ZAISA TXINGUDIK UNI BILBO IZANEN DU AURKARI ASTEBURUAN
Errugbia

ZAISA TXINGUDIK UNI BILBO IZANEN DU AURKARI ASTEBURUAN

16 urtez azpikoek ere aurkari bera izanen dute bihar goizean Lekarozko zelaian

Biok Txingudiren lekukoa hartuko du Zaisa Txingudik asteburu honetan. Larunbatean (azaroaren 11n), 16:00etan, Nerbioi-Uni Bilbo C taldearen kontra jokatuko du denboraldiko jardunaldi berri bat eta partidua ere Bilbon jokatuko da. Bigarren mailako liderra da aurkaria eta beraz, txingudikoek badakite honen zailtasunaz. Bertan jokatuko zuten azken partiduan mugakoek galdu egin zuten, etxekoek partiduaren bukaeran markagailua irauli zutelako zigor kolpe baten bidez. Horrez gain, aurten ere ezin hobe hasi dute Liga. Izan ere, lautik lau neurketa irabazi dituzte. Edonola ere, Iñigo Camareroren mutilak prest daude denboraldiko lehen garaipena eskuratzeko. Orain arte bi partidu galdu dituzte eta bertze bat irabazi, baina jokatu gabe, aurkaria ez baitzen zelaira agertu. Odei Alonso, Aitor Asurmendi eta Andoni Quiñones ezik (lesionaturik) bertze guztiek bidaiatuko dute Bilbora.

16 urtez azpikoak Lekarozen

Bilboko aurkari bera izanen dute 16 urtez azpiko txinguditarrek. Hauek, Baztan Menditarrak-ekin batera osatzen duten taldearekin, Lekarozko zelaian arituko dira Uni Bilbo B-ren kontra, bihar ere 11:00etan. Bi talde hauek sailkapeneko azken postuetan daude eta biak ere garaipena eskuratu nahiko dute, puntuak batu eta gora egiteko.

Euskadi eta Gipuzkoako selekzioekin hautatuak

Euskadiko selekzioaren 16 urtez azpiko eta Gipuzkoako selekzioaren 13 eta 14 urtez azpiko entrenamenduak ospatuko dira egun hauetan, baita neskenak ere, eta bertan Txingudiko zenbait jokalari egonen dira. Horrez gain, Euskadiko Autonomien Selekzioen txapelketa prestatzen ari dira eta heldu den astelehenan, hilaren 13an, izanen dute entrenamendu berri bat Zarautzen. Aritz Arrieta bertan egonen da.

Gipuzkoako konbinatuak berriz, Plaiaundin eginen dute hitzordua, bihar 9:30ean. 13 urtez azpikoekin Txingudiko Unai Aizpurua, Giovani Ciurar, Oihan Echeveste, Galder Eizagirre, Oier Galvez, Mick Little, Urtats Mendizabal eta Urko Prieto egonen dira. 14 urtez azpikoekin bertzalde, Urtzi Arrieta, Justin Duarte, Jonathan Guerrero eta Mattin Petrikorena.

Igandean azkenik, Gipuzkoako emakumeen selekzio gaztearen entrenamendua ospatuko dute Eibarko Unbe zelaian. Biok Txingudiko bortz jokalari egonen dira bertan: Lohitzun Aia, Luma Altube, Gaxi Famoso, Maddi Garmendia eta Helene Tristan.

BIOK TXINGUDIK HASIERA EMANEN DIO EUSKAL LIGAKO BIGARREN FASEARI
Errugbia

BIOK TXINGUDIK HASIERA EMANEN DIO EUSKAL LIGAKO BIGARREN FASEARI

Zaisa Txingudik berriz, play-offa jokatzeko eskubidea ematen duen bigarren postua lortzeko lehian segituko du

Atsedenaldiaren ondotik, Txingudi...

TXINGUDI RUGBY KLUBEKO SENIORRAK PLAIAUNDIN ARIKO DIRA
Errugbia

TXINGUDI RUGBY KLUBEKO SENIORRAK PLAIAUNDIN ARIKO DIRA

Biok Txingudik Bera Bera/Ordizia jasoko du eta Zaisa Txingudik berriz, Zarautz B/Beltzak taldea

Txingudi Rugby Klubeko senior mailako bi...

ZAISA TXINGUDIK ARRATIKO ZEKORRAK GARAITU ZUEN
Errugbia

ZAISA TXINGUDIK ARRATIKO ZEKORRAK GARAITU ZUEN

Igorren aritu ziren bi taldeak elkarren kontra eta 17-20ko markagailuarekin irabazi zuten mugakoek

Zaisa Txingudik garaipena eskuratu zuen pasa den...

ZAISA TXINGUDIK ARRATIKO ZEKORRAK TALDEA BISITATUKO DU
Errugbia

ZAISA TXINGUDIK ARRATIKO ZEKORRAK TALDEA BISITATUKO DU

Igorren ariko dira bi taldeak elkarren kontra bihar 16:00etatik aitzinera

Zaisa Txingudi, atsedenaldi ttiki baten ondotik, martxan izanen da berriz...

TXINGUDIKO GAZTEAK GARAIPENAREN BILA JOANEN DIRA ASTEBURUAN
Errugbia

TXINGUDIKO GAZTEAK GARAIPENAREN BILA JOANEN DIRA ASTEBURUAN

18 urtez azpiko taldea Iruñaren kontra ariko da eta 16 urtez azpikoa berriz, Uni Bilboren kontra

Txingudi Rugby Klubeko seniorrek atsedena hartuko...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika