BINAKAKO TXAPELKETAKO JARDUNALDIA OSPATUKO DA URANZUN

Abenduaren 23ean izanen da jaialdia eta bertan, Ezkurdia-Martija eta Jaka-Aranguren bikoteak izanen dira aurrez aurre partida nagusian

Binakako txapelketako laugarren jardunaldia berriz ere bueltan izanen da Uranzu frontoian Gabon Egunaren atarian. Hain zuzen ere, abenduaren 23ko gaueko 21:00etan hasiko da jaialdia eta bertan izanen dira, Ezkurdia-Martika eta Jaka-Aranguren bikoteak aurrez aurre. Binakako promozio partidan berriz, Bakaikoa-Morgaetxebarria eta Exposito-Bikuña arituko dira nor baino nor gehiago.

Atzo goizean aurkeztu zuten abenduan Uranzun ospatuko den pilota jaialdia. Abenduaren 23an, Gabon Gauaren bezperatan, Binakako txapelketako laugarren jardunaldia jokatuko da Irungo frontoian eta bertan izanen dira, partida nagusian, Ezkurdia eta Martija Jaka eta Arangurenen kontra. Borja Olazabal Irungo kirol zinegotziak eta Inaxio Errandonea ASPE enpresako ordezkariak erran zutenez, “punta-puntako jaialdia” izanen da. Hain zuzen ere Ezkurdia-Martija 2020ko bikote txapelduna eta aurtengo lau eta erdiko irabazlea jokoan ikusteko aukera izanen da.

Partida nagusiaren aitzinetik, binakako promozioko partida ere ospatuko da Uranzun. Bertan, Bakaikoa-Morgaetxeberria eta Exposito-Bikuña bikoteak izanen dira aurrez aurre, bertze partida ikusgarria jokatzen. Errandoneak aipatu bezala, “etorkizun handiko pilotariak dira denak eta oso erakargarria den partida da”.

Olazabalek jaialdi honekin Udalak egin nahi izan duen apustua azpimarratu nahi izan zuen: “Gure apustua azken urteetan, frontoi berria dugunetik, hemen pilota partida onak edukitzea izan da. Enpresek ere gustukoa dute Irungo frontoi berria eta oso pozik gaude berriro horrelako jaialdia bat ospatzeagatik”. ASPEko ordezkariak ere pilotalekua “instalazio erosoa” dela onartu zuen eta “zola ere poliki-poliki egiten” ari dela, “hasierako laztasun hori galduta”. Gainera, kirol zinegotziak “Irunen pilota eskola bat sartzeko lanean” daudela jakinarazi zuen, diru bat gordeta dutela horretarako eta hori izanen dela hurrengo helburua. Hain zuzen ere, “hemendik urte batzuetara Irunen pilotariak edukitzeko” asmoarekin eginen dute.

Abenduaren 23ko jaialdirako sarrerak dagoeneko salgai daude internet bidez, entradasfronton.com helbidean. Gainera, egun berean ere erosteko aukera izanen da txarteldegian bertan, 20:00etatik aitzinera.

ORTZIRALEKO PARTIDARAKO PILOTAK AUKERATU DITUZTE LAU PILOTARIEK

Hendaiako Daniel Ugarten arituko dira Laso-Imaz eta Peña II-Eskiroz bikoteak aurrez aurre

Bixintxo besten...

GRAND SLAM HONDARRIBIA TXAPELKETAKO FINALA LARUNBATEAN JOSTALDIN

Arratsaldeko 18:00etatik aitzinera arituko dira Erkiaga-Irastorza eta Barandika-Lopez bikoteak aurrez aurre

Grand...

OLHARAN-ETCHETO ETA BEASKOETXEA-LEKERIKA AURREZ AURRE

Larunbat honetan, hilak 17, Hondarribiako Grand Slam txapelketa bueltan izanen da partida erabakigarri batekin

ALDAI-CAPELLAN ETA ETXEGARAI-GAMINDE BIKOTEEK IRABAZI ZITUZTEN UDAKO TORNEOKO FINALERDIAK

Bi bikoteak aurrez aurre izanen dira Aitzurin abuztuaren 27ko final handian

Pasa den larunbatean, abuztuaren 13an,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika