Hendaiako Itsas Ospitaleko eriekin elkartasunezko erremonte txapelketa antolatu dute
2025/08/14
Les Deux Jumeaux elkarteak, Remonte Euskal Jai Berri Fundazioak eta Hendaiako Udal Kirol Bulegoak antolatu dute aurrenekoz ekitaldia. Uterga-Agirrezabala Iturregi-Mitxeoren aurka ariko dira lehenik, eta ondotik Matxin III-Barricart Otxandorena-Otanoren aurka.
Ostiralean, abuztuaren 15ean, Hendaiako Daniel Ugarte pilotalekuan jokatuko da 2025eko Hendaye-Grand Reyno Gourmet Erremonte Profesionaleko Txapelketa. Ekitaldia Remonte Euskal Jai Berri Fundazioak eta Hendaiako Udal Kirol Bulegoak elkarlanean antolatuko dute.
Txapelketako irabaziak Les Deux Jumeaux elkarteari zuzenduko zaizkio; elkarte honek Hendaiako Itsas ospitalean dauden elbarrituentzako jarduera kultural eta artistikoak eskaintzen ditu.
Partidak arratsaldeko 20:00tan hasiko dira, lehenengo partida Uterga-Agirrezabala eta Iturregi-Mitxeoren artean, eta bigarrena Matxin III-Barricart eta Otxandorena-Otanoren artean jokatuko da.
- Pilota
- Irun
