“EGUNERO DENA EMAN DUT, ENTRENAMENDU ZEIN PARTIDUETAN; HORREGATIK, LASAI UZTEN DUT REAL UNION”
Futbola

“EGUNERO DENA EMAN DUT, ENTRENAMENDU ZEIN PARTIDUETAN; HORREGATIK, LASAI UZTEN DUT REAL UNION”

Lagun Onaketik irten, Sestao Riverretik igaro eta 2013-2014 denboraldian iritsi zen Stadium Galera Mikel Azkoiti. Ordutik, Real Unionen kamiseta zuria defendatzen aritu da, 8 urte luzez. Azken urteetan, kapitainaren besokoa eta guzti eraman du. Jarreraz eta bihotzez, futbol talde baten besokoa eramateko sena du Azkoitik eta, zoriak edota patuak, Real Unionena eramatera bultzatu zioten. Zorigaitzeko uneak bizi izan ditu Irunen: mailaz jeisteko zorian egon diren urteak eta epe luzeko lesio bat. Horiei guztiei, kementsu, aurre egin eta aurten “etxeko taldetzat” duen taldearekin 1.Federazio mailarako igoera eskuratu zuen. 188 neurketen ostean, Mikel Azkoiti ez du Real Unionen jarraituko. Klubak agur instituzionala prestatuta dio.

Nola jaso zenuen klubak zure kontratua berritzeko asmorik ez zuenaren berria?

Pena askorekin jaso nuen, urte asko dira Real Unionen jokatu ditudanak. Irun nire etxe bihurtu da eta penaz jaso dut, baina naturaltasunez ere bai. Lehenago edo beranduago, badakizu noizbait momentua iritsi behar duela eta aurten izan da.

Espero al zenuen?

Ez berritzeko aukerak nituela buruan nuen, baina jarraitzeko esperantzak nituen. Ez nau sorpresaz harrapatu, horrek ez du pena alboratzen.

8 urtek luzerako ematen dute. Zein bizipenekin geratzen zara? 

Dudarik gabe, zortzi urte hauetan ezagutu ditudan pertsona guztiekin. Urtero 20 pertsona berrirekin igarotzen duzu urtea, aldegelan, zelaian, bidaietan…Jende asko ezagutu dut urte hauetan eta esango nuke futbolak eman didan esperientzia onena hori dela. Hori eta pertsona bezala hazteko aukera.

Urte zailak igaro dituzu Real Unionen, maila galtzetik gertu eta lesio larri bat:

Egia esan, jokatu ditudan 8 urteetan gehiago izan dira urte zailak. Hori izan da Real Unionen azken urteetako errelaitatea. Nik asko baloratzen dut urte zail horietan klubari eutsi izana. Zalegoak beti gehiago nahi du, sailkapeneko goi-postuetan ikusi nahi dugu gure taldea, baina errealitatea hori izan da, borroka asko egin behar izan dugu 2.B mailari eusteko. Hori lortzea balioan jarri behar dela uste dut. Aurten lortu dugun igoera eskuratzeko, aurretik lan eskerga egin behar izan genuen maila ez galtzeko.

Urte zailen ostean, igoera batekin taldea uzteak lasaitzen zaitu?

Igoera baino gehiago, lasai uzten nauena da urte hauetan egunero egin dudan lana da. Nire izateko eta futbola ulertzeko era horrelakoa da, egunero dena ematea, entrenamendu zein partiduetan. Hori zen egunero 8 urte hauetan taldekide izan ditudanei eskatzen niena, elkarrekin egon eta zelaian dena uztea. Horregatik, lasai uzten dut Real Union.

Real Unionen azken plantilak jokalari beterano eta gazteak uzatrtu ditu. Generazio aldaketa eman da, uste duzu zuk utzitako aztarna aintzat hartuko dela? 

Nahiz eta urte nahiko arraroa izan den, ezin izan dugu aldageletatik kanpo taldekideekin nahi izan beste egoteko aukerarik izan, nik uste dut lortu dugula aldagela ona sortzea. Egunerokotasunean esperientzia ugari elkarbanatu ditugu eta nik uste beteranoen eta berrien arteko ekilibrioa ondo mantendu dugula. Ni, pertsonalki, aldagelarekin oso gustora izan naiz aurten.

Klubak iragarri du datorren sasoiaren hasieran Real Unionen igaro dituzun 8 urteak omenduko dituela:

Hainbeste urtek errekonozimendua behar duela pentsatzen dut. Ibilbide luzea egin dugunok klubatik horrela atera behar gara, probintzia mailan Real Unionekiko lotura sendotzeko garrantzitsua da. Klubatik ateratzen den jendea ondo atera behar da, pozik jasoko dut egingo didaten omenaldia. 

Nola aurreikusten duzu etorkizuna?

Ez dakit, orain oporretan nago. Agian horri bueltak emateko garai ona da. Azken urteetan ez dut zer egin nahi nuen zalantzarik izan, baina Irungo atea itxi zaidanez, ikusiko dut zein aukera ditudan. Urte asko dira futbolean eta familiarekin hitz egin beharreko erabakiak dira. Ikusiko dugu benetan zerbait interesgarria dagoen edota etapa berri bati hasiera emateko.

Jabe berriekin beste aro bat hasiko du Real Unionek. Zer iruditzen zaizu Emerytarren proiektu berria?

Hasteko, ateratzera doan zuzendaritzak hobetsi egin badu, konfiantza asko ematen dit. Aurretik proposamen asko izan dituzte, baina bazekiten kluba ez zutela edonorren eskutan utzi nahi. Argi zuten kluba nola utzi nahi zuten eta une hori iritsi ez den arte, ez dute pausua eman. Horregatik, ziur naiz ondo bideratutako negoziazioa izan dela. Gainera, Emery eta haren inguruak konfiantza asko ematen du. Ez dut uste gauzak gaizki egitera sartuko direnik, sartzen badira klubari bultzada berria emateko da eta ziur laguntza ona izango dela. Eman litekeen hazkundean, Real Unionek hazteko aukerak baitu, bide horretan jarraitzeko baliagarria izango den pausua dela uste dut. 

ASTELEHENEAN ITZULIKO DA REAL UNION LANERA
Futbola

ASTELEHENEAN ITZULIKO DA REAL UNION LANERA

Alaves B, Santanderreko Racing, Mutilvera, Erreala C, Bilbao Athletic, Ebro eta Izarra izango dira denboraldi-aurreko aurkariak.

Astlehenean bertan ekingo...

REAL UNIONEK ALCORCONETIK JASOKO DU JOKALARI BERRIA
Futbola

REAL UNIONEK ALCORCONETIK JASOKO DU JOKALARI BERRIA

Real Unioneko ezker defentsa zentrala Madrilgo Alcorcon taldetik utzita iritsiko da. Aurtengo denboraldian Alcorconeko harrobiko taldean aritutako jokalari horrek 23 urtez azpiko kupoa beteko...

THIORREK, RIVERAK, VIGUERAK ETA LUCBERTEK EZ DUTE REAL UNIONEKIN 1 FEDERAZIO MAILAN JOKATUKO
Futbola

THIORREK, RIVERAK, VIGUERAK ETA LUCBERTEK EZ DUTE REAL UNIONEKIN 1 FEDERAZIO MAILAN JOKATUKO

Nahiz eta batzuek berritzeko aukera mahai gainean izan, lau jokalariek ez dira Aitor Zulaikaren esanetara izango denboraldi-aurrean.

Real Unionek...

JAGOBA BEOBIDEK BERRITU DU REAL UNIONEKIN
Futbola

JAGOBA BEOBIDEK BERRITU DU REAL UNIONEKIN

Jokalari azpeitiarrak Calahorrak eskaini dion bi urteko eskaitzari uko egin eta urte baterako sinatu du talde irundarrarekin, bigarren urte bat berritzeko...

MIKEL JAUREGI REAL UNIONEKO KIROL ZUZENDARITZAREN KIDE BERRIA IZANGO DA
Futbola

MIKEL JAUREGI REAL UNIONEKO KIROL ZUZENDARITZAREN KIDE BERRIA IZANGO DA

Unai Emeryren lehen entranatzailea izan zen Hondarribia Futbol Elkartean, Valentzian eta Moskuko Spartaken haren laguntzailea izan zen eta aurki Real Unioneko proiektu berriaren pieza...

ALBERT VIVANCOS, FITXAKETA BERRIA ERDIGUNERAKO
Futbola

ALBERT VIVANCOS, FITXAKETA BERRIA ERDIGUNERAKO

27 urteko jokalari kataluniarrak 2 denboralditarako sinatu du Real Unionekin.

Real Unionek eta Albert Vivancosek akordio batera iritsi dira erdilari...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika