LUZAPENEAN KALE ERROIBIDEK
Saskibaloia

LUZAPENEAN KALE ERROIBIDEK

Atsedenaldiko jardunaldiaren ostean txapelketara bueltatzen zen Erroibide. Gasteizera bidaiatu zuten larunbatean bigarren itzuliko lehen jardunaldia jokatzera eta azken bi urteetan bezala, porrotarekin bueltatu ziren Euskal Herriko hiriburutik. Gora behera askoko neurketa izan zen, luzapen bat eta guzti jokatu behar izan zen, baina amaieran gakoa jaurtiketa libreetan zentratu zen eta garaipena gasteiztarren alde erori zen.

Gogotsu iruten zen Erroibide lehen laurdenean, baloia alde batetik bestera mugitzen zuten eta kontraerasoen bitartez neurketaren lehen abantailak lortu zituzten. Aldaketak egitera behartuta ikusi zen Sergio Martin, taldeko zenbait jokalarik falta ugari egin baitzuten, baina taldeak aurpegi bera erakusten jarraitu zuen. Horrela, lehen laurdena 9-13koarekin amaitu zen.

Bigarren laurdena ordea etxeko taldeak irabazi zuen. Erroibidek baino lau puntu gehiago lortu zituen, izan ere, lehen laurdenean oso deseroso egon ostean, San Prudentziok norgehiagokari buelta ematen saiatu zen. Ez zuen gauzatu ordea eta atsedenaldira 26-26ko berdinketarekin iritsi zen, dena jokatzeko.

Aldageletatik bueltan, 0-8 partziala lortu zuen Erroibidek, bazirudien neurketa hautsiko zutela, San Prudentziok bikain erantzun zuen irundarren partzialari eta hirugarren laurdena aurretik bukatu zuten (46-38). Lehen hiru minutuetan zortzi puntu eskuratu ondoren, gelditzen ziren zazpi minutuetan lau puntu besterik ez saskiratu zuen Erroibidek.

Baina irundarrek ez zuten azken hitza esan. Laugarren laurdenean hortzak estutu zuten eta azken minutuan bost puntutara hurbildu ziren. Gauzak oso zail ikusten zirenean, hiruko bat saskiratu zuen Erroibidek, gasteiztarrek bi jaurtiketa libre huts egin eta biko saskiraketa baten ondorioz, neurketa luzapenera joan zen.

Luzapenak laugarren laurdenaren bide berdina jarraitu zuen. San Prudentziok saskiraketa bat lortzen zuenean Erroibidek erantzuna ematen zion, eta alderantziz, uneoro. Berriro ere azken minutuetan erabakiko zen neurketa zeinen alde eroriko zen, eta azkenean garaipena etxean geratu zen, azken erasoan Erroibidek ezin izan baitzuen hirukoa sartu.

Nabarmendu beharrekoa da epaileek Erroibideri 31 falta kontran adierazi ziotela, San Prudentziori 17 adierazi zioten bitartean. Hainbeste falta adierazita, Irundarren hiru jokalarik bost faltekin kaleratuak izan ziren eta San Prudentziok 29 jaurtiketa libre sartzera ahalbidetu zuten. Larunbatean epaileek burutako lana ez zen hoberena izan.

Gauzak horrela, Erroibidek sailkapeneko zortzigarren izaten jarraitzen du, baina lau talde puntu berdinekin kokatuta daude. Oso estua dago aurten sailkapena eta irundarrak datorren astean Urdanetaren aurka irabaztera behartuak ikusten dira. 

SALLEKO ERE GARAITU DU ERROIBIDEK
Saskibaloia

SALLEKO ERE GARAITU DU ERROIBIDEK

Erroibide bolada bikainean dago, Sallekoren aurka errenkadan lortutako laugarren garaipena erdietsi zuten (71-64)

Bigarren itzuli bikaina egiten ari da...

ERROIBIDE ARTALEKUN GARAIEZINAK
Saskibaloia

ERROIBIDE ARTALEKUN GARAIEZINAK

Erroibidek 74-69 irabazi dio Askartza Claret taldeari eta zazpigarren postura igo dira. Esfortzu izugarria egin dute Sergio Martinen jokalariek, zazpi jokalarirekin...

ERROIBIDEK LIDERRA GARAITU DU ARTALEKUN
Saskibaloia

ERROIBIDEK LIDERRA GARAITU DU ARTALEKUN

Sekulako neurketa jokatu du gaur Erroibidek, txapelketako liderra den Mondragon 84-70 garaitu dute 

Denboraldia aurrea doan einean, egonkortasuna...

GARAIPEN GARRANTZITSUA ERROIBIDERENA
Saskibaloia

GARAIPEN GARRANTZITSUA ERROIBIDERENA

Erroibidek 75-69 irabazi dio San Prudencio talde gasteiztar gogorrari. Lehen hiru laurdenetan neurketa kontrolpean izan eta gero, azken laurdenean neurketa estutu...

BERRIRO ERE, AZKEN UNEETAN GALDU DU ERROIBIDEK
Saskibaloia

BERRIRO ERE, AZKEN UNEETAN GALDU DU ERROIBIDEK

Erroibidek azken segunduetan garaipena lortu gabe jarraitzen du, Easo Tordowinek 60-58 irabazi dio prorrogan, donostiarren lehen garaipena...

ERROIBIDE SENDO ARTALEKUN
Saskibaloia

ERROIBIDE SENDO ARTALEKUN

Artalekun jokatutako bi neurketak irabazi ditu Erroibidek, gaurkoan, 69-57 gailendu dira Oñatiko Aloña Mendiren aurka

Erroibidek Artalekun jokatzen...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika