GOGORATZEN EZ ZEN ASTINDUA

Elezkano-Zabaleta bikoteak 3-22 menderatu zituzten Ezkurdia-Galarza. Azkeneko biak ezinean aritu ziren neurketak iraun zituen 45 mintuetan.

Elezkano-Zabaleta bikoteak sekukalo kolpea eman zieten atzo Uranzu pilotalekuan Ezkurdia-Galarza bikoteari. Duela hilabete eskas bikotekako txapela jantzi zuen aurrelariak, Joseba Ezkurdiak, ezin izan zuen ezer egin astindua ekiditeko. Bera eta bikotea, Ladis Galarza, guztiz gaindituta ikusi ziren atzeko zein aurreko koadroetan.

Elezkano eta Zabaleta bikoteari ezin zaie meriturik kendu. Etxarrenekoak, beste behin, demostratu zuen oso gogoko duela bikotekako txapelketa, begiz jota du. Eman zituen pilotakada guztiak gozatu zituen Etxarrenekoak, Ladis Galarza hasieratik amaiera arte mendean hartu zuen. Tantoak lortu zituen ere bai, hiru zehazki, eta bat, 1-10ekoa, klase handiarekin, dejadaz. Horrelako maila erakutsita, maila goreneko edozein aurrelariren prestakuntzak biderkatzen dira, eta Elezkanok ez zuen hutsik egin aurreko koadroetan. Zaratamoarrak mota guztietako tantoak gauzatu zituen, sei orotara. Aurrelariaren kasuan, datu aipagarriena, huts bakarra egin izana da. Joseba Ezkurdia momentu ezin hobean iristen zen lehiaketara, baina Elezkanok txikitu zuen. Ezinaren ondorioz, Ezkurdiak amorrazio ikaragarriarekin bukatu zuen neurketa.

Ezkurdia eta Galarza bikoteari dagokionez, zalantza gehiegi utzi zituzten. Erarik okerrenean hasi dute txapelketa 3-22ko porrotarekin eta ezinaren sentsazio kaxkarrarekin. Arbuizko aurrelariak ez zion gaizki ekin neurketari, baina tantoak aurrera egin ahala, Ladis Galarzaren akatsetaz kutsatu zen. Atzelariak zazpi pilota huts egin zituen neurketan zehar, ez zuen bere maila eman eta ezker paretarekin hika-mikan bukatu zuen neurketa.

DATUAK: 

Ezkurdia-Ladis Galarza: 3

Elezkano-Zabaleta: 22

Pilotakadak: 355. Iraupena: 45 minutos. Markagailua: 0-2, 1-2, 1-18, 3-18, 3-22. Sakeak: 0 Ezkurdia eta 2 Elezkano. Tantoak: 2 Ezkurdia, 0 Ladis Galarza, 6 Elezkano eta 3 Zabaleta. Huts egiteak: 4 Ezkurdia, 7 Ladis Galarza, 1 Elezkano eta 0 Zabaleta. 

EMAKUMEAK, BIXI-BIXI

Lucia Elizondok eta Maite Mariezkurrenak osatzen duten bikoteak Emeki Elkartearen Bixi Bixi Pala Txapelketa bereganatu zuten.

Emeki Elkarteko kideek...

ZABALETAK JO, OLAIZOLAK BUKATU

Hondarribiko Jostaldi pilotalekuak CaixaBank Masterreko final-erdia jaso zuen, Olaizola II-Zabaletak 22-7 mendean hartu zituzten Altuna III-Aranguren.

Oso...

URRUÑAKO XARE PILOTARI GAZTEEN FINALAK ASTEBURUAN JOKATUKO DIRA

Urruñarrak Pilota Elkarteak gazteentzako Xare lehiaketa antolatu du eta asteburuan jokatuko dira finalak. Abuztuaren 19an hasi ziren lehian eta irailaren 4an bukatuko da, Urruñako Iturbidea...

EUSKADIKO TRINKETE TXAPELKETAKO BI FINAL IRUNGO RAMUNTXO BERRIN

Bihar, 19:00etatik aurrera, Irungo Ramuntxo Berri Trinketeak Euskadiko Trinkete Txapelketako gomazko paletaren buruz buruko txapelketa jasoko du.

Pasa den...

JO ETA JO GARAIPENA ESKURATU ARTE

Jose Javier Zabaletak erakustaldia eman zuen uztailak 1eko jaialdi klasikoan eta Elezkano II.-rekin batera, 14-22 mendean hartu zituzten Olaizola II eta Jon Ander...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika