´REILLY ASTON VILLARA BUELTATUKO DIRA
Futbola

JOSH FEENEY ETA TOMMI O´REILLY ASTON VILLARA BUELTATUKO DIRA

2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere

Real Unionek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika