AKERREK 5 PUNTU BATU DITUZTE
Errugbia

AKERREK 5 PUNTU BATU DITUZTE

Txingudi Errugbi Klubak denboraldiko lehen garaipena erdietsi du asteburuan Atletico San Sebastian/Hernani 31-12 menderatu eta gero.

Asko izerditu eta lan handia bete behar izan du Txingudi Errugbi Klubak denboraldiko lehen garaipena lortzeko. Ohorezko B mailan aritzen den Hernaniren harrobiko taldeak bisitatu du Plaiaundiko zelaia eta esperientzia handiko jokalariak tarteko, hasieratik zaila egin zaio etxeko taldeari neurketan sartzea. Lehen 12 minutuetan, bi entsegu gauzatuta kanpoko taldeak ahalik eta lasterren neurketa erabakita utzi nahi izan du. Hankaz gora hasi da partida Txingudi Errugbi Taldearentzat, bi kolpetan 0-12 atzetik jarri dira.

Lehen zatiko minutuak aurrera egin ahala, bidasotarrak zelaian meleen bitartez agintzen hasi dira, Atleticoko defentsan ezin zuen etxekoen indarrarekin. Horrela, 22.minutuan, Txingudi Errugbi Klubaren lehen entsegua iritsi da, Erik Gonzalez izan zen markagailua lehena irekitzen (7-12). Txingudi Errugbi Kluba gero eta erosoago sentitu da Plaiaundiko zelaian eta 33.minutuan, irabazitako ‘touch’ baten ostean eta Atletico taldearen defentsa ezinean zegoelarik, Alejandro Lasak entsegua gauzatu eta neurketa berdindu zuen (12-12).

Lehen zatia berdinketarekin bukatu da, jokoaren sentsazioei dagokionez zein markagailuari dagokionez; bigarren zatian, aldiz, bere osotasunean Txingudi Errugbi Kluba nagusi izan da. Fisikoki kanpoko taldea baino hobeago sentitu dira, baloi jabetza gehiago izan dute eta garaipeneko grina handiago demostratu dute. Hala ere, 54.minuturarte itxaron behar izan dute berdinketa hautsi duen entsegua lortzeko, Roman Solisek defentsa lerroa apurtu eta Ugo Poncinik gauzatu zituen 7 puntuak (19-12). Atleticok ez du erreakzionatzen jakin eta etxekoek bikain baliatu dituzte donostiarrek egindako akatsak. Horietako batetik, 26-12koa ezarri duenentsegua iritsi da. Beste behin, Roman Solisek baloia lapurtu eta entsegu-marratik 5 metrora melea behartu du eta melearen irteeran Rodrigo Combinak egin du entsegua.

Txingudi Errugbi Klubak garaipenaren lau puntuaz gain, zati batean hiru entseguk ematen dituen puntu bateko bonifikazioa nahi izan du; horregatik, neurketa amaierara arte ez dute atsedenik hartu. Hain zuzen ere, neurketaren ondarrean, 78.minutuan, Enoch Ferkak azkenko 31-12koa ezarri zuen Txingudi Errugbi Taldearentzat.

 

GARAIPENA LEHEN LAGUNARTEKOAN
Errugbia

GARAIPENA LEHEN LAGUNARTEKOAN

Ezaugarri bereko bi arerio lehiatu ziren Plaiaundin, Txingudi Errugbi Kluba eta Bera-Bera B. Nuerketa etxean geratu zen, 14-8.

Txingudi Errugbi Kluba eta...

PUNTU BATENGATIK ERE BALIO DU
Errugbia

PUNTU BATENGATIK ERE BALIO DU

Denboraldiko lehen jardunaldian 15-14 garaitu zuen Hendaiako Estadioak Saint Paul le Dax.

Kirola eta errugbia bueltatu zen pasa den igandean...

AURREKO DENBORALDIA HOBETZEA HELBURU
Errugbia

AURREKO DENBORALDIA HOBETZEA HELBURU

Txingudi Errugbi Kluba osatzen dute jokalariek abuztuaren 2an lanean hasi ziren eta pasa den denboraldi amaiera “iraultzeko gogoz” dira.

BIGARREN PORROTA ERRESKAN
Errugbia

BIGARREN PORROTA ERRESKAN

Talde bidasotarraren bajek neurketa baldintzatu zuten eta lehen fasean garaitu zuten Atletico/Hernanik neurketa aurrera eraman zuen (21-36).

Denboraldia...

KOLPE LATZA
Errugbia

KOLPE LATZA

Kontsolidazio fasea modurik traketsenean hasi zuen Txingudi Errugbi Klubak. Veltesca Bilbo taldeak, errukirik gabe, 8-48 mendean hartu zuen talde...

 BIGARREN FASERA DENBORALDIKO HELBURUA BETE GABE
Errugbia

BIGARREN FASERA DENBORALDIKO HELBURUA BETE GABE

Kanpazar Arrasateren aurka galdu ostean (19-10), Zaisa Txingudi Errugbi Klubak Euskadiko Senior Ligako kontsolidazio fasea jokatuko du, sailkapeneko azken lau...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika