Boleak ASOBAL Liga, Errege Kopa, ASOBAL Kopa eta Europako Kopa irabazi zituen Bidasoan jokalari gisa, eta entrenatzaile moduan ASOBAL Ligara azken igoeraren...
02 Mar, 2024
Puente Genilek ezarri zuen partiduaren erritmoa eta Bidasoaren hutsegite batzuen ondorioz, kordobarrentzat izan ziren jardunaldiko bi puntuak
Bidasoa Irunek ezin izan zuen Angel Ximenez Puente Genil taldea garaitu atzo ilunabarrean jokatu zen partiduan. Kordoban ekin zioten neurketari eta etxekoen erritmora ezin egokitu ibili zen Jacobo Cuetararen taldea. Bigarren zatian joko sendoago bat erakutsi zuten bidasotarrek, baina ez zen nahikoa izan puntuak batzeko. Azkenean, 28-27ko markagailu estuarekin bukatu zen partidua eta esku hutsik bueltatu dira Irunera.
Puente Genil indartsu kantxaratu zen lehen zatian eta sendo eutsi zieten Bidasoaren erasoei. Irundarrak aitzinetik jarri ziren markagailuan (4-5, 11. minutuan), baina kordobarrek segidan eman zioten buelta honi eta geroztik, euren alde jarri zuten emaitza. Bidasoak, une batean, zazpira berdintzea lortu zuen, baina irudikeri bat izan zen. Izan ere, Puente Genil lau goleko aldearekin ailegatu zen atsedenaldira (15-11). Talde irundarrarentzat lehen zatiko momenturik garrantzitsuena, Endika Wambaren debuta izan zen, Gastaminzarekin batera kantxaratu zen harrobiko jokalaria.
Bigarren zatian, Bidasoak erritmo altuago bat erakutsi zuen jokoan eta 0-2ko partzial baten ondotik, neurketa parekatzea lortu zuten. Edonola ere, Puente Genil ez zegoen prest bere nagusitasuna galtzeko eta bost goleko errenta lortu zuen berriz ere. Jacobo Cuetararen mutilak amore eman gabe segitu zuten eta 24-24ko berdinketa lortu zuen, 53. minutuan. Azken minutuetan partidua oso berdindua egon zen eta, neurketa zail baten ondotik, garaipena posible zela sinesten hasiak ziren bidasotarrak. Edonola ere, Gay-Emparanek sartutako azken golak ez zuen baliorik izan, azken ordu erdia bukatzerakoan izan baitzen eta Bidasoa denborarik gabe gelditu zen puntuak batzen saiatzeko.
Gol bakarreko aldearekin, 28-27ko emaitzarekin, bukatu zen partidua. Honen ondotik, heldu den larunbatean, martxoaren 9an, etxera bueltatuko da taldea eta bertan jasoko du Benidorm (19:00), hiru puntuak Artalekun gelditzeko borrokan.
(Argazkia: Estefania Hernandez)
Boleak ASOBAL Liga, Errege Kopa, ASOBAL Kopa eta Europako Kopa irabazi zituen Bidasoan jokalari gisa, eta entrenatzaile moduan ASOBAL Ligara azken igoeraren...
Erdiko atzelari gaztea utzita ariko da BM Guadalajaran 2024/25 denboraldian
CD Bidasoak eta Piotr Mielczarski jokalariak akordioa lortu dute eta horren...
Alex Mozas izanen da heldu den denboraldiko Bidasoa Irungo entrenatzailea eta Javi Campo, Nacho Torrescusa eta Jorge Martinezekin batera lan eginen...
Sanchezi laguntzen, Eñaut Uruñuela egonen da bigarren entrenatzaile moduan eta Yon Gomezek atezainekin eginen du lan
CD Bidasoak eta Hondarribia...
Gorka Nietok, Eneko Furundarenak, Asier Iribarrek eta Julen Mujikak Finlandiaren kontra bi lagunarteko jokatuko dituzte aste honetan
Bidasoa Irungo...
Euskal Herri osotik etorritako sei taldek hartuko dute parte txapelketan
III. San Martzial Senior Nesken Eskubaloi Torneoa ospatuko da bihar, ekainaren...