11 Urt, 2021 Kiroletik, Irratsaioa, Kirolak, Irun, Antxeta Irratia, Bidasoa Atletiko Taldea
Bidasoa Atletiko Taldeak 2021eko lehiaketak asteburuan hasi zuten. Zehazki, Donostiako belodromoan, Taldekako Pista Estaliko Euskadiko Txapelketa absolutuan bigarren eta hirugarren postuan bukatu zuen.
Anoetako Belodromoa Taldekako Pista Estaliko Euskadiko Txapelketa absolutuaren egoitza bilakatu zen. Bertan, Bidasoa Atletiko Taldeko bi talde bertaratu ziren eta biek ala biek paper ona burututa itzuli ziren Bidasoa eskualdera. Emakumezkoen taldeak zilarrezko domina eskuratu zuen eta gizonezkoenak brontzezkoa. Horietaz gain, zenbait atletek, era pertsonalean ere, probak irabazteko gaitasuna erakutsi zuten.
Emakumezkoetan Atletiko San Sebastian taldeak soilik gailendu zituen bidasoatarrak, 76 punturekin Bidasoa Atletiko Taldeak txapelketako bigarren postuan bukatu zuen. Gizonezkoetan, berriz, 63 puntu eskuratu zituzten, Real Sociedad taldearen eta Atletiko San Sebastianen atzetik bukatu zuten jardunaldia.
Bidasoa Atletiko Taldeko atletak gogotsu zeuden lehiatzeko; izan ere, taldean oso ondo aritzeaz gain, zenbaitzuk marka pertsonal bikainak lortu zituzten. Hala nola, Teresa Errandoneak inoizko denboraldi-hasiera onena izan zuen, 60metro hesidunak 8”18ko denboran egin zituen. Errandoneaz aparte, Sara Villasantek (1500 metroetan) eta Paula Añorgak (pertika jauzian) garaipenak lortu zituzten.
Gizonezkoek ere oso fin aritu ziren. Esaterako, Iker Arozenak 7,25metroko jauzia egin zuen luzera jauziko proban garaipena lortzeko. Gonzalo Tamayok pisu jaurtiketan eta Joseba Larzabalek 3000 metroetan garaipenak erdietsi zituzten.
Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek
Lasterketaren aurkezpena egin zuten orain dela...
Gizonezkoek urrezko sei domina eta emakumeek bertze bi eskuratu zituzten, bertze hainbat dominekin batera
Euskadiko Klub arteko txapelketa ospatu...
Espainiako Unibertsitate mailako 400 metroko hesi-lasterketan lortu zuen garaipena
Espainiako Atletismoko Unibertsitate mailako Txapelketa ospatu...
Iruñean jokatu zen Ligako lehen jardunaldia eta BATeko emakumeak hirugarren postuan sailkatu ziren, Playas de Castellon eta Pamplona Atletismoren...
Gizonetan aldiz, Iñaki Olano nagusitu zen beroak baldintzatu zuen lasterketan
Berako XVIII. Mendi Maratoi Erdia ospatu zen pasa den igande goizean,...