HIRUGARREN JARDUNALDI ITZELA

Martiarena-Karrera, Mariezkurrena-Ayorga eta Ochoteco-Zabala bikoteak gailendu dira Hondarribiko Emakumezkoen VI. Pala Txapelketako hirugarren jardunaldian.

Emeki Elkarteko kideek bigarren jardunaldia “hunkigarria” izan zela adierazi bazuten, asteburu honetakoa “itzela” izan dela aitortu dute. Hondarribiko Emakumezkoen VI. Pala Txapelketako hirugarren jardunaldiak txapelketa handien osagai guztiak izan ditu: parekotasuna, polemika pixkat eta partidu handiak.

Garbiñe Tijero-Alaitz Badiola eta Edurne Martiarena-Idoia Karrera bikoteen arteko lehiarekin ekin zioten atzo goizean hirugarren jardunaldiari. Partiduko hastapena berdintasunak markatu du, baina tantuak aurrera egin ahala, Martiarena-Karrera bikotea seigarren edizio honetako txapeldunak izateko prestatuak daudela erakutsi zuten. Tijero-Badiolak, amore eman gabe, ederki saiatu dira tantoak lortzen, baina garaipena atzokoan urdinez jokatu zuten bikotearentzat izan zen. Polemika tarteko, sake bat hirugarren koadroa gainditu zuen ala ez eztabaidatu zuten, Martiarena-Karrera bikoteak neurketa bereganatu eta beste garaipen bat erdietsi dute txapelketa honetan (15-6).

Bigarren neurketan txapelketako bikote gaztetxoenak txapelketako bigarren neurketa jokatu zuten. Zuraide Telletxea-Ekhiñe Etxartek Maite Mariezkurrena-Izaskun Ayorgaren aurka neurtu zituzten indarrak. Erosokor irten ziren gaztetxoak, txapelketako lehen garaipenaren bila, baina nahiz eta asko saiatu, Mariezkurrena-Ayorga bikotea iritsi ziren lehenago 15 puntuko markara. Tantu ederrak ikusteko aukera izan zen neurketan zehar, Telletxea-Etxarte gogotik saiatu ziren eta azkenean, 15-7 bukatu zen norgehiagoka.

Hirugarren eta eguneko azken partiduan, Xole Etxegia-Mirari Etxegia bikote eta arreba goizuetarrak eta Xuxuna Ochoteco-Aloña Zabala bikotea aritu ziren nor baino nor gehaigo. Goizuetarrak maila handia ematen ari dira txapelketa guztian zehar eta, aurreko jardunaldien antzera, gauzak benetan zailak jarri zizkioten Ochoteco-Zabala bikoteari. Hain zailak non 15-3 garaipena erdietsi zuten. Etxegia arrebek ez zuten inolako aukerarik eman Ochoteko eta Zabalak garaipena eta puntua batu zezaten.

EUSKADIKO TRINKETE TXAPELKETAKO BI FINAL IRUNGO RAMUNTXO BERRIN

Bihar, 19:00etatik aurrera, Irungo Ramuntxo Berri Trinketeak Euskadiko Trinkete Txapelketako gomazko paletaren buruz buruko txapelketa jasoko du.

Pasa den...

JO ETA JO GARAIPENA ESKURATU ARTE

Jose Javier Zabaletak erakustaldia eman zuen uztailak 1eko jaialdi klasikoan eta Elezkano II.-rekin batera, 14-22 mendean hartu zituzten Olaizola II eta Jon Ander...

SAN MARTZIALETAKO JAIALDI KLASIKOA IKUSLEEKIN JOKATUKO DA

Astelehenetik aurrera, 420 sarrera salmentan jarriko dira Olaizola II-Albisu eta Elezkano II-Zabaletaren arteko neurketa ikusteko. 

Nahiz eta San...

EDOZERTARAKO PREST DAGO BEÑAT REZUSTA

 Irungo Uranzu pilotalekuan 8-22 garaitu zuen Jose Javier Zabaleta eta Artola sendatu ezean, Altuna III.naren aurka arituko da Buruz Buruko txapelketaren...

EDURNE MARTIARENA ETA IDOIA KARRERA GARAILE

Hondarribiako Emakumezkoen VI. Pala Txapelketa Edurne Martiarena eta Idoia Karrera bikoteak bereganatu du. Emeki Elkarteko antolatzaileen iritziz, txapelketa...

BURUZ BURUKOAREN HIRUGARREN POSTUA IRUNEN ERABAKIKO DA

Jose Javier Zabaleta eta Beñat Rezusta atzelariek aurtengo Buruz Buruko txapelketari Irunen emango diete amaiera. 

Atzelarien arteko...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika