BERDINKETAREKIN BUKATU ZUEN REAL UNIONEK URTEKO LEHEN JARDUNALDIA
Futbola

BERDINKETAREKIN BUKATU ZUEN REAL UNIONEK URTEKO LEHEN JARDUNALDIA

Irabazteko puntuan egon bazen ere, Real Unionek bana berdindu zuen CD Castellon taldearen kontra

Real Unionek bana berdindu zuen atzo CD Castellon taldearen kontra. Ivan Perezen gol bati esker, aurretik jarri zen markagailuan talde txuribeltza, baina aurkariak berdintzea lortu zuen eta beraz, puntuak bi taldeen artean banatu behar izan zituzten.

Partiduaren lehen 45 minutuetan CD Castellonek izan zituen baloiaren jabetza, baita golak eskuratzeko abaguneak ere. Aurkariaren lehen aukera hamaseigarren minutuan iritsi zen, Oscar Gilen aldetik, baina Irazustak ongi gelditu zuen baloia. Hamar minutu beranduago, bigarren abagunea izan zuen Castellonek, korner baten bitartez, eta orduan ere Real Uniongo kapitainak geldiketa on bat egin zuen. Etxekoek honi erantzun eta bi aukera izan zituzten, Riveroren eskutik lehena eta bigarrena, Oyarzunen aldetik. Hala ere, ez zuten atean asmatu eta beraz, hutsean iritsi ziren bi taldeak atsedenaldira.

Bigarren zatian berriz, talde txuribeltzak indarrez ekin zion neurketari eta markagailuan aurreratzeko lehen aukerak sortu zituen. Seguinek izan zuen gola sartzeko abagunea, baina kornerrera bidali zuen Alfonsok. Hala ere, saiatzen segitu zuten David Movillaren mutilek eta 68. minutuan iritsi zen jardunaldiko lehen gola. Ivan Perezek korner bat errematatzea lortu zuen eta markagailua Real Unionen alde jarri zuen. Bost minutu beranduago gainera, Nacho Sanchezek bigarrena eskuratzeko aukera izan zuen, baina atezainak baloia gelditu ahal izan zuen.

Jardunaldia talde txuribeltzaren garaipen batekin bukatu behar zela uste zutenean, Castellon-eko Koneren jokaldia aprobetxatu eta Dani Romerak berdinketa ekarri zuen markagailura, neurketa bukatzeko zortzi minutu gelditzen zirenean. Horrela, hiru puntu eskuratu beharrean, bakarra lortu zuen Real Unionek sailkapenean.

(Argazkia: Photos Lasa)

REAL UNION ROCAK EZIN IZAN ZUEN PUNTURIK BATU ETXEAN
Futbola

REAL UNION ROCAK EZIN IZAN ZUEN PUNTURIK BATU ETXEAN

Deusto FC taldearen kontra 0-3 galdu zuen Galeko anexoan

Real Unión Roca: Oihan Fernández; Arteaga, Cabo, Gordo (Pinillos, 68. min.),...

REAL UNIONEK EZIN IZAN ZUEN SABADELL GARAITU
Futbola

REAL UNIONEK EZIN IZAN ZUEN SABADELL GARAITU

Kataluniarrek partiduaren bukaera aldera asmatu zuten aurkariaren atean eta horrela, punturik batu gabe bueltatu ziren irundarrak etxera

Real...

IÑIGO IDIAKEZ: “IDEIAK GARBI DITUGU, PLAN BAT DUGU ETA ONGI ATERATZEA ESPERO DUT”
Futbola

IÑIGO IDIAKEZ: “IDEIAK GARBI DITUGU, PLAN BAT DUGU ETA ONGI ATERATZEA ESPERO DUT”

Real Unionek Sabadell bisitatuko du bihar, otsailaren 24an, 16:00etan

Real Unionek bihar jokatuko du asteburuko jardunaldia, larunbatean (otsailaren...

REAL UNION ROCAK HIRU PUNTU EKARRI ZITUEN BERGARATIK
Futbola

REAL UNION ROCAK HIRU PUNTU EKARRI ZITUEN BERGARATIK

Ortizek bigarren zatian sartutako golari esker, sailkapenera bertze hiru puntu batu zituzten txuribeltzek

Bergara KE: Barriobero; Molina...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika