Futbola

Talde irundarrak 2-2ko markagailuarekin berdindu zuen, pasa den larunbat eguerdian, Eibar C-ren kontra. Neurketa ezin hobe hasi zuen etxeko taldeak, lehen minutuan aitzina hartuta. Hala ere, bi akatsen ondorioz, eibartarrek emaitzari buelta eman zioten eta gibeletik jokatu behar izan zuten zenbait minutuz irundarrek. Erakutsitako indarra baliatuz, 2-2koa ezartzeko gai izan ziren Imanol Gomezen jokalariak eta beraz, jardunaldiko puntuak banatu behar izan zituzten azkenean. Sentsazio onekin bukatu zuten hauek neurketa, nahi bezalako intentsitatea zelairatzeko gai izan baitziren, baita puntu bat eskuratzeko ere.