ZAISA TXINGUDI EZ DA PLAY-OFFERAKO SAILKATU
Errugbia

ZAISA TXINGUDI EZ DA PLAY-OFFERAKO SAILKATU

Gaztedi Bren kontrako denboraldiko azken partiduan 17-29 galdu zuen Iñigo Camareroren taldeak

Txingudi Rugby Klubeko gizonezko seniorrek denboraldiko azken partidua galdu egin zuen Plaiaundin. Gaztedi B jaso zuen Zaisa Txingudik eta 17-29ko markagailuarekin porrota jaso zuen, play-offa jokatzeko beharrezko saikapeneko postuak lortu gabe.

Neurketa Zaisa Txingudiren alde hasi zen, 3-0eko markagailuarkein, Alejandro Lasak lortutako zigor kolpe baten bidez. Hala ere, bisitariak indarra hartzen joan ziren eta bi entsegu lortuta, 3-10eko emaitza lortu zuten. Etxekoak saiatu ziren emaitza berriz ere iraultzen, baina gasteiztarrak fin ibili ziren baloiak lapurtzen, baita kontraerasoan ere, eta 3-17ra ireki zuten beraien aldeko errenta. Atsedenaldira, 3-22koarekin ere ailegatzea lortu zuten.

Bigarren zatian, indarrez zelairatu ziren Iñigo Camareroren mutilak eta Roman Solisek egindako entseguarekin eta Alejandro Lasak egindako eraldaketarekin, 10-22koa ezarri zuten markagailuan. Jokoa hagitz berdindua egon zen hurrengo minutuetan, baina Gaztedik bere azken entsegua egitea lortu zuen (10-29). Etxekoek ere azken aukera eduki zuten eta Adur Manterolak eraldatu zuen Lasak egindako entsegua, 17-29koa ezarriz behin-betiko.

Porrot honekin, Zaisa Txingudik ezin izan da play-offerako postuetan sailkatu eta laugarren postuan bukatu du aurtengo denboraldia, 33 punturekin guztira. Uni Bilbo C izan da Ligako txapelduna, baina ezingo da mailaz igo Uni Bilbo B Euskal lehenengo mailan nagoelako. Horrela, Zornotzako Urgozo izanen da zuzenean mailaz igoko dena eta La Unica Bk eta Atletico San Sebastianek jokatuko dute play-offa. Zaisa Txingudiren gibeletik, Gaztedi B, Zarautz B/Beltzak, Arratiko Zekorrak eta Bera Bera B sailkatu dira.

Gazteen emaitzak

18 urtez azpiko Bera Bera/Txingudi taldeak Durangoren kontra, 15-89ko markagailuarekin, garaipena lortuta bukatu du denboraldia. 16 urtez azpiko taldeak berriz, Gabiria Txingudi/Baztanek, ezin izan zuen La Unica garaitu eta 15-22ko emaitzarekin porrota jaso zuen.

(Argazkia: Onintza Burgera)

ERRUGBI TXAPELKETA OSPATUKO DUTE HONDARRIBIAKO HONDARTZAN
Errugbia

ERRUGBI TXAPELKETA OSPATUKO DUTE HONDARRIBIAKO HONDARTZAN

Txingudi Rugby Taldeak antolatutako hitzordua izanen da eta uztailaren 6an eginen da

Txingudi Rugby Taldeak zazpigarren aldiz antolatu du...

TXINGUDI RUGBY KLUBAK BERE EGUNA OSPATUKO DU BIHAR
Errugbia

TXINGUDI RUGBY KLUBAK BERE EGUNA OSPATUKO DU BIHAR

Plaiaundin elkartuko dira adin guztietako errugbilariak arratsaldean partiduak jokatzeko

Denboraldia bukatuta, eta hau bera ospatzeko, Txingudi...

BIOK TXINGUDI EUSKAL LIGAKO B MULTZOKO TXAPELDUNORDEA
Errugbia

BIOK TXINGUDI EUSKAL LIGAKO B MULTZOKO TXAPELDUNORDEA

Txingudi Rugby Klubeko taldeak ezin izan zuen Sarako Izarra garaitu eta bigarren postuan bukatu du senior mailako bere lehen denboraldia

Ligako...

BIOK TXINGUDIK DENBORALDIKO AZKEN NEURKETA JOKATUKO DU ASTEBURUAN
Errugbia

BIOK TXINGUDIK DENBORALDIKO AZKEN NEURKETA JOKATUKO DU ASTEBURUAN

Ligako B multzoko lider moduan buka dezake modu ofizialean lehiatu duen lehen denboraldia

Biok Txingudik bukaera emanen dio asteburu honetan Ligari....

TXINGUDI/BAZTAN TALDEA GIPUZKOAKO B MULTZOKO TXAPELDUNA
Errugbia

TXINGUDI/BAZTAN TALDEA GIPUZKOAKO B MULTZOKO TXAPELDUNA

Txingudi Rugby Klubeko 14 urtez azpiko taldeak ezin hobe bukatu du denboraldia

Txingudi Rugby Klubeko 14 urtez azpiko Txingudi/Baztan taldeak...

TXINGUDI/BAZTANEK B MULTZOKO FINALA JOKATUKO DU BIHAR PLAIAUNDIN
Errugbia

TXINGUDI/BAZTANEK B MULTZOKO FINALA JOKATUKO DU BIHAR PLAIAUNDIN

La Unica taldea jasoko dute 14 urtez azpiko taldeak finala jokatzeko, maiatzaren 11n 11:00etan

Txingudi Rugby Klubeko taldeak denboraldi bukaerara...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika