REAL UNIONEK HIRU PUNTU ESKURATU ZITUEN ESPIÑEDON
Futbola

REAL UNIONEK HIRU PUNTU ESKURATU ZITUEN ESPIÑEDON

Talde txuribeltzak 2-3ko markagailuarekin garaitu zuen atzo CD Arenteiro

Real Unionek sailkapeneko lider bilakatuta egin du lo gaur arratsean. Fran Justoren taldeak, denboraldiko laugarren jardunaldian, lehen garaipena eskuratu du etxetik kanpo. Hain zuzen ere, entrenatzailearen lehengo urteko taldearen kontra, CD Arenteiroren kontra, 2-3ko markagailuarekin irabazi ondotik.

Partidua hasi era berehala aitzindu zen Real Union markagailuan. Lehen jokaldia arriskutsuan sartu zuen talde bisitariak gola. Bertze behin Alain Oyarzun eta Anton Escobar ongi bateratu ziren eta lehenak ateratako kornerra, bigarrenak arrakastaz errematatu zuen. Bigarren gola sartzeko aukera ere izan zuen Iñigo Muñozek, Oyarzunek ateratako hurrengo kornerrak eragindako aldaratzean, baina kanpora joan zen baloia. Ordu laurdena pasatuta berriz, etxekoen gola ailegatu zen. Arenteiroko Chaconek kontraeraso batean sartu zuen baloia sarera eta banakoa ezarri zuen.

Berdinketa onartzea zaila izan zen Fran Justoren taldearentzat, baina aitzinera segitu zuten. Arenteirok, gailenduta, bertze aukera berri bat izan zuen aurrea hartzeko, baina Irazustak bikain gelditu zuen Markitosek buruz egindako errematea. Jokaldi honekin indarberritu ziren txuribeltzak eta euren bigarren gola lortu zuten. 37. minutuan, Oyarzun izan zen berriz ere protagonista, eta falta zuzen baten ondorioz, 1-2koa eskuratu zuen atsedenaldirako bidean.

Bigarren zatia hasi eta segidan, Arenteiro jokalari bat guttiagorekin gelditu zen, baina honek ez zien eragin jardunaldiko bigarren berdinketa lortzeko. Chaconek gola sartu eta 2-2koa ipini zuen, 53. minutuan. Real Unionek amore eman gabe jokoan segitu zuen eta 66. minutuan hirugarren gola sartu zuen Solísen eskutik. Honek areaz kanpotik egindako jaurtiketa batekin sartu zuen baloia sarera. Honez gain, etxekoek bertze jokalari bat galdu zuten eta bederatzirekin jokatzen segitu behar izan zuten. Aukera hau aprobetxatu nahi izan zuen bisitariak bertze golaren bat sartzeko eta abaguneak ere izan zituen, nahiz eta etxeko atezainak ongi gelditu zituen denak.

Partidu bukaeran, Real Unionek ongi sufritu zuen. Epaileak 10 minututik gorako deskontua markatu zuen eta Justoren taldea berdinketa sahiesten ibili zen azken minutuetan. Hala ere, lortu zuen eta hiru puntuak bereganatu zituen, denboraldi honetan etxetik kanpo lortzen duen lehen garaipena erdietsiz. 

FRAN JUSTOK EZ DU REAL UNIONEN SEGITUKO
Futbola

FRAN JUSTOK EZ DU REAL UNIONEN SEGITUKO

Entrenatzaile galiziarrak Real Unionen eskaintza mahai gainean izan du, baina Ponferradina eta Algeciras taldeetatik jaso dituen eskaintzei lehentasuna eman...

REAL UNIONEK ROCA TALDEAREN INGURUKO LIBURUA KALERATU DU
Futbola

REAL UNIONEK ROCA TALDEAREN INGURUKO LIBURUA KALERATU DU

“Ecos del Roca” izenburupean, Roca talde historikoaren sorrera kontatu dute liburuan

Real Unionek “Ecos del Roca” liburua kaleratu berri du,...

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN
Futbola

REAL UNIONGO BETERANOEK IRUN HIRIA TXAPELKETA OSPATUKO DUTE LARUNBATEAN

Zazpigarren edizioa izanen da eta txapelketa triangularrean, Touring KEk eta Arenas Clubak parte hartuko dute

Real Unionek Irun Hiria Beteranoen...

JOSH FEENEY ETA TOMMI O´REILLY ASTON VILLARA BUELTATUKO DIRA
Futbola

JOSH FEENEY ETA TOMMI O´REILLY ASTON VILLARA BUELTATUKO DIRA

2024ko urte hasieran ailegatu ziren Real Unionera bi jokalariak utzita eta orain, jatorrizko taldera bueltatuko dira berriz ere

Real Unionek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika