IRUNGO ERDI MARATOIA PREST DA

Urteak daramatza Bidasoako Atletismo Taldeak Irunen lasterketak antolatzen, baina aurreko urtetik erdi maratoiaren dimentsioa duen lasterketa bat antolatzen hasi dira. Bigarren urtez jarraian, Irungo erdiguneko kaleetan barrena 10km eta 21km aritzeko aukera izango da.

Gaur lasterketa aurkezteko prentsaurrekoa eskeini dute Palmera Montero Gunean. Ibon Muñoz, BATeko lehendakaria, arduratu da prentsaurrekoa gidatzeaz eta babesleez inguratuta aurtengo erdi maratoiari buruz jakin beharrekoak aditzera eman ditu.

Oso harro aurkeztu du Muñozek Irungo Erdi Maratoiaren bigarren edizio hau, izan ere, “lehen edizioan lan asko egin genuen eta jende asko hurbildu zen laguntzera eta batez ere lehiatzera, eta bigarren edizio honetan proba kontsolidatzea probatu dugu”, adierazi zuen. Bigarren edizio honetarako, aurreko urtean parte hartu zuten korrikalarien iradokizunak kontutan hartu dituzte berrikuntzak lasterketa hobetzeko asmorekin. “800 korrikalarik parte hartu zuten aurreko urtean eta 200 inguruk gure inkesta osatu zuten. Hauen iradokizunak kontutan izan ditugu lasterketa hobetzeko eta horregatik, aurtengo lasterketa aurreko urtekoa lauagoa izango da”.

Laguntza ez dute faltan BATeko lagunek. Babesleez gain, 300 bolondres izango dituzte asteburu guztian lanetan lasterketaren alor guztiak ondo atera daitezen, eta nola ez, BATeko arduradunak bere esker onak eskeini dizkie guztiei. “Bolondres guztiei gure esker beroenak eman behar dizkiegu euren laguntza ezinbestekoa baita maila honetako lasterketak aurrera egiteko”.

Erdimaratoia eta 10km-ko lasterketa otsailaren 17an izango denez gero, oraindik ere lasterketetan izena emateko epea irikita dago. Dortsala Kirol Probaken webgunean lortu daiteke, baita Leire Sport eta Papycop dendetan ere bai.

Ez da egun bateko ekitaldia izango, asteburu osoan zehar lasterketaren inguruan hainbat ekimen egingo dira, nabarmenena, Palmera Montero Gunean ezarriko den kirolariaren feria izango da. Bertan dortsala jaso beharko da eta hortaz gain, lasterketen munduko produktoak probatzeko eta hainbat hitzaldiak entzuteko aukera egongo da.

Irungo Erdi Maratoia geratzeko etorri da eta Bidasoa eskualdeko korrikalariek etxe inguruan distantzia luzeko lasterketa bat izango dute urteetan zehar. Prentsaurrekoa bukatzeko, Muñozek adierazi du “Irungo eta inguruko korrikalariak animatzen ditut lasterketan parte hartzeko, 10 edo 21km-kora. Denborak laguntzen badu, asteburu aparta izango da”.  

Informazio osea esteka honetan eskuragarri duzu: http://www.atletismobat.com/es/pruebas-organizadas/media-maraton-irun

AIMAR OTXOTEKOK IRABAZI DU LESAKAKO V MENDI LASTERKETA

Lesakarrak 2019ko lehen edizioko errekorra hautsi zuen, ordubete eta hamar minutuan osatuz 14 kilometroko ibilbidea

Aimar Otxoteko Larrarte...

CARLA MARTINEZEK ETA LAIA OLASCOAGAK URREZKO ETA BRONTZEZKO DOMINAK ESKURATU DITUZTE ESPAINIAKO 20 URTEZ AZPIKO TXAPELKETAN

Horiez gain, BATeko bertze zazpi atletek hartu dute parte Espainiako Txapelketan

Bidasoa Atletiko Taldeak parte hartze handia izan du...

BIDASOA ATLETIKO TALDEKO MASTERRAK URREZKO LAU DOMINA ESKURATU DITUZTE ESPAINIAKO TXAPELKETAN

Hauez gain, 16 urtez azpiko hiru atleta aritu dira txapelketa berean lehian estreinakoz

Donostian ospatu zen Espainiako Pista Estaliko Master...

MARTXOAREN 10EAN OSPATUKO DUTE LESAKAKO V MENDI LASTERKETA

14 kilometro luze eta 900 metroko malda positiboa izanen du aurten ere probak

Beti Gazte elkarteak Lesakako Mendi Lasterketa antolatu du aurten ere....

NAIA LLORENTEK ETA ALAINE AGUERRALDEK LAUGARREN POSTU BANA ESKURATU ZUTEN 18 URTEZ AZPIKO ESPAINIAKO TXAPELKETAN

Horrez gain, Izaskun Sanz eta Leire Martiarena finalerdietara ailegatu ziren eta Liher Ugartemendiak lesio bat sufritu zuen sailkapeneko...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika