VII. EMAKUME PALA TXAPELKETA MAIATZEAN

Emeki Emakume Elkarteak antolatuta, pala txapelketa ospatuko da maiatzeko larunbat guztietan Soroeta frontoian

Emeki Emakume Elkarteak VII. Emakume Pala Txapelketa antolatu du maiatzerako Hondarribiako Soroeta frontoian. Kanporaketa partidak hurrengo hilabeteko larunbat goizetan ospatuko dira (7, 14, 21, 28) eta finala berriz, ekainaren 4ean izango da Jostaldi frontoian.

Aurten ere Emeki elkarteak Emakume Pala Txapelketa antolatu du eta dagoeneko bertan parte hartzeko izena eman daiteke. Aurreko igandean, apirilaren 10ean, ireki zuten izen-ematea eta maiatzaren 1era bitarte egongo da hau egiteko aukera. Horretarako, elkarteko webgunean esteka bat jarri dute:  https://docs.google.com/forms/d/e/1FAIpQLScNOJblzD1ke27tc-NgdXxLwqoEVJOQ0-me1f67A1D8rAcoCA/viewform?usp=sf_link. Lehiaketan parte hartzeko jokalari bakoitzak 10 euro oraindu beharko ditu eta ordainketa lehendabiziko egunean egingo da. Gainera, momentu horretan elkarteak bi kamiseta emango dizkie jokalariei, bat gorria eta bestea urdina.

Txapelketako partida guztiak goizeko 10etan hasiko dira eta gomazko pilotarekin jokatu dute partehartzaileek. Sakea 3tik 3ra egingo dute eta pasa marra 6an jarriko da. Kanporaketako partidak 15 tantuetara jokatuko dira eta finala berriz, 20ra. Jokalariek azkenik, bi atsedenaldi eskatu ahal izango dituzte guztira norgehiagoka guztietan eta batak zein besteak eska dezake. Elkartetik aipatu duten moduan, jokalariren batek edo bikoteren batek ezinezkoa badu partida baten bat jokatzea, denborarekin abisatu beharko dute, bestela partida galdutzat emango zaie.

Informazio gehiago behar ezkero, emekiemakumelkarte@gmail.com helbidera idatz daitekeela jakinarazi dute elkartetik.

AINHOA MORONEK ETA IDOIA KARRERAK EGUNEKO BI PARTIDAK IRABAZI ZITUZTEN

Larunbat goizean ospatu zen VII. Emakumeen Pala Txapelketako lehen jardunaldia eta Moron eta Karrera irundarrak irabazi zituzten partida guztiak

VII. EMAKUME PALA TXAPELKETA MAIATZEAN

Emeki Emakume Elkarteak antolatuta, pala txapelketa ospatuko da maiatzeko larunbat guztietan Soroeta frontoian

LUR-ALAIEK IX. BIDASOA TXINGUDI SQUASH SARIA OSPATU DU

Ostiral eta larunbatean ospatu ziren partiden ondoren, Sandra Perez, Xavi Blasco eta Unax Mariezkurrena izan ziren garaile

MASTER LABORAL KUTXA FINALA URANZU PILOTALEKUAN

Aldai-Capellan eta Arrizabalaga-Gaminde bikoteak arituko dira eskuz binakako emakumezkoen finalean

Hurrengo...

LASO- IMAZ BIKOTEA GARAILE DANIEL UGARTEN

Urdinek 15-22 irabazi zieten Elezkano II-Zabaleta liderrei, partidako bigarren zatian markagailua irauli eta gero

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika