DAVID MOVILLA: `TALDEA KONPROMETITUA EGONEN DA PARTIDUAREKIN´
Futbola

DAVID MOVILLA: `TALDEA KONPROMETITUA EGONEN DA PARTIDUAREKIN´

Real Unionek zazpi jokalari gutxiago izanen ditu bihar Eldenseren kontra, baina hamaika dauden bitartean aurrera eginen dutela argi du entrenatzaileak

Real Unionek denboraldiko bigarren itzuliari eginen dio aurre bihar, arratsaldeko 19:00etan. Stadium Galen arituko da eta bertan jasoko du CD Eldense taldea. Sailkapeneko liderra da aurkaria, 35 punturekin, eta Bigarren Mailara igotzeko lehian egonen da, ziur aski, denboraldi bukaeran.

David Movillak argi du, “zelaian hamaika jokalari dauden bitartean, pozik egonen naiz. Hamaika horiek guztiak konprometituak egonen dira partiduarekin eta aurkariak exijituko gaituen guztiarekin”. Neurketa zaila izanen da asteburukoa Real Unionentzat. Sailkapeneko liderrari, eta momentu honetan “erritmo handia” duen taldeari, egin beharko dio aurre. Are zailagoa izanen da talde txuribeltzak zazpi baja izanen dituelako bihar. “Montororen kanporaketari sei zauritu gehitu behar zaizkio: Ivan Perez, Aranburu, Kijera, Bravo, Chema eta Joel”, entrenatzaileak azaldu duen moduan. Horrela, Movillak ezin izanen du zelairatu hasiera batean pentsatua zuen jokoa. Hala ere mailarik onena emanen dutela ziur dago.

Lehen itzulian, iraila erdialdean, Real Unionek bisitatu zuen Eldense eta 2-0 galdu bazuten ere, “akats gutxi eta partidu handia” egin zuela azpimarratu du prestatzaileak. “Zenbait gauza identifikatu ditugu, baina Eldensek bilakaera garrantzitsu bat eduki du azken hilabeteotan eta ez du orduan zuen erritmo bera”, jakinarazi du Movillak.

Aurkaria aztertuta, “atea, defentsa eta erasoa oso landuta dituen” taldea dela onartu du. Ohiko hamaikako begiratuta, “zazpi edo zortzi jokalari maila profesionaletan aritutakoak dira, Lehen eta Bigarren Mailako taldeetan”. Jokalari oso onak dituela adierazi du Movillak eta teknikariak ere goraipatu ditu: “Jokalari ezinhobeak ditu eta teknikariak ere oso baliotsuak dira. Fernando ezagutzen dut eta oso entrenatzaile argia da. Bere jokalariei presioa kentzeko gai da eta hauek animalien moduan lehiatzen dira. Hori da talde honen bertuteetako bat”.

Zalantzarik gabe, Eldensek buru-belarri jokatu du bihar, eta datozen partiduetan, Bigarren Mailara igotzeko borrokan leku bat edukitzeko. David Movillak ere oso argi du helburu hori lortuko duela eta datorren denboraldian bertan ikusiko ditugula bihar Stadium Galen arituko diren jokalariak. Bitartean, Real Unionek bere mailarik onena erakutsi beharko du bihar etxean, liderrak sor dezakeen kaltea ahalik eta gutxiena izan dadin.

Partiduaren aitzinetik animazioa

Biharko neurketa girotzeko asmoz, Real Union Klubak zenbait jarduera prestatu ditu zale gazteenentzat. 16:00etatik aitzinera, Ficobako lehen eta bigarren aretoetan, FIFA 23 Play Station txapelketa, kromo trukaketa eta joko ezberdinak (futbolina, billarra, hockey air, etab.) izanen dituzte haurrek elkarren artean aritzeko. Txispum! eta Marrubiren laguntzarekin antolatuko dituzte jarduerak eta bertan parte hartu nahi duenak izena eman beharko du esteka baten bitartez (https://forms.office.com/pages/responsepage.aspx?id=v5Ov0sVr4E6yxbB9vA9gqm8wgIPA3_FAotXMKzS2Y99UNUdYT01SU1FXUUg5OEZEMlJVTURMTEZSVS4u). 17:00etatik aitzinera berriz, DJ batek Stadium Galeko inguruak girotuko ditu musikarekin. 

REALE ARENAN JOKATUKO DA SANSE ETA REAL UNIONEN ARTEKO NEURKETA
Futbola

REALE ARENAN JOKATUKO DA SANSE ETA REAL UNIONEN ARTEKO NEURKETA

Datorren otsailaren 11n jokatuko da derbia eta, Zubietan beharrean, donostiarren lehen taldearen zelaian ospatuko da

DAVID MOVILLA: `AZKEN PARTIDUETAN BAINO BERTSIO HOBEA ERAKUTSI BEHAR DUGU´
Futbola

DAVID MOVILLA: `AZKEN PARTIDUETAN BAINO BERTSIO HOBEA ERAKUTSI BEHAR DUGU´

Real Unionek Intercity jasoko du bihar Galen, azken bi jardunaldietan porrotak jaso ondotik

Real Unionek...

MIKEL BENGOA: `BARNE LEHIA HOBETU NAHI IZAN DUGU´
Futbola

MIKEL BENGOA: `BARNE LEHIA HOBETU NAHI IZAN DUGU´

Neguko merkatuan Real Unionek Mario Capelete utzi, Antxon Jasoren kontratua eten eta Unai Agirre, Jose Carrillo eta Julen Agirre gehitu ditu taldera

ANTXON JASO EZ DA GEHIAGO REAL UNIONGO JOKALARIA IZANEN
Futbola

ANTXON JASO EZ DA GEHIAGO REAL UNIONGO JOKALARIA IZANEN

Jokalari nafarrak ekainean bukatuko zuen bere kontratua, baina aldez aurretik joanen da Irunetik

Antxon Jaso ez...

JOSE CARRILLO REAL UNIONGO JOKALARI BERRIA
Futbola

JOSE CARRILLO REAL UNIONGO JOKALARI BERRIA

Atzelaria 2022/23ko denboraldi honen bukaerara arte arituko da Irunen

Real Union Klubak jakitera eman duenez,...

GARAIPENAK BATZEN JARRAITZEN DU REAL UNION ROCAK
Futbola

GARAIPENAK BATZEN JARRAITZEN DU REAL UNION ROCAK

Carlos Garciaren mutilek Usurbil FT garaitu zuten Galeko anexoan

Real Union Roca: Iza; Arteaga, Gordo,...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika