ELORRIO MENDERAEZIN
Errugbia

ELORRIO MENDERAEZIN

Euskadiko Senior Ligako bigarren jardunaldian “gehiegizko belarrondokoa” jaso zuen Plaiaundin Txingudi Errugbi Klubak, Elorriok 14-81 garaitu zuen.

Azken bi urtetan bi taldeek lehia estua izan dute, baina denetataik talde bizkaitarra irten da garaile. Lehia estua gogoa eta indarrari dagokionez, emaitzak erreparatuta, Elorriok irabazi ditu azken denboraldietako norgehiagoka guztiak, aise gainera. Erronka zaila zuen talde bidasotarrak, min hartutako jokalariak berreskuratzen ari den bitartean, aurten ere talde handia duen Elorrio jaso zuen asteburuan. Besteak beste, aurreko urteko ligako garailea izan zen Sarako Izarra mendean hartzeko kapaza izan zen sasoi berriko lehen jardunaldia.

Jokatzeko kide justuak zituen etxeko taldeak, baina egoerak okerrera ere egin dezake. Hastapeneko mintuetan, hasierako hamaikakoan ezinbesteko jokalaria den Unai Herrerok taldekide batekin talka egin zuen eta buruan zauria zuelarik zelaitik atera behar izan zuen Iñigo Camamarero teknikariak. Hirugarren minutuan, lerro oso batean aldaketarik gabe geratzea eragin zuen, fisikoki eta taktikoki asko mugatuz. Ondo baino hobeto baliatu zuen Elorriok aldaketa goiztiarrak Txingudi Errugbi Klubean eragin zuen ezegonkortasunak eta ordu laurdena bete aurretik hiru entsegu eta bi transformazio gauzatu zituzten. 19 puntuko aldea eskuratu zuen talde bizkaitarrak.

Hiru entseguen ondoren heldu zen talde bidasotarraren erreakzioa. Roman Solisek eguneko lehen entsegua erdietsi zuen eta Alejandro Lasak eraldatu zuen (7-19). Jokoa hobetu zuen etxeko taldeak, baina ohikoak bilakatzen ari diren akatsek Elorriok beste lau entsegu eta bi transformazio gauzatzera ahalbidetu zuten. 7-41 emaitzarekin hartu zuten bi taldeek aldageletarako bidea.

Bigarren zatian egoskor irten zen zelaira Txingudi Errugbi Kluba, melean indar gehiago sartu zuten eta norgehiagoka agintzera igaro ziren; aldiz, Elorriok asmatu zuen aurkariaren marka-eremua pasatzen. 45 eta 57.minutuetan birritan asmatu zuten (7-53), 65.minutuan ‘Pachi’ Garciak erantzuna eman zien (14-56), baina azken minutuetan guztiz amore eman ostean, Elorriok beste 28 puntu lortu eta neurketa era biribilean bereganatu zuen (14-81).

Sailkapenean, denboraldiko lehen bi neurketetetan garaipena erdietsi gabe, baina puntu batzuk eskuraturik, azken-aurreko postuan kokatuta da Txingudi Errugbi Kluba, Bera Bera B-ren aurretik. Datorren astean, Sarako Izarraren aurka 16-6 galtzetik datorren Arrasateren aurka jokatuko dute Iñigo Camareroren jokalariek, beste neurketa zaila, baina irabazi beharrekoa.

LA UNICA TALDEA TXINGUDIRI NAGUSITU ZITZAION PLAIAUNDIN
Errugbia

LA UNICA TALDEA TXINGUDIRI NAGUSITU ZITZAION PLAIAUNDIN

Larunbatean jokatutako partidua 3-98ko markagailuarekin amaitu zen 

Larunbat arratsaldean, urez eta lokatzez...

ZAISA TXINGUDIK PORROTA JASO ZUEN SARAKO IZARREN AURKA
Errugbia

ZAISA TXINGUDIK PORROTA JASO ZUEN SARAKO IZARREN AURKA

Larunbatean, arratsaldeko 15:30ean, Sarako zelaian jokatutako partidua 57-20ko markagailuarekin amaitu zen

Zaisa...

ZAISA TXINGUDIK BERA BERA B-REN AURKA GALDU ZUEN
Errugbia

ZAISA TXINGUDIK BERA BERA B-REN AURKA GALDU ZUEN

Lehia bizian jokatutako partidua 3-8ko markagailuarekin amaitu zen

Larunbat arratsaldean Zaisa Txingudi taldeak hitzordua izan zuen Plaiaundin Bera...

ELORRIO MENDERAEZIN
Errugbia

ELORRIO MENDERAEZIN

Euskadiko Senior Ligako bigarren jardunaldian “gehiegizko belarrondokoa” jaso zuen Plaiaundin Txingudi Errugbi Klubak, Elorriok 14-81 garaitu...

HASTEKO, JIPOIA
Errugbia

HASTEKO, JIPOIA

Atletico San Sebastianen aurka Donostian Euskadi Senior Ligako irekiera neurketa jokatu eta galdu zuen Txingudi Errugbi Klubak (48-11).

Denboraldi berriko...

BURUA ALTXA EZIN
Errugbia

BURUA ALTXA EZIN

Hendaiako Estadioak denboraldiko hirugarren porrota jasan zuen asteburuan Soustonsen aurka (38-26), bigarrena jarraian. 

Hendaiako Estadioak...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika