Bidasotarren artean bi igerilarik lortu dute irabaztea parte hartu duten lau probetan, Eider Emazabelek eta Oihan Cabanesek
Bidasoa XXI-eko...
30 Aza, 2020 Kiroletik, Irratsaioa, Kirolak, Irun, Antxeta Irratia, Hondarribia, Hendaia, Igeriketa, Natación, Bidasoa XXI
Getxoko Fadura Igerilekuan jokoan jarri zen Euskal Herria Kopako Txapeldun berriak dira Bidasoa XXI-ko igerilariak, emakumezkoen lehian zein gizonezkoenean.
Asteburu oparoa izan da Bidasoa XXI taldeko igeriketa olinpikoko modalitateko igerilarientzat. Getxoko Fadurua Igerilekuan kluben arteko Euskal Herria Kopa jokatu zen eta emakumezkoen zein gizonezkoen lehian, talde irundarrak menderatu zituen gainontzeko arerioak.
Euskal Herria Kopari emakumezkoen txapelketak eman zion hasiera. Larunbatean, Bidasoa XXI-eko igerilariek errelebo guztiak eta bakarkako proba gehienak irabazi zituzten. Nagusitasuna nabarmena izan zuten Bidasoa eskualdeko igerilariek; adibidez, Leire Martinek bizkarreko 50 metroko proban, Euskadiko 17 urtez azpiko errekorra gainditu zuen.
Igandean gizonezkoen txanda iritsi zen eta txapelketa bide beretik jarraitu zuen. Errelebo guztietan lehenak iritsi ziren, baina sailkapen nagusia parekatuagoa izan zen. Etxeko taldeak, Getxo Igeriketa Klubak, etxean garaipena erdietsi nahi zuen eta gauzatu ezin izan bazuten ere, Bidasoa XXI taldearen arerio nagusia izan zen asteburu osoan zehar.
Bidasoa XXI taldeko ordezkariek Getxon lortutako emaitzen balorazio positiboa egiten dute: “pozgarria da txapelketara bueltatzea eta horrelako emaitzak eskuratzea. Gure igerilariek horrelako txapelketa gauzatzea behar zuten entrenamenduen rutina berabiarazteko eta ohiko martxa hartzen joateko”. Horretaz gain, Bidasoa XXI taldearentzat “emakumezkoen eta gizonezkoen txapelketetako Euskadiko talderik onenak izatea ohorea” dela aitortu dute.
Bidasotarren artean bi igerilarik lortu dute irabaztea parte hartu duten lau probetan, Eider Emazabelek eta Oihan Cabanesek
Bidasoa XXI-eko...
Hiru hitzordu izanen dituzte guztira Oñatin Bidasoa XXIeko igerilariak eta lehena larunbat honetan izanen da
Oñatin eginen da asteburu honetan...
Jon Goñez izan zen Bidasoa XXI-eko igerilaririk azpimarragarriena lau probetan irabazita
Gif Trofeoan parte hartu zuten pasa den asteburuan Bidasoa...
Azkuek lau modalitatetan irabazi zuen eta Arretxek bizkarrez eta krolean
Bidasoa XXIek garaipen handiak lortu ditu Gipuzkoako Txapelketan. Hamasei...
Cendoyaren gibeletik, Ane Hernandez eta June Ilzarbe sailkatu ziren
San Martzial Torneoa ospatu zen pasa den asteburuan eta bertan, Amaia Cendoya...
Taldekako bortz sailkapenetan nagusitu dira irundarrak, eta 52 domina eskuratu dituzte guztira
Bidasoa XXI kluba Euskal Herriko junior eta absolutu...