LUR-ALAIEK IX. BIDASOA TXINGUDI SQUASH SARIA OSPATU DU

Ostiral eta larunbatean ospatu ziren partiden ondoren, Sandra Perez, Xavi Blasco eta Unax Mariezkurrena izan ziren garaile

Aurreko asteburuan, ostiral eta larunbatean zehazki, Lur Alai Irungo squash klubak IX. Bidasoa Txingudi Squash Saria ospatu zuen. Euskal Ligaren barruan kokatzen den txapelketa da hau eta inoiz baino parte parte-hartzaile gehiago lehiatu ziren bertan.

Apirilaren 1ean eman zioten hasiera txapelketari eta 72 jokalari ibili ziren partidak jokatzen larunbat arratsaldera arte, 6 emakumezko, 54 gizonezko eta 12 gaztetxo guztira. Beste kiroletan ez bezala, txapelketa hauetan ez dituzte kanporaketak ospatzen eta kirolariak ahalik eta partidu gehien eskeintzeko ahaleginetan izan ziren, guztiek aukera berak edukitzeko, klubetik aipatu nahi izan duten moduan.

Azkenik, Iruñeako San Juan-Donibane klubeko Sandra Perez izan zen garailea emakumezkoen kategorian, Isabel Soto (Benedikta, Sestao), Irune Peinado (Benedikta, Sestao) eta Marta Corderoren (NikSquash, Gasteiz) aurretik. Taula nagusian aldiz, Xavi Blascok (Squash Proyect, Girona) irabazi zuen, James Himan (GEIEG, Girona), Paul Yañes (CD Amaya, Iruñea) eta Adrian Belokiren (CD Amaya, Iruñea) aurretik. Azkenik, 13 urte azpikoetan etxeko klubekoek podiuma bete zuten, izan ere, Lur Alaieko Unax Mariezkurrenak lortu zuen lehen postua, klubeko kide den Urko Gomezek bigarrena, Aratz Vilasek (Benedikta Squash, Sestao) hirugarrena eta laugarrena, Lur Alaieko Gorka Tafallek.

Lur Alai Squash Klubaren etorkizunerako proiektuak

Irungo Lur Alai Squash Klubak, aurten sortu den arren, gero eta talde handiagoa eraikitzea du helburu. Hamalau neska-mutilekin hasi da lan egiten, baina proiektua ikastetxeetara eta kalera zabaltzearekin batera, jokalari gehiago animatzea espero dute.

Klubeko kideen beste helburuetako bat Iparraldeko squash klubekin harremanak sustatzea da. Horretarako, larunbat honetarako, apirilak 9, Hiruak Bat lagunarteko txapelketa antolatu dute. 

AINHOA MORONEK ETA IDOIA KARRERAK EGUNEKO BI PARTIDAK IRABAZI ZITUZTEN

Larunbat goizean ospatu zen VII. Emakumeen Pala Txapelketako lehen jardunaldia eta Moron eta Karrera irundarrak irabazi zituzten partida guztiak

VII. EMAKUME PALA TXAPELKETA MAIATZEAN

Emeki Emakume Elkarteak antolatuta, pala txapelketa ospatuko da maiatzeko larunbat guztietan Soroeta frontoian

LUR-ALAIEK IX. BIDASOA TXINGUDI SQUASH SARIA OSPATU DU

Ostiral eta larunbatean ospatu ziren partiden ondoren, Sandra Perez, Xavi Blasco eta Unax Mariezkurrena izan ziren garaile

MASTER LABORAL KUTXA FINALA URANZU PILOTALEKUAN

Aldai-Capellan eta Arrizabalaga-Gaminde bikoteak arituko dira eskuz binakako emakumezkoen finalean

Hurrengo...

LASO- IMAZ BIKOTEA GARAILE DANIEL UGARTEN

Urdinek 15-22 irabazi zieten Elezkano II-Zabaleta liderrei, partidako bigarren zatian markagailua irauli eta gero

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika