29 PUNTUKO ALDEAZ IRABAZI DU HENDAIA BASKET BALLEK
Saskibaloia

29 PUNTUKO ALDEAZ IRABAZI DU HENDAIA BASKET BALLEK

Denboraldi-aurreko neurketa bazen ere, Hendaia Basket Ball gizonezkoen taldea aise gailendu zen Sames taldeari, 84-55. Taldeak aldaketak izan ditu udaran eta Frantziako Regional 3.mailako denboraldi berriari aurre egiteko prestaketan murgilduta daude.

Ostiralean Hendaiako Irandatz eskolako kantxan Hendaia Basket Ballek Samesen aurka jokatu zuen, denboraldi-aurreko bigarren neurketa. Taldeak udaran zehar aldaketak izan ditu, aurpegi berriak dituzte eta denboraldiaren hasierara ahalik eta prestatuen iristeko helburuarekin hainbat neurketa jokatzen ari dira.

Lehen laurdenean, Hendaiarrek kantxa osoko defentsa ezarri zuten eta erasoan zein defentsan zailtasun ugari ezarri zieten Sameseko jokalariei. Defentsan baloi asko lapurtu zituzten Andoni Castilloren jokalariek. Erasoko dinamismoari esker, lehen laurdenean abantaila handia lortu zuten, hain zuzen, 16 puntukoa (31-14).

Bigarren laurdenean, Samesek zonako defentsa jarri zuten zelaian eta Hendaiarren erasoko joera ona moztea lortu zuten. Sames hobeto kokatu zen kantxan, barnealdean jokatzen duten jokalariak aurkitu zituzten saskiratze errazak eskuratu zituzten. Hala ere, Hendaiarrek eutsi egin zioten Samesen saiakerei eta atsedenaldira iristean, markagailuak 47-27 adierazten zuen.

Hirugarren laurdenean, Hendaiarren lana defentsan zentratu zen. Erritmoa igo zuten, horrek erasoak kotraeraso errazak gauzatzea ahalbidetu zien eta apurka-apurka markagailuan aldentzen joan ziren. Hiruko marratik oso fin ibili zen Hendaia Basket Ball , Jon Sagarzazu izan zen eguneko saskiratzaile nagusia eta bere eskuetatik hainbat hiruko gauzatu ziren. Azken aurreko laurdena 66-38 bukatu zen.

Azkeneko laurdenean, denboraldi-aurreko neurketetan ohikoa den bezala, Hendaiarrak defentsan lasaitu ziren. Beste behin, Samesek barrualdeko jokalariekin konektatzea lortu zuen eta saskiratze gehiago lortu zituzten. Nekeak eragin zuen bi taldeetan, eta pixkanaka jokoaren erritmoa eta maila jeisten joan zen. Azken emaitza 84-55koa izan zen, 29 puntuko aldearekin aise menderatu zuen Hendaia Basket Ballek Sames. 

LEHEN PORROTA…BIGARREN GELDIUNEA?
Saskibaloia

LEHEN PORROTA…BIGARREN GELDIUNEA?

Erroibidek ezin izan du denboraldiko laugarren garaipena erdietsi, neurketa berdindu batean, Leioako Askartza taldeak 64-69 irabazi du.

Hiru hilabete...

GALDAKAO ZONALDE GORRIAN UTZI DU ERROIBIDEK
Saskibaloia

GALDAKAO ZONALDE GORRIAN UTZI DU ERROIBIDEK

Hiru hilabete geldirik egon ostean, lehiaketa utzi zuten bezala bueltatu dira irundarrak, garaipenarekin alegia. Cafeteria Tartalo Ibaizabelen aurka 71-86 gailendu...

GARAIPEN BERRI BAT ERROIBIDERENTZAT
Saskibaloia

GARAIPEN BERRI BAT ERROIBIDERENTZAT

Neurketa zail batean, azken laurdenean Erroibidek denboraldiko bigarren garaipena erdietsi du eta sailkapeneko lider berri bezala kokatu da...

HENDAIA BASKET BALLEK ASTEBURUKO BI NEURKETAK BEREGANATU DITU
Saskibaloia

HENDAIA BASKET BALLEK ASTEBURUKO BI NEURKETAK BEREGANATU DITU

Ostiralean Hazparneren jaso zuten Irandatzen eta aise 78-59-ko garaipena erdietsi zuten; igandean, bestalde, Merignac 80-56 garaitu zituzten.

Ez ohiko...

ERROIBIDEK DENBORALDIA GARAIPENAREKIN HASI DU
Saskibaloia

ERROIBIDEK DENBORALDIA GARAIPENAREKIN HASI DU

Defentsako lanetan oinarrituta, denboraldiko lehen garaipena Oñatiko Mekalki Aloñamendiren aurka erdietsi dute (33-49)

Hilabete askoren ondoren,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika