BEASKOETXEA-LOPEZ ETA GOIKOETXEA-IRASTORZA IZANGO DA FINALA

Hondarribia Grand Slameko final erdiak jokatuta, Beaskoetxea-Lopez eta Goikoetxea-Irastorzak lortu zuten finalean jokatzeko txartela. Finala datorren urriaren 17an jokatuko da.

 Jai Alai World Tourrerako puntuagarria den ‘Hondarribiako Grand Slam’ probaren laugarren eta azken-aurreko jardunaldia hartu du Jostaldi pilotalekuak. 200 ikusle baino gehiagorekin, egungo araudiak baimentzen duen mugatik gertu, eta giro onarekin, finalerdiak jokatu dira, eta Beaskoetxea-Lopez eta Goikoetxea-Irastorza nagusitu dira. Datorren ostiraleko finalak errebantxa izango du; izan ere, Goikoetxea-Irastorza 15-14 eta 15-4 nagusitu ziren eta aurreko urteko finala errepikatuko da.

Lehen finalerdian, Olharan-Etcheto faborito ziren Beaskoetxea-Lopezen aurka, sasoi hobean zeudelako eta ligaxkako bi partidak irabazi izanak hala erakusten zuelako. Norgehiagoka menderatzeko gertu izan ziren, baina azkenean hiru setetan eman zuten amore: 15-12, 14-15 eta 2-4, ordu eta erdiko jokoaren ostean.

Lehen setean Olharanen merituzko tantoak ikusi ahal izan ziren, baina markagailua 7-6raino parekatu zen. Hor egin zuten ihes gorriek 13-8 eta 14-9, baina kosta egin zitzaien seta irabaztea.

Bigarren txandan urdinak 0-2 irabazten hasi ziren, baina berriz ere Olharan-Etchetok agindu zuten markagailuan, kasu honetan lau tantoko aldearekin 10-6koan. 14-11koarekin eginda zirudien baina Beaskoetxea-Lopez 0-4ko partzialarekin markagailua irauli zuten. Azken set erabakigarrian, beste 0-4ko partzial bat erdietsi ondoren, 1-5 irabazi zuten.

Bigarren partidan Goikoetxea-Irastorzak faboritoen kartel argia zuten Olha-Del Ríoren aurka eta bi setetan (15-7 eta 15-8) eta berrogeita hamar minutu eskasetan irabazita, baieztatu zuten.

Partida 7-1 batekin hasi zen, nagusitasuna argia zen. Gorriak nagusi izan ziren eta abantaila handiena 13-6koan izan zuten. Bigarren setean lehen tantoa urdina izan zen, baina ez zuen asko iraun, Goikoetxea-Irastorza ez baitziren dominatzaile gidoitik atera. 10-4koaren ostean 10-7 eta 11-8 hurbildu ziren, baina partida 15-8koarekin amaitu zen. 

ARBE-LOPEZ GAILENDU ZIREN JOSTALDIN

Hiru set behar izan zituzten (15-7, 6-15, 5-3) Erkiaga-Etcheto bikotea garaitu eta Jai Alive World Tourreko Hondarribia Grand Slam Txapelketa...

ARBE-LOPEZEK ETA ERKIAGA-ETCHETOK JOKATUKO DUTE HONDARRIBIA GRAND SLAMEKO FINALA

Goiko-Aimarren eta Beaskoetxea-Zabalaren aurka nagusitu eta zesta puntako txapelketako finala jokatuko dute.

Aurreikus zitekeena ez zen gauzatu....

HONDARRIBIAN ZESTA ETA HENDAIAN ERREMONTEA

Hondarribia Grand Slameko finalerdiak eta Erremonte jaialdia jokatuko dira bihar, Hondarribian eta Hendaian, hurrenez hurren.

Behe Bidasoa eskualdea beti...

GOIKOETXEA-AIMAR FINAL ERDIETAN DIRA

Hondarribia Grand Slameko B multzoan, Arbe-Lopezek Hormaetxea-Manzi garaitu zituzten eta txapelketan aurrera egiteko aukerekin jarraitzen...

EMAKUMEAK, BIXI-BIXI

Lucia Elizondok eta Maite Mariezkurrenak osatzen duten bikoteak Emeki Elkartearen Bixi Bixi Pala Txapelketa bereganatu zuten.

Emeki Elkarteko kideek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika