ALDAI-CAPELLAN ETA ETXEGARAI-GAMINDE BIKOTEEK IRABAZI ZITUZTEN UDAKO TORNEOKO FINALERDIAK

Bi bikoteak aurrez aurre izanen dira Aitzurin abuztuaren 27ko final handian

Pasa den larunbatean, abuztuaren 13an, Laboral Kutxa Udako Torneoko finalerdiak jokatu ziren Hondarribiako Jostaldi pilotalekuan. Bertan, Amaia Aldai eta Andrea Capellan nagusitu ziren Olatz Arrizabalaga eta Uxue Osesen aurrean, 22-17ko markagailuarekin. Jaialdiko lehen partidan berriz, Maddalen Etxegarai eta Enara Gaminde bikoteak 22-7 irabazi zion Leire Garai eta Itxaso Erasuni.

Finalerdietako lehendabiziko partidan markagailu zabalarekin irabazi zuten Etxegarai eta Gamindek. Nahiz eta Garai-Erasun bikoteak ez zuen neurketa txarra jokatu, aurkariak izan ziren nagusi piloteoan eta egin zituzten tanto luzeetan. Azkenik, Oñati eta Laukizeko pilotariek ezin izan zituzten Etxegarai eta Gaminde garaitu eta hauentzat izan zen finalerako lehen txartela, 22-7ko markagailuarekin irabazi eta gero.

Bigarren finalerdia jokatuagoa izan zen. Partida lehiatua eta luzea izan zen Aldai-Capellan eta Arrizabalaga-Oses bikoteen artekoa. Markagailua bata eta bestearen alde txandakatzen joan zen eta sei berdinketa egin zituzten neurketa guztian zehar, azkenekoa hamazazpinakoa izanda. Azpimarratzekoa izan zen bi aurrelarien lana eta bi hauek emandako maila altua. Partida Aldaien sakeak erabaki zuen, izan ere, zortzi tanto sartu zizkion osotara Osesi lehen piloteoan. Azkenik, 22-17ko markagailuarekin irabazi zuten Aldaiek eta Capellanek.

Honen ondoren, abuztuaren 27an Zumaiako Aitzuri pilotalekuan jokatuko den final handian, Aldai-Capellan eta Etxegarai-Gaminde bikoteak izanen dira aurrez aurre.

MAIDERREK ETA ITSASOK JANTZI DUTE EMAKUME PALA TXAPELKETAKO TXAPELA

Jostaldin jokatu zen finalean 6-20 irabazi zieten Izaskun eta Agurtzane bikoteari

Emeki Emakume Elkarteak antolatutako VIII. Emakume Pala...

AMAIAK ETA MAITEK ETA NEREAK ETA LAURAK IRABAZI DUTE FINALERDIRAKO TXARTELA

Maiatzaren 27an izan zen VIII. Emakume Pala Txapelketako bigarren jardunaldia Soroeta frontoian

Emeki Emakume Elkarteak antolatutako VIII. Emakume...

ALOÑA-MAITE ETA ITSASO-MAIDER BIKOTEAK SAILKATU DIRA EMAKUME PALA TXAPELKETAKO FINALERDIETARA

Maiatzaren 20an eman zioten hasiera Emeki Emakume Elkarteak antolatzen duten VIII. Emakume Pala Txapelketari

Zortzigarren aldiz antolatu du Emeki...

ORTZIRALEKO PARTIDARAKO PILOTAK AUKERATU DITUZTE LAU PILOTARIEK

Hendaiako Daniel Ugarten arituko dira Laso-Imaz eta Peña II-Eskiroz bikoteak aurrez aurre

Bixintxo besten...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika