BIGARREN ASTEZ JARRAIAN, EMAKUME PALISTAK PROTAGONISTA HONDARRIBIAN

Amunarriz-Mentaberri, Martiarena-Karrera eta Tijero-Badiola bikoteek erdietsi zituzten bigarren jardunaldiko garaipenak.

Bigarren astez jarraian, Hondarribiako Soroeta pilotalekuak Emakumeen VI. Pala Txapelketa jaso zuen. Oraingo honetan, txapelketako bigarren jardunaldia jarri zen jokoan eta, Emeki Elkarteko kideek adierazi zuten bezala, “hunkigarriak” izan ziren larunbatean jokatu ziren hiru lehiak.

Lehenengo partiduan, Izaskun Amunarriz-Naroa Mentaberri eta Zuraide Telletxea-Ekhiñe Etxarte bikoteak neurtu zituzten indarrak. Telletxea eta Etxarte txapelketako bikote gazteenak izanik, ilusioz beterik ekin zioten estreineko jardunaldiari, baina Amunarriz-Mentaberrik ez zieten garaipena eskuratzeko aukerarik eman. Bikote helduenak 15-7 mendean hartu zituen gazteenak.

Bigarren neurketan, Edurne Martiarena-Idoia Karrera eta Xuxuna Otxoteko-Aloña Zabala aritu ziren nor baino nor gehiago. Hasiera batean, Otxotekok Agurtzane irundarrarekin osatzen zuen bikotea, baina lesio baten ondorioz, Aloña Zabalarekin arituko da aurrerantzean. Martiarenak-Karerak osatzen duten bikotea hobe moldatu zen frointoiko koadroetan eta 15-4 irabazi zuten.

Azkenik, eguneko azken pala partidua Garbiñe Tijero-Alaitz Badiola eta Edurne Osa-Amaia Gonzalezen artekoa izan zen. Txapelketan esperientzia duten arteko lehia izan zen; izan ere, Tijero-Badiolak osatzen duten bikoteak aurreko edizioan finalera iritsi ziren. Bestalde, Edurne Osak hirugarren postua erdietsi zuen edizio berean. Biak ala biak, aurtengo txapela eskuratzeko nahiarekin eman dute izena txapelketan eta neurketan nabaritu zen. Estu eta berdintsua izan zen partidua, baina Tijero-Badiola gehaigo izan ziren eta 15-9 lortu zuten garaipena. 

EUSKADIKO TRINKETE TXAPELKETAKO BI FINAL IRUNGO RAMUNTXO BERRIN

Bihar, 19:00etatik aurrera, Irungo Ramuntxo Berri Trinketeak Euskadiko Trinkete Txapelketako gomazko paletaren buruz buruko txapelketa jasoko du.

Pasa den...

JO ETA JO GARAIPENA ESKURATU ARTE

Jose Javier Zabaletak erakustaldia eman zuen uztailak 1eko jaialdi klasikoan eta Elezkano II.-rekin batera, 14-22 mendean hartu zituzten Olaizola II eta Jon Ander...

SAN MARTZIALETAKO JAIALDI KLASIKOA IKUSLEEKIN JOKATUKO DA

Astelehenetik aurrera, 420 sarrera salmentan jarriko dira Olaizola II-Albisu eta Elezkano II-Zabaletaren arteko neurketa ikusteko. 

Nahiz eta San...

EDOZERTARAKO PREST DAGO BEÑAT REZUSTA

 Irungo Uranzu pilotalekuan 8-22 garaitu zuen Jose Javier Zabaleta eta Artola sendatu ezean, Altuna III.naren aurka arituko da Buruz Buruko txapelketaren...

EDURNE MARTIARENA ETA IDOIA KARRERA GARAILE

Hondarribiako Emakumezkoen VI. Pala Txapelketa Edurne Martiarena eta Idoia Karrera bikoteak bereganatu du. Emeki Elkarteko antolatzaileen iritziz, txapelketa...

BURUZ BURUKOAREN HIRUGARREN POSTUA IRUNEN ERABAKIKO DA

Jose Javier Zabaleta eta Beñat Rezusta atzelariek aurtengo Buruz Buruko txapelketari Irunen emango diete amaiera. 

Atzelarien arteko...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika