GOIKOETXEA-AIMAR FINAL ERDIETAN DIRA

Hondarribia Grand Slameko B multzoan, Arbe-Lopezek Hormaetxea-Manzi garaitu zituzten eta txapelketan aurrera egiteko aukerekin jarraitzen dute.

Hondarribiako Grand Slam txapelketako bigarren jardunaldian Goikotxea-Aimar eta Arbe-Lopez bikoteek garaipenak erdietsi zituzten. Lehenek, txapelketako bigarren garaipena eskuratu zutelarik, zuzenean final erdietarako txartela eskuratu zuten; bigarrenek, aldiz, bai ala bai txapelketan jarraitzeko norgehiagoka irabazi behar zuten eta saiakeran ez zuten huts egin.

A multzoan, Goikoetxea-Aimarrek lehen jardunaldian irabazi zuten (2-1 Erkiaga-Etchetori); beraz, ostiralean eskuratutako garaipena finalerdietarako txartela eskuratzeko balio izan zitzaien. Gorriek erraz menderatu zuten lehen seta (15-9), baina bigarrenak garapen desberdina izan zuen eta asko kostatu zitzaien berdinketa haustea (15-14). Olharan-Del Rio 1-4 aurreratu ziren, eta, gainera, kontrako 11-5 irauli behar izan zuten. Seta Goiko-Aimarren alde eroriko zela zirudienean, 2-8ko partzial batek 13-14koa jarri zuen markagailuan. Jendeak hirugarren set bat ikusi nahi zuten, baina ez zen horrelakorik suertatu.

B multzoari zegokion neurketari dagokionez, Arbe-Lopez Hormaetxea-Manci irabaztera behartuta zeuden txapelketari agur esan nahi ez bazioten, lehen ostiralean Beaskoetxea-Zabalaren aurka galdu baitzuten (2-0). Faboritoak ziren eta egoera delikatua salbatu zuten. Lehen setean zazpi tantoko errenta izatera iritsi ziren (12-5), baina Hormatexea-Manzi borrokatu eta 12-10era hurbildu ziren. Bigarren setean nabarmenagoa izan zen Arbe-Lopezen nagusitasuna, 28 minututan lortu zuten garaipena, 15-8. 

EMAKUME PALA TXAPELKETAKO FINALA LARUNBATEAN

Goizean ospatuko dituzte Jostaldin finalaurrekoak eta finala, eta arratsaldean Eman Pilotari Jaia egingo dute haur eta gazteentzat

AINHOA MORONEK ETA IDOIA KARRERAK EGUNEKO BI PARTIDAK IRABAZI ZITUZTEN

Larunbat goizean ospatu zen VII. Emakumeen Pala Txapelketako lehen jardunaldia eta Moron eta Karrera irundarrak irabazi zituzten partida guztiak

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika