REAL UNIONEK EZ DAKI NEURKETAK IRABAZTEN
Futbola

REAL UNIONEK EZ DAKI NEURKETAK IRABAZTEN

Real Unionek ezin izan zuen Getxoko Arenas garaitu eta beste berdinketa bat erdietsi zuen, hiruugarren berdinketa eta hirugarren puntua

Azkar esaten da, baina denboraldi berriko sei neurketa jokatu dira eta Real Unionek irabazi gabe jarraitzen du. Ondo jokatu arren, talde txuribeltzak ez daki partiduak ixten eta irabazten. Atzean oso bigun dabiltza atzelariak eta aurrelariak ez dute atea erraz ikusten eta horrela norgehiagokak irabaztea oso zaila da. Zaila jartzen ari dena ere denboraldia da, izan ere, lehen sei jardunaldietan hiru puntu soilik eskuratu ditu Alberto Iturralderen taldeak eta jada denboraldiko helburua jeitsiera postuetatik irtetzea bilakatzen ari da.

Lehen zati ona egin zuen Real Unionek, baloiaren jabetza izan zuen eta aukerak ere. Lehen aukera bostgarren minutuan iritsi zen, Yoel Solak burukada langara bidali zuen eta ordutik aukerak eta joko ona gutxitzen hasi zen. Bi taldeek baloiak erraztasun handiarekin galtzen zituzten eta neurketa asko trakestu zen. Azken hamar minutuetan Real Unionen gola iritsi zen, Dani Estradak Eneko Eizmendiri egindako penaltia asmatu zuen. Normalean Jorge Galan izaten da penalti jaurtitzailea, baina neurketa honen berririk nabarmenea hori izan zen, Eneko Eizmendik Galanen ordez aritu zen aurrelariaren postuan.

1-0ekoarekin hasi zen bigarren zatian, bazirudien Real Unionek neurketa kontrolpean zuela, baina aipatu bezala, Real Unionek ez daki neurketak irabazten. Arenasek kontraeraso arriskutsuak burutzen zituen, baina ez zuen asmatzen Irazustabarrenaren atea zulatzea. Etxanizek berdinketaren gola sartu aurretik langara bota zuen baloia, lehen abisua izan zen hura. Bigarrenean ordea ez zuen hutsik egin. Real Unionek korner bat atera zuen, Larruceari penalti argi bat egin zioten, baina epaileak ez zuen adierazi, kontraeraso azkarra burutu zuen Arenasek eta Etxanizek aurretik erdietsi ez zuen gola lortu zuen. Protestaka ari ziren bitartean, min handia ematen duen gola jaso zuen Real Unionek. Ordutik Alberto Iturralderen mutilek ezin izan zuten burua altsatu eta neurketa banako berdinketarekin bukatu zen.

Zaharrak berri beraz Real Unionen inguruan, momento hauetan talde irundarra sailkapeneko hemeretzigarrena da hiru punturekin. Egoera benetan zaila dela, baina badago egoera iraultzeko denbora. Datorren jardunaldia Amorebietaren zelaian jokatuko du Real Unionek, bederatzi punturekin sailkapeneko zazpigarrena da Amorebieta, beraz neurketa zaila izango dute lehen garaipena eskuratzeko.

 

SANDRA RAMAJOK FUTBOL BOTAK ESKEGI DITU
Futbola

SANDRA RAMAJOK FUTBOL BOTAK ESKEGI DITU

Jokalari gisa 360 neurketa jokatuta agur esan dio futbolari Sandra Ramajo irundarrak. Azken denboraldia Fundación Albaceten jokatu duen arren, Errealean pasa ditu...

OSO GUTXI BALIO DUEN BESTE PUNTU BAT
Futbola

OSO GUTXI BALIO DUEN BESTE PUNTU BAT

Real Unionek bigarren zatian oso zaila zuen neurketa berdintzea lortu zuen, Lezaman Bilbao Athleticen aurka 3-3 egin zuen

Erreakzionatzeko betak xahutzen...

REAL UNIONEK EZ DU HAUSPORIK
Futbola

REAL UNIONEK EZ DU HAUSPORIK

Real Union hutsean bueltatu zen Valladolidetik, 1-0 galdu zuen Valladolid Bren aurka eta 28 punturekin promozio postuetan pixkanaka sakontzen hasiak...

MIN HANDIA EMATEN DUEN PORROTA
Futbola

MIN HANDIA EMATEN DUEN PORROTA

Real Unionen bolada txarrak ez du etenik, 0-1 galdu zuen Amorebietaren aurka eta jada salbazio postuak markatzen dituen Barakaldoren bi puntutara...

OHIKOA, BERDINKETA
Futbola

OHIKOA, BERDINKETA

Real Unionek Getxoko Arenasen aurka Facurdan jokatutako neurketa 0-0ean bukatu zen. Bi taldeek gola egiteko aukera izan bazuten ere, atezainen aurrean ez zuten...

BESTE BERDINKETA BAT
Futbola

BESTE BERDINKETA BAT

Real Unionek bana berdindu du Osasuna Promesasen aurka eta jardunaldia hasi zuten egoera berdinean aurkitzen dira, promozio postuetan dagoen Unionistas taldearen...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika