LASO ETA ARTOLA IZANGO DIRA BURUZ BURU UZTAILAREN 1EKO JAIALDIAN

Aurreko partidan Urrutikoetxea eta Imaz, Peña II.aren eta Albisuren aurka arituko dira

Datorren utzailaren 1ean ohiko pilota jaialdia ospatuko da Uranzu pilotalekuan. Irungo San Pedro eta San Martzial bestak borobiltzeko, partida erakargarriak antolatu dituzte Irungo Udalak eta Baikok elkarlanean. Laso eta Artolaren buruz buruko San Fermin Torneoaren 4 1/2ko final laurdenetako partidaz gain, aurretik, Urrutikoetxea eta Imaz bikotea arituko da Peña II.aren eta Albisuren aurka.

Atzo, ekainak 15, uztailaren 1eko pilota jaialdiaren aurkezpena egin zuten Uranzu pilotalekuan eta bertan, Unai Iglesias Baiko enpresako zuzendaria eta Borja Olazabal Irungo Udaleko kirol zinegotzia izan ziren. Biak ere pozik azaldu ziren antolatu duten pilota partidekin, izan ere, goi-mailako pilotariak izanen dira Uranzun egingo den erakustaldian. Alde batetik, arratsaldeko 18:00etan hasita, Urrutikoetxea eta Imaz eta Peña II.a eta Albisu arituko dira elkarren aurka. Bigarren neurketan aldiz, jardunaldiko partida nagusian, Laso eta Artola izango dira aurrez aurre. Hauek San Fermin Torneoaren 4 1/2 final laurdena jokatuko dute Irungo frontoian.

Aurkezpenean jakinarazi zutenez, sarrerak salgai daude dagoeneko https://www.entradasfronton.com webgunean, 25 eta 30 euroan. Eserleku guztiak jarriko dituzte salgai bertan, eta jaialdia hasi baino ordu bat lehenago pilotalekuko txarteldegian ere erosi ahal izango dira, beti ere aurretik denak saltzen ez badira. 

MARIEZKURRENA MIRANDAK ETA AMUNARRIZ IZAGIRREK IRABAZI ZUTEN BIXI-BIXI PALA TXAPELKETA

Finalean Igiñiz Barrio eta Del Frade izan zuten aurkari eta 22-16ko markagailuarekin irabazi zieten

Bixi-Bixi emakume pala txapelketa azkarra...

BIXI-BIXI EMAKUMEEN PALA TXAPELKETA AZKARRA OSPATUKO DUTE SOROETAN

Hondarribiako Emeki Emakume Elkarteak antolatu du hitzordua, eta bortz bikotek hartuko dute parte

Azaroaren 25era begira, Emakumearen kontrako...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika