10 Api, 2024
Biok Experiential Shopping Txingudi Badia eskolarteko nazioarteko txapelketa arrakastaz ospatu zen bigarren urtez segidan
Eguraldia lagun zutela, Plaiaundin elkartu ziren pasa den larunbatean, apirilaren 6an, hainbat lekutatik etorritako errugbilariak, bigarren urtez segidan, Biok Experiential Shopping Txingudi Badia txapelketa ospatzeko. Hamarrak aldera hasi zituzten partiduak eta, goiz osoan zehar, errugbiaz gozatzeko aukera izan zuten Txingudi, Baztan, Soragazteak, Arrasate, RGC Covadonga, Rugby Unión Norte, RC Rioja, Sara-Senpere eta Emak Hor taldeetako jokalariek. Oiasso txarangaren laguntza izan zuten errugbilariek eta bukatzerakoan, Artiach, Lacturale eta Pasquier Recondo babesleek prestatutako poltsak izan zituzten opari.
Eguerdian eman zioten bukaera lehiakorra ez zen txapelketari eta ondotik, jokalari, epaulet, prestatzaile eta boluntazio guztiek hirugarren denboraz gozatu ahal izan zuten. Parte hartzeagatik sariak jaso zituzten talde guztiek ere. Soraluzeko Soragazteak taldeko entrenatzaile batek azpimarratu zuenez, “gure bigarren urtea da topaketa honetan eta errepikatzeko prest! Oso aberasgarria da jatorri ezberdinetako taldeekin jokatzea eta are gehiago antolakuntza aldetik dena ondo doanean”.
Arratsaldean eman zioten segida ospakizunari eta Irungo kalean hartu zituzten Oiasso txarangaren eskutik. 17:00etan hasi zen jaiaren bigarren zatia Luis Mariano aldean, Marrubi goxoki-dendaren aitiznean, eta denda honetako maskotarekin kontatu ahal izan zuten partehartzaileek.
Kalejirak Txingudiren bertze babesleen egoitzetan egin zituen geldialdiak, Biok arropa-denda eta Mari tabernan, Kale Nagusiko Txingudi Rugby Tabernan bukatu baino lehen.
Errugbilari gazteek ez zuten nahikorik izan, dirudienez, minutu batzuk geroago San Juan harriaren inguruan “tokata” bat osatu baitzuten.
Xabi Sánchez, Txingudi Rugby Klubaren koordinatzailearen hitzetan, “horrelako ekitaldi bat antolatzeak lan asko dakar, baina klubak sasoi oso ona dauka eta badakigu gai garela hau aurrera ateratzeko.”
(Argazkia: Gari Mendizabal)
Txingudi Rugby Taldeak antolatutako hitzordua izanen da eta uztailaren 6an eginen da
Txingudi Rugby Taldeak zazpigarren aldiz antolatu du...
Plaiaundin elkartuko dira adin guztietako errugbilariak arratsaldean partiduak jokatzeko
Denboraldia bukatuta, eta hau bera ospatzeko, Txingudi...
Txingudi Rugby Klubeko taldeak ezin izan zuen Sarako Izarra garaitu eta bigarren postuan bukatu du senior mailako bere lehen denboraldia
Ligako...
Ligako B multzoko lider moduan buka dezake modu ofizialean lehiatu duen lehen denboraldia
Biok Txingudik bukaera emanen dio asteburu honetan Ligari....
Txingudi Rugby Klubeko 14 urtez azpiko taldeak ezin hobe bukatu du denboraldia
Txingudi Rugby Klubeko 14 urtez azpiko Txingudi/Baztan taldeak...