Dominez gain, estatu mailako txapelketan parte hartzeko minimoak ere lortu dituzte zenbait atletek
Euskadiko Txapelketa ospatu zen pasa den...
14 Abe, 2023
Aurten Bikendi Aizpiolearen omenez sari berezi bat banatuko dute infantil mailan
Bederatzigarren aldiz ospatuko da Gabonetako Krosa abenduaren 16an Irunen. Ohiko ibilbidea izanen du aurtengoan ere, baina egunak berezitasunak izanen ditu. Tartean, Bidasoa Atletiko Taldeko korrikalari izan zen Bikendi Aizpiolearen omenezko saria. Horrez gain, Super Amara Gabonetako Kros Txikia ere ospatuko da egunean bertan.
Bost kilometroko ohiko ibilbidea izanen du aurten ere Bidasoa Atletiko Taldeak antolatutako Gabonetako Krosak. Eguberrien oporren aitzinetik egiten den ohiko besta giroko lasterketa ospatuko da. Irungo karriketan barrena pasatuko dira korrikalariak, Kolon Pasealekuan hasi eta Luis Marianora ailegatu bitartean.
Arratsaldeko 15:00etatik aitzinera, DJ batek girotuko ditu hiriko kaleak ere eta giro ederra egonen dela aurreikusten dute. Gainera, bakoitzaren objektu pertsonalak uzteko lekua eskainiko dute irteeran, baita dutxak eta aldagelak ere Artalekuko kiroldegian. Bukatzean, anoa gunea ere izanen da helmugan, lasterketaren babeslea den Super Amararen eskutik. Korrikalari bakoitzak ere poltsa berezia eskuratuko du bertan.
Izen emateak abenduaren 15era arte irekita egonen dira, 13:00ak baino lehen, eta egunean bertan ez da inskripziorik onartuko. Ortzirale arratsaldean berriz, 18:00etatik 21:00etara, dortsalak bildu ahalko dira, baita larunbatean 10:00etatik 12:00etara ere. Sailkapenari dagokionez, kuadrilen kategoria ere aintzat hartuko da eta banakako emakume eta gizonezkoen sariak mantenduko dira.
Aurten, berezitasun moduan, Bidasoa Atletiko Taldeko korrikalari ohiaren omenez, Bikendi Aizpiolearen oroimenez, sari berezi bat emanen zaio infantil mailako onenari. Gainera, lasterketan biltzen den diru guztia “Mi Dulce Guerrero” 1 mailako diabetes duten haurren elkarteari bideratuko zaie.
Azkenik, Super Amara Gabonetako Krosa Txikia ere ospatuko da, nagezien lasterketaren aitzinetik. 15:30etik 16:30era ospatuko da ibilbide eta maila desberdineko haurrentzako proba. Ez da lehiakorra izanen eta haur bakoitzak opari berezi bat izanen du helmugan. Hala ere, izena ematea beharrezkoa da, kirolprobak.com edo atletismobat.com webguneen bitartez.
Dominez gain, estatu mailako txapelketan parte hartzeko minimoak ere lortu dituzte zenbait atletek
Euskadiko Txapelketa ospatu zen pasa den...
Ekainaren 22an ospatuko zen San Martzial Igoeraren XLVI. edizioa eta Sandra Piera eta Jon Urtizberea izan ziren azkarrenak
Sanpedro eta sanmartzial...
3,6 kilometroko ibilbidea prest du Bidasoa Atletiko Taldeak
San Martzial Igoeraren XLVI. edizioa ospatuko dute larunbat honetan, ekainaren...
Gipuzkoako Absolutu Txapelketa ospatu zen Donostian ekainaren 8an eta 9an eta Bidasoa Atletiko Taldekoek urrezko bortz domina irabazi...
Bidasoa Atletiko Taldeak antolatua, kirola eta jolasen bitartez ongi pasatzea izanen da udalekuen helburu nagusia
2024ko uda ailegatzear dago eta...