LASO- IMAZ BIKOTEA GARAILE DANIEL UGARTEN

Urdinek 15-22 irabazi zieten Elezkano II-Zabaleta liderrei, partidako bigarren zatian markagailua irauli eta gero

Gaueko 22:20ean eman zioten hasiera, Hendaiako Daniel Ugarte frontoian, pilota partida nagusiari. Bertan aritu ziren aurrez aurre Elezkano II-Zabaleta eta Laso-Imaz bikoteak. Lehendabizikoak sailkapeneko lehenengo postuan iritsi ziren Hendaiara, baina Laso eta Imazek, bigarren zatitik aurrera batez ere, indarrez tantoak batzen hasi ziren eta 15-22ko markagailuarekin garaitu zituzten gorriak.

Partida hasi eta Elezkano eta Zabaleta aurretik jarri ziren, partida guztiz kontrolpean edukiz. Gorriak nagusi izan ziren 13-8ko markagailua erdietsi zuten arte. Hortik aurrera berriz, urdinak indarra hartu eta Lasok aurrean egin zuen lanari esker, hamar tanto eskuratu zituzten jarraian, 13-18koa jarriz. Liderrak tanto pare bat gehiago gehitu zituzten beraien markagailura, baina Baikoko bikoteak berea egin zuen partida eta erosotasunarekin irabazi zituzten azken tantoak. Elezkanok eta Zabaletak lehenengo zatiko boterea galdu eta urdinei oparitu zieten partida azkenik. Garaipen honekin, Ander Imaz eta Unai Laso lehenengo sailkatuak bilakatu dira.

Hendaiako Daniel Ugarten 867 ikusle egon ziren guztira partida honetaz gozatzen eta giro aparta bizi izan zen bertan. Endaiarrak Piloa Taldek antolatutako ekitaldi honekin, bukaera borobila eman zieten Bixintxo bestei. 

OLHARAN-ETCHETO ETA BEASKOETXEA-LEKERIKA AURREZ AURRE

Larunbat honetan, hilak 17, Hondarribiako Grand Slam txapelketa bueltan izanen da partida erabakigarri batekin

ALDAI-CAPELLAN ETA ETXEGARAI-GAMINDE BIKOTEEK IRABAZI ZITUZTEN UDAKO TORNEOKO FINALERDIAK

Bi bikoteak aurrez aurre izanen dira Aitzurin abuztuaren 27ko final handian

Pasa den larunbatean, abuztuaren 13an,...

UDAKO TORNEOKO FINALERDIA BIHAR JOSTALDIN

Partida nagusian Aldai-Capellan eta Arrizabalaga-Oses bikoteak arituko dira elkarren aurka

Emakume Master Cup-ek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika