EKI FANLO ERRUGBI 7KO MUNDUKO TXAPELKETA EPAITZEKO HAUTATUA
Errugbia

EKI FANLO ERRUGBI 7KO MUNDUKO TXAPELKETA EPAITZEKO HAUTATUA

Aurreko ostiralean, ekainak 10, jaso zuen gonbita Cape Townen (Hegoafrika) ospatuko den errugbi 7ko Munduko Txapelketan epaile moduan lan egiteko

Eki Fanlo, errugbiko epaile irundarra, datorren irailaren 9tik 11ra Cape Townen (Hegoafrika) ospatuko den errugbi 7ko Munduko Txapelketa epaituko du. Aurreko ostiralean, ekainak 10, jaso zuen bere hautaketaren berri eta oraindik “sinistu ezinik” dabilela aipatu du.

“Urte hasieran galdetuko balidate, ez nuke inondik inora pentsatuko hau gertatuko zenik”. Hau da Eki Fanlo irundarrak egiten duen balorazioa, errugbi 7ko Munduko Txapelketa epaitzeko hautatua izan dela jakin eta gero. Ekainaren 10ean eman zuen honen berri World Rugby-ko epaile buruzagitzak, Fanlok irailaren 9tik 11ra Cape Townera bidaiatu beharko duela Munduko Txapelketa epaitzeko hain zuzen ere. Pozik badago ere zaila egin zaio irundarrari albistea barneratzea: “Oso pozik nago, oraindik sinistu ezinik. Hala ere, gauzak nola gertatu diren barneratzeko zailtasunak izan ditut. Aurreko urtean, data hauetan, oraindik ez nuen Europako Txapelketan debutatu eta Malagan hasi zen bidaia hau oso azkar joan da, egia esan”.

Bere hautagaitzan Kanadan eta Touloussen ospatutako txapelketan lortutako emaitza onak kontuan hartu direla uste du Fanlok: “Kanadara bidaiatu nuenean oso lan txukuna bete nuen eta bertako txapelketako finala epaitzeko izendatu ninduten, Australia eta Zelanda Berriaren artekoa. Uste dut bertan egindako lanak eta Toulousseko txapelketako azkeneko saioan egindako lan txukunak ere pisua izan duela nire izendapenaren hautaketa prozesuan”.

Munduko Txapelketan parte hartzea, Joku Olinpikoetan parte hartzearekin batera, “albiste bikaina da errugbi epaile batentzat. Azkenean, epaitu daitekeen gauzarik hobenetarikoa da. Gainera, Hegoafrikan ospatzea beti da ilusionagarria”, adierazi du Fanlok. Horregatik beragatik, “disfrutatzeko gogoz nago eta ilusio handia dut joateko. Lan txukuna egin eta etxera pozik itzultzeko gogoz joango naiz”, gaineratu du irundarrak. 


TXINGORDIK IRABAZI DU FAT RUGBY TXAPELKETA
Errugbia

TXINGORDIK IRABAZI DU FAT RUGBY TXAPELKETA

Monzonen jokatu zen txapelketa, Quebratahuesos RC taldeak antolatuta, eta Txingudi Rugby Klubeko taldeak irabazi zuen

ZAISA TXINGUDIK KLUBEKO EGUNA OSPATZEN AMAITU DU DENBORALDIA
Errugbia

ZAISA TXINGUDIK KLUBEKO EGUNA OSPATZEN AMAITU DU DENBORALDIA

Talde bidasotarrak lesioek baldintzatutako denboraldi honi agur esan zion larunbatean eta dagoeneko hurrengoari begira jarri da

ROUTE 33 TXINGUDI RUGBY KLUBAREN BABESLE BERRIA
Errugbia

ROUTE 33 TXINGUDI RUGBY KLUBAREN BABESLE BERRIA

Txingudi Rugby Klubak, prentsa ohar baten bidez jakitera eman duenez, Route 33-rekin babes-akordio bat sinatu berri du. Honen ondorioz, Hondarribiako enpresa errugbi taldeen babesle berria izango...

EUSKAL LIGAKO FINALA JOKATUKO DU ITSASMENDIK LEKAROZEN
Errugbia

EUSKAL LIGAKO FINALA JOKATUKO DU ITSASMENDIK LEKAROZEN

Plaiaundin ere Touch errugbiko Espainiako eta Frantziako selekzioak arituko dira aurrez aurre

Larunbat honetan, 18...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika