AIMAR OLAIZOLARI OMENALDIA EGIN ZIOTEN LARUNBATEAN KURPILEN

Bazkari batekin omendu zuten larunbatean Kurpil elkartekoek Goizuetako pilotaria

Lehengo larunbatean, azaroaren 6an, Aimar Olaizolari omenaldia egin zioten Kurpil elkartean, hauen 77. urteurrenarekin bat eginda. Hasiera batean eguerdiko 13etan hasi behar zen ekitaldia, azkenean ordu bat atzeratu zen. Elkarteko atean bildu ziren pilotariarekin, orduan, bazkide eta lagunak bazkari bat ospatzeko asmoarekin.

Eguerdiko ordu bietan egin zuen agerraldia Olaizola pilotariak Kurpilgo atean. Juanjo Aldako presidentearen hitzen ondotik, dantzari eta txistulariek goizuetarrari eskeinitako aurresku batekin hasiera eman zioten eguneko egitarauari. Jarraian, Aldakok oroigarri moduan prestatuta zuen lehendabiziko oparia eman zion Aimarri. Elkarteko zuzendaritzakoekin argazkiak atera zituzten gero, eta eguerdiko ekitaldiekin amaitzeko, mahaiaren bueltan bildu ziren hara gerturatu ziren bazkide eta lagun guztiak.

Aimarrek Kurpil elkatearekin duen harremana aitzinetik dator, izan ere, berak azpimarratu zuen moduan, “hemen egindako Txapeldunen afarira urte askotan etorri naiz eta antolatzen zuten jaialdian ere jokatu dut”. Beraz, omenaldiaz hitz egin ziotenean “ilusio handia” egin ziola aitortu zuen eta “oso eskertuta” dagoela, berarentzat “polita” baita hain pelotazale den elkarte batek bere ibilaldia aintzat hartzea.

Azken partida Goizuetan

Hurrengo larunbatean, azaroaren 13an, profesionaletako azken partida jokatuko du Aimar Olaizolak Goizuetan, bere jaioterrian, eta berak adierazi zuen moduan, “txuriz jauntziko naizen azkeneko aldia Goizuetan izatea ilusioa egiten dit”. Jende asko hurbilduko da seguruenik pilotariaren agurra ospatzera eta berarentzat hori polita izango dela esan zuen: “Azkeneko eguna polita izaten da beti. Espero dut egun horretan disfrutatzea”.

AIMAR OLAIZOLARI OMENALDIA EGIN ZIOTEN LARUNBATEAN KURPILEN

Bazkari batekin omendu zuten larunbatean Kurpil elkartekoek Goizuetako pilotaria

Lehengo larunbatean, azaroaren...

AIMAR OLAIZOLARI OMENALDIA KURPILEN

Larunbatean, azaroaren 6an, Kurpil elkarteak omenaldia egingo dio Aimar Olaizolari profesionaletan izan duen ibilbidea goraipatzeko asmoz

ARBE-LOPEZ GAILENDU ZIREN JOSTALDIN

Hiru set behar izan zituzten (15-7, 6-15, 5-3) Erkiaga-Etcheto bikotea garaitu eta Jai Alive World Tourreko Hondarribia Grand Slam Txapelketa...

ARBE-LOPEZEK ETA ERKIAGA-ETCHETOK JOKATUKO DUTE HONDARRIBIA GRAND SLAMEKO FINALA

Goiko-Aimarren eta Beaskoetxea-Zabalaren aurka nagusitu eta zesta puntako txapelketako finala jokatuko dute.

Aurreikus zitekeena ez zen gauzatu....

HONDARRIBIAN ZESTA ETA HENDAIAN ERREMONTEA

Hondarribia Grand Slameko finalerdiak eta Erremonte jaialdia jokatuko dira bihar, Hondarribian eta Hendaian, hurrenez hurren.

Behe Bidasoa eskualdea beti...

GOIKOETXEA-AIMAR FINAL ERDIETAN DIRA

Hondarribia Grand Slameko B multzoan, Arbe-Lopezek Hormaetxea-Manzi garaitu zituzten eta txapelketan aurrera egiteko aukerekin jarraitzen...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika