Txapeldun izan da Real Union mendeurrenaren urtean
Futbola

Txapeldun izan da Real Union mendeurrenaren urtean

REAL UNION: Otermin, Azkoiti, Arzamendi, Esnaola, Morcillo, Rodellar, Romo (Alonso, 46'), Mujika (Urkizu, 74'), Juan Domínguez (Goikoetxea, 80'), Seguin, Saizar.

CASTELLó: Alex, Borja Gracia, Pablo Suárez, Vázquez, Juanra, Miki (Pruden, 51'), Gaby (Pino, 60'), Castells, Negredo (Yagüe, 65'), Rubén Suárez, Canadell.

GOLAK: 1-0: Mujika (3'); 2-0: Mikel Alonso (72'); 3-0: Goikoetxea (91').

EPAILEA: Mateos Martín.

Federazio Kopako irabazle ukaezina da Real Union. Nagusitasunez menderatu du Castelló finalean. Joanekoan abantaila hartu ondoren, azken kolpea ematea falta zitzaien txuribeltzei. Hasieratik erakutsi dute irabazteko asmoa. 3. minutuan 1-0ekoa egin du Mujikak. Juan Domínguezek eman dio pasea, ezker hegalean bi aurkari gainditu ondoren. 6.ean Mujikak berak bigarrena egiteko aukera izan du korner batean, baina atezainak gelditu du burukada. Lau minutu beranduago, Rodellarrek ezustekoa eman du, langan jo baitu bere jaurtiketak. Castellóren lehen saiakera Rubén Suárez beteranoaren eskutik iritsi da, 14.minutuan. Oterminek harrapatu du baloia. Hasiera biziaren ondoren, norgehiagoka baretu egin da. Union izan da baloiaren jabe atsedenaldira arte. Eroso ibili da, jokoa lantzen.

Bigarren zatian estutzen hasi da Castelló, markagailua berdintzeko asmoz. Arriskua sortu duen arren, gol aukera argirik ez du izan. Minutuek aurrera egin ahala, agintea berreskuratuz joan da Real Union. Arzamendik bigarrena egiteko abagunea izan du, Seguinek ezker aldetik ateratako faltan. Kanpora bidali du baloia, buruz. Hiru minutu beranduago, Mikel Alonsok ez du hutsik egin. Juan Domínguezen pase bikaina jaso du, oztoporik gabe egin du aurrera, eta atezaina gainditzen asmatu du. Bigarren golak etxeko taldea indartu du. Castellók berriz, behera egin du nabarmen. Festaren parte izan da neurketaren amaiera. Juan Domínguezek bere partida ona borobiltzeko aukera izan du, baina aurkariak atzean utzi ondoren, erabaki okerra hartu du. Atezainak urrundu du baselina saiakera. Luzapenean, hirugarren gola sartu du Iñaki Goikoetxeak. Falta baten aldaratzean bidali du baloia sarera, ospakizunari atea irekitzeko.

Irudi historikoak utzi ditu finalaren ondokoak. Xabier Oterminek, Real Unionekin partida gehien egin dituen jokalariak jaso du Federazio Kopa. Taldekideekin elkarbanatu du ondoren, Galeko zelaian egindako ospakizunean. Prentsaurrekoan, bere laguntzaile guztiekin irten da Aitor Zulaika entrenatzailea, eta Kopan parte hartu duten 29 jokalariak gogoratu ditu, banan-banan. Josu Ibarbia, Alex Iriondo eta Iñigo Urbieta azpimarratu ditu, Kopan maila handia eman duten arren, finalean jokatzeko aukerarik izan ez dutelako. Taldearen indarra azpimarratu du, eta lanean jarraitzeko konpromisoa hartu du, aurtengo liga bukatzerakoan Galen festa gehiago izan daitezen. Palmaresa puztu du Real Union historikoak 2015eko Federazio Koparekin.

PARTIDUAK ITXI GABE JARRAITZEN DU REAL UNIONEK
Futbola

PARTIDUAK ITXI GABE JARRAITZEN DU REAL UNIONEK

Real Unionek 2019-2020 denboraldian irabazi gabe jarraitzen du, ligako laugarren jardunaldian Tudelanok 1-2 irabazi zion Stadium Galen eta sailkapenean 18.nak...

AZKEN MINUTUAN BERDINKETA
Futbola

AZKEN MINUTUAN BERDINKETA

Real Unionek El Mantico futbol zelai mitikoan 1-1 berdindu zuen Aitor Aranzabek 89.minutuan gol bat erdietsi eta gero

Talde txuribletzak sailkapeneko...

REAL UNIONEK BI JOKALARI BERRI SINATU DITU
Futbola

REAL UNIONEK BI JOKALARI BERRI SINATU DITU

Klubak gaurko egunean argitaratu du Nicolas Kata Martinez eta Alvaro Matias Telis talde txuribeltzaren jokalari berriak izango direla denboraldi...

BERDINKETAREKIN  BUKATU ZEN GALEKO LEHEN NEURKETAN
Futbola

BERDINKETAREKIN BUKATU ZEN GALEKO LEHEN NEURKETAN

Partidu ona jokatu eta aukera hoberenak izan arren Real Unionek 1-1 berdindu zuen Leongo Kulturalaren aurka, Alain Eizmendik aurreratu zituen txuribeltzak eta...

REAL UNIONEK DENBORALDI BERRIA PORROTAREKIN HASI DU
Futbola

REAL UNIONEK DENBORALDI BERRIA PORROTAREKIN HASI DU

Talde txuribeltzak 2-0 galdu zuen Calahorraren aurka Errioxan, denboraldi berria ezkerreko hankarekin hasi dute

Real Unionek ez du denboraldi berria ondo...

DEFENTSARAKO ESKARMENTUA ESKEINIKO DIO BORDAK REAL UNIONI
Futbola

DEFENTSARAKO ESKARMENTUA ESKEINIKO DIO BORDAK REAL UNIONI

Aritz Borda 34 urteko defentsa gipuzkoarra datorren urtean talde txuribeltzaren kamiseta defendatuko du

Fitxaketa berri bat aurkeztu du gaurko goizean...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika