ZAISA TXINGUDIK EZ ZUEN BERE HELBURUA LORTU
Errugbia

ZAISA TXINGUDIK EZ ZUEN BERE HELBURUA LORTU

Bidasotarrek Uni Bilbao B taldea jaso zuten Plaiaundin larunbatean eta 7-39ko markagailuarekin galdu zuten

Zaisa Txingudik Universitario Bilbao B taldearen aurka jokatu zuen larunbatean denboraldiko 17. jardunaldia eta 7-39 galdu zuen. Bidasotarrek ez zuten beraien helburua lortu, eta Bera Bera Bk Atletico san Sebastianen aurka lortutako emaitzarekin batera, Txingudiren jeitsiera ia erabakita dago.

Partida gogorra eta lehiatua izango zela nabaritu zen hasieratik. Zaisa Txingudi saiatu zen, baina lehengo aukera aurkariek errematatu zuten. 15. minutuan, hainbat faseren ondoren, bidasotarren marka eremura iristea lortu zuen Uni Bilbok eta markagailua beraien alde jarri zuen. Handik zazpi minutura, Txingudi jarri zen aurretik 7-5koarekin, Unai Herreroren entseguari eta Adur Manterolaren eraldaketari esker. 29. eta 31. minutuetan aldiz, aurkarien entseguak etorri ziren berriro eta atsedenaldirako, 7-15ko markagailua ezarri zuten.

Bigarren zatia ildo beretik joan zen baita ere. Etxeko taldeak amore eman eta aurkarien nagusitasunak irabazi zuen partidua. 60. minutuan, Uni Bilboren laugarren entsegua etorri zen, eta azken hamar minutuetan beste hiru entsegu egitea ere lortu zuten aurkariek, markagailua behin betiko 7-39an utziz.

Bidasotarrek hurrengo asteburuan izango dute jeitsiera postua ekiditeko azken aukera. Igandean Riojaren aurka arituko dira, Logroñon, eta bertan bonus puntu bat lortu beharko dute azken postutik aldentzeko. Horrez gain, Bera Bera B eta Elorrioren aurkako neurketaren emaitzaren zain egon beharko dira. Hala eta guztiz ere, zaila izango da hau erdiestea, izan ere, Riojak ere garaipena eskuratu beharra du play-offean sartzeko eta beraien sasoi ona ikusita, dena emango dute zelaian.

(Argazkia: Uni Bilbo)

KIROLETIK - TXINGUDI ERRUGBI KLUBEKO NESKAK
Errugbia

KIROLETIK - TXINGUDI ERRUGBI KLUBEKO NESKAK

Zaisa Txingudi kluba erronkez betetako denboraldia prestatzen ari da. Klubak harrobia eta Touch sekzioa sendotzeaz eta seniorren gizonezkoen taldea euskal lehen mailara itzularazteaz gain,...

ZAISA TXINGUDIK URRIAN HASIKO DU DENBORALDI BERRIA
Errugbia

ZAISA TXINGUDIK URRIAN HASIKO DU DENBORALDI BERRIA

Klubak harrobia eta Touch sekzioa indartzea, emakumeen taldea sortzea eta seniorrak lehen mailara itzultzea izanen du helburu

TXINGORDIK IRABAZI DU FAT RUGBY TXAPELKETA
Errugbia

TXINGORDIK IRABAZI DU FAT RUGBY TXAPELKETA

Monzonen jokatu zen txapelketa, Quebratahuesos RC taldeak antolatuta, eta Txingudi Rugby Klubeko taldeak irabazi zuen

ZAISA TXINGUDIK KLUBEKO EGUNA OSPATZEN AMAITU DU DENBORALDIA
Errugbia

ZAISA TXINGUDIK KLUBEKO EGUNA OSPATZEN AMAITU DU DENBORALDIA

Talde bidasotarrak lesioek baldintzatutako denboraldi honi agur esan zion larunbatean eta dagoeneko hurrengoari begira jarri da

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika