UNAI AMIANO ELGOIBARKO SAN ANTONGO TXAPELKETAN GARAILE

Iker Amiano anaia ere Gipuzkoako txapeldun bilakatu zen abenduan eta orain, Espainiako Txapelketa jokatzen ari dira biak

Iker Amiano eta Unai Amiano anaiak, azken aldian, garaipen garrantzitsuak eskuratu dituzte pilotan. Ikerrek Gipuzkoako txapelketa irabazi zuen abenduan eta orduan ere, Unai Diario Vasco Torneo-ko garaile izan zen, Carmelo Lozarekin batera. Honez gain, pasa den ortziralean, bikote honek Elgoibarko San Antongo txapelketa bereganatu zuen. Gutxienetik gehiagora doazten pilotariak dira eta Inaxio Errandonea ASPEko arduradunak erran duenez, etorkizun handiko kirolariak izango dira.

Beste urrats handi bat emateko balio izan dizuete garaipen hauek?

Iker Amiano: Bai, behin txapelketa irabazi ezkero, aukera gehiago dago. Zutaz gehiago hitz egiten da eta hori denetarako ona izaten da.

Tolosako pilotariak zarete. Nola hasi zineten eta nola bukatu duzue bertan?

IA: Irunen hasi ginen pilotan, Ramuntxo Klubean, Mikel Alzagarekin. Berarekin oinarri bat jarri genuen eta gutxinaka entrenatzen joan ginen, partidarik jokatu gabe. Gero, Ola sagardotegiko txapelketa jokatu genuen eta han Berako batzuekin elkartu ginen. Eurek komentatu ziguten Berara joateko aukera genuela eta han entrenatzeko maila ona zegoenez, hara joan ginen. Hortik Añorgara joan ginen eta Mikel Unanuekin entrenatu genuen urte batzuz. Berarekin asko ikasi genuen. Azkenik, Tolosara joan ginen eta bertan gaude orain.

Eta orain, Iker, Errioxara joan zara…

IA: Bai, orain Espainiako Txapelketa dago eta Errioxako Klubak jokatzen du, batez ere, lehiaketa hori. Handik deitu ninduten eurekin Espainiako Txapelketa jokatzeko eta hara joan nintzen. Lehengo astean Ezkaraien egokitu zitzaidan jokatzea eta bertan irabazi genuen.

Zuk, Unai, Tolosarekin jarraitzen duzu. Zeintzuk dira zure helburu nagusiak?

Unai Amiano: Gaur gauean Elgoibarko San Antongo Txapelketako finala jokatuko dut, eta asteazkenean, Espainiako Txapelketan arituko naiz Barañainekin.

Prestatzaile lesakar bat duzue ere, Iker Tainta, ezta?

IA: Bai, urte eta erdiz gaude dagoeneko berarekin lanean eta oso gustura. Berak entrenamenduak antolatzen dizkigu eta elikadura zaintzen laguntzen digu.

UA: Pilotan ez da dena zehatz-mehatz kontrolatu behar, ez baikara %100-ean egon behar, baina bai pausu batzuk eman behar direla, atzera ez egiteko behintzat.

Inaxio Errandoneak itxaropena du zuengan. Ez dakit nola hartzen duzuen hori…

IA: Horrelako hitzak entzutea pozgarria da, baina hankak lurrean eduki behar ditugu eta non gauden ikusi. Hortik aurrera, pixkanaka hobetzen joan behar gara, nire kasuan behintzat.


ORTZIRALEKO PARTIDARAKO PILOTAK AUKERATU DITUZTE LAU PILOTARIEK

Hendaiako Daniel Ugarten arituko dira Laso-Imaz eta Peña II-Eskiroz bikoteak aurrez aurre

Bixintxo besten...

GRAND SLAM HONDARRIBIA TXAPELKETAKO FINALA LARUNBATEAN JOSTALDIN

Arratsaldeko 18:00etatik aitzinera arituko dira Erkiaga-Irastorza eta Barandika-Lopez bikoteak aurrez aurre

Grand...

OLHARAN-ETCHETO ETA BEASKOETXEA-LEKERIKA AURREZ AURRE

Larunbat honetan, hilak 17, Hondarribiako Grand Slam txapelketa bueltan izanen da partida erabakigarri batekin

ALDAI-CAPELLAN ETA ETXEGARAI-GAMINDE BIKOTEEK IRABAZI ZITUZTEN UDAKO TORNEOKO FINALERDIAK

Bi bikoteak aurrez aurre izanen dira Aitzurin abuztuaren 27ko final handian

Pasa den larunbatean, abuztuaren 13an,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika