ABIAN DA HONDARRIBIKO EMAKUMEZKOEN VI.PALA TXAPELKETA

Larunbatean, Hondarribiko Soroeta pilotalekuan, seigarren edizioko lehen hiru neurketak jokatu ziren.

Emeki Elkarteak eta Hondarribiko Udalak antolatutako Emakumezkoen Pala Txapelketaren seigarren edizioko lehen neurketak jokatu ziren larunbatean. Soroetako pilotalekura jende andana hurbildu zen txapelketa berriko hastapeneko hiru neurketak zuzenean jarraitzeko asmoarekin. Xole Etxegia-Mirari Etxegia eta Edurne Osa-Amaia Gonzalez bikoteak izan ziren lehen jardunaldiko garaileak.

Neurketa lehiatu eta bizi batekin hasi zen aurtengo emakumezkoen pala txapelketa. Etxegia ahizpa goizuetarrak (Xole eta Mirari) eta Edurne Martiarena (Hondarribitarra) eta Idoia Karrera (Hendaiarra) aurrez aurre aritu ziren. Goizuetako bikotea, aurreko urteko txapeldunak eta bigarren urtez jarraian Txapela eskuratzeko faborito nagusiak, partidu zaila bereganatu zuten. Bi bikoteak oso ondo lehiatu ziren eta aldeak oso murritzak izan ziren. Azkenean, puntu bakar batengatik, Xole eta Mirari goizuetarrak 15-14 irabazi eta lehen puntua eskuratu zuten.

Zirrarra sortu zuen lehen neurketaren ondotik, Edurne Osa-Amaia Gonzalez eta Maite Mariezkurrena-Izaskun Ayorga nor baino nor gehiago aritu ziren. Edurne Osa zizurkildarrak eta Amaia Gonzalez andoaindarrak bigarren urtea dute txapelketan. Pasaden edizioan, ez zuten bikote bezala jokatu, aurten indarrak batzea adostu dute. Buruntzaldea eta Tolosaldeako bikotea Bidasoaldeakoa baino trebeagoa izan zen neurketan zehar, sendo 15-5 mendean hartu zituzten.

Jardunaldiko hirugarren eta azken neurketan, Edurne Osak eta Amaia Gonzalezek garaipena errepikatu zuten. Azken orduko baten ondorioz, bi neurketa jokatu behar izan zituzten, azkena Izaskun Amunarrizek eta Naroa Mentaberrik osatzen duten bikotearen aurka, Bidasoaldekoak hauek ere bai. Bigarren neurketako antzeko emaitzarekin bukatu zen neurketa, 15-4 garaitu zuten neurketa Edurne Osak eta Amaia Gonzalezek eta txapelketako bigarren puntua batu zuten. 

EDOZERTARAKO PREST DAGO BEÑAT REZUSTA

 Irungo Uranzu pilotalekuan 8-22 garaitu zuen Jose Javier Zabaleta eta Artola sendatu ezean, Altuna III.naren aurka arituko da Buruz Buruko txapelketaren...

EDURNE MARTIARENA ETA IDOIA KARRERA GARAILE

Hondarribiako Emakumezkoen VI. Pala Txapelketa Edurne Martiarena eta Idoia Karrera bikoteak bereganatu du. Emeki Elkarteko antolatzaileen iritziz, txapelketa...

BURUZ BURUKOAREN HIRUGARREN POSTUA IRUNEN ERABAKIKO DA

Jose Javier Zabaleta eta Beñat Rezusta atzelariek aurtengo Buruz Buruko txapelketari Irunen emango diete amaiera. 

Atzelarien arteko...

ZIRRARA SOROETAN

Hondarribiko Emakumezkoen VI. Pala Txapelketaren laugarren jardunaldia jokatu zen larunbatean. Soroetako pilotalekuan lau neurketa zirraragarri bizitu ahal izan...

HIRUGARREN JARDUNALDI ITZELA

Martiarena-Karrera, Mariezkurrena-Ayorga eta Ochoteco-Zabala bikoteak gailendu dira Hondarribiko Emakumezkoen VI. Pala Txapelketako hirugarren...

BIGARREN ASTEZ JARRAIAN, EMAKUME PALISTAK PROTAGONISTA HONDARRIBIAN

Amunarriz-Mentaberri, Martiarena-Karrera eta Tijero-Badiola bikoteek erdietsi zituzten bigarren jardunaldiko garaipenak.

Bigarren astez jarraian,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika