GRAND SLAM HONDARRIBIA TXAPELKETAKO FINALA LARUNBATEAN JOSTALDIN

Arratsaldeko 18:00etatik aitzinera arituko dira Erkiaga-Irastorza eta Barandika-Lopez bikoteak aurrez aurre

Grand Slam Hondarribia txapelketa bere bukerara iritsiko da larunbat honetan, urriak 8, arratsaldeko 18:00etan Jostaldin. Bertan izanen dira, aurrez aurre, Erkiaga-Irastorza eta Barandika-Lopez bikoteak, txapelketako garaipena eskuratzeko borrokan.

Pasa den asteartean, urriak 4, material hautaketa egin zuten finalera iritsi diren bi bikoteek. Hau aprobetxatuta, jokalariek larunbateko partidaren aurreikuspena ere egin zuten. Barandikaren hitzetan, neurketan “faboritorik ez dago. Balantzea parekatua dago”. Hala ere, aurkariak goraipatu zituen eta “txapelketa oso ona jokatzetik” datozela eta “izen handia” dutela azpimarratu nahi izan zuen.

Erkiagak ere Barandika eta Lopezen kontra jokatutako azken partida “oso gogorra” izan zela onartu zuen. Horregatik, “akatsik ez egitea eta garesti ez ordaintzea” espero du Ispasterrekoak. Hori izanen da, hain zuzen ere, larunbateko finalaren gakoa Erkiagaren ustez: “Finalean urduritasuna hobeto agoantatzen duenak eta akats gutxien egin dituenak irabaziko du”. “Azken partidetan aurrerapauso bat emanez eta ausart” jokatu dutela ere gaineratu zuen larunbatera begira. Aurtengo finala, gainera, berezia da. Izan ere, Irastorzaren profesional mailako azken neurketa izanen da larunbatekoa.

Partida larunbat honetan, urriak 8, jokatuko da beraz, Jostaldi pilotalekuan, arratsaldeko 18:00etatik aitzinera. Sarrerak oraindik ere salgai daude eventbrite.com webgunean. 

GRAND SLAM HONDARRIBIA TXAPELKETAKO FINALA LARUNBATEAN JOSTALDIN

Arratsaldeko 18:00etatik aitzinera arituko dira Erkiaga-Irastorza eta Barandika-Lopez bikoteak aurrez aurre

Grand...

OLHARAN-ETCHETO ETA BEASKOETXEA-LEKERIKA AURREZ AURRE

Larunbat honetan, hilak 17, Hondarribiako Grand Slam txapelketa bueltan izanen da partida erabakigarri batekin

ALDAI-CAPELLAN ETA ETXEGARAI-GAMINDE BIKOTEEK IRABAZI ZITUZTEN UDAKO TORNEOKO FINALERDIAK

Bi bikoteak aurrez aurre izanen dira Aitzurin abuztuaren 27ko final handian

Pasa den larunbatean, abuztuaren 13an,...

UDAKO TORNEOKO FINALERDIA BIHAR JOSTALDIN

Partida nagusian Aldai-Capellan eta Arrizabalaga-Oses bikoteak arituko dira elkarren aurka

Emakume Master Cup-ek...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika