Mario Nevado Irudek Bidasoa Irungo jokalari berria
2025/06/23
Madrilgo jokalariak 2028ra arte sinatu du kontratua talde irundarrarekin. 2018/2019 denboraldian egin zuen debuta Plenitude ASOBAL Ligan, Secin Group Alcobendas taldearekin, eta azken bi urteak Viveros Herol BM Navan jokatu ditu, Ligako hamar golegile nagusien artean sartuz azken honetan.
Bidasoa Klubak jakinarazi duenez, Mario Nevado izanen da Irudek Bidasoa Irungo jokalari berria. Madrildarra Viveros Herol Bm Nava taldetik dator eta 2028ra arte sinatu du kontratua talde irundarrarekin.
Mario Nevados 2018/2019 denboraldian egin zuen debuta Plenitude ASOBAL Ligan, Secin Group Alcobendas taldearekin. Ondotik, Viveros Herol BM Navara joan zen eta han jokatu du azken bi denboraldietan. Azkenekoan gainera, 2024/25 denboraldian, 159 gol sartu ditu guztira 30 partiduetan eta beraz, Ligako hamar golegile nagusien artean kokatu da. Guztira, bere ibilbide profesionalean, Nevadok 70 partidu jokatu ditu ASOBALen eta 233 gol sartu ditu txapelketa berean.
- Eskubaloia
- Irun
