Santiagotarrakeko aulki mugikorreko saila Libournen izanen da asteburuan

Santiagotarrak taldeko aulki mugikorreko saileko arraunlariak Libournen egonen dira asteburu honetan, bertan ospatuko den Nazioarteko Estropadan parte hartzen. Maiatzaren 10ean izanen da lehia, Frantziako hegoaldeko estropadarik garrantzitsuena dena. Frantziako, Euskal Herriko eta Kataluniako arraunlariak izanen dira bertan, aurreikusi dutenez 2.000 baino gehiago lehiatuko dira, 500 ontzitan banatuta. Irungo klubari dagokionez, 77 arraunlarik bidaiatuko dute Frantziara asteburuan, 19 ontzitan banatuta. 

Honez gain, etxean, San Miguelen, Eskola Jokoak ospatuko dira igandean, maiatzaren 11n.