GIPUZKOAKO DERBIAN LEHIATZEN JAKIN DU REAL UNIONEK
Futbola

GIPUZKOAKO DERBIAN LEHIATZEN JAKIN DU REAL UNIONEK

Garaipen honekin talde irundarra 29 punturekin kokatzen da sailkapenean eta igoera fasea jokatzeko aurrerapausu itzela eman du.

Amaieran sufritzen, baina Real Unionek garaipen handia lortu du Stadium Galen Xabi Alonsoren Sanseren aurka. Sailkapeneko bigarrena eta hirugarrena lehiatzen ziren neurketan, talde irundarraren ofizioak Sanseren bizkortasuna baino gehiago balio izan du. Gipuzkoako derbia eta hiru puntuak etxean geratu dira. 3-1eko emaitzarekin, Real Union sailkapeneko bigarren postuan indartzen da.

Lehen zati borrokatua izan da. Baloiarekin jokatzea gustatzen zaien bi talde aritu dira nor baino nor gehaigo eta lehen minutuetan, baloia zeinek bereganatuko zuen borrokan aritu dira. Real Unionek, maisuki, neurketaren irakurketa hobeago egin du eta baloia Errealari utzi dio. Presioaren bidez baloiak berreskuratzen eta Errealaren arean murgiltzen hasi da. Partiduko lehen hurbilketa talde irundarrarentzat izan da. Fran Rivera gutxigatik ez da iritsi sakonean bidali dioten baloira, Ruiz-Zeberio atezaina Barbatekoa baino azkarrago ibili da. Neurketa parez pare zegoenean, Madrazori penaltia egin diote eta Jorge Galanek ez du hutsik egin. 19.minutuan Real Union aurretik jarri da markagailuan. Sanse ez da une bakar batean ere berdegunean eroso sentitu, bi abagune soilik izan ditu lehen 45 minutuetan zehar. Lehen aukera, Robert Navarrok izan du; Txustaren aurrean jaso du baloia, baina airean egindako baselina langaz gora joan da. Bigarrenean, Garrido izan da protagonista; Txusta ustekabean harrapatzekotan izan da, 30 metroko jaurtiketa ozta-ozta geratu du usurbildarrak.

1-0ekoarekin hasi da bigarren zatia, Xabi Alonsoren taldea erreakzionatzeko beharretan. Neurketaren norabidea aldatuko zuen zerbaiten bila, Julen Lobete eta Unai Veiga zelairatu ditu, baina gutxirako balio izan du. Ez da Sanseren egunik onena izan. Hala ere, 48.minutuan Txustak erantzun bikaina eman dio Lobete aurrelariak egindako jaurtiketa arriskutsuari. Saiakerak egin ditu Sansek aurrera egiteko eta zenbait minututan lortu du Real Union bere area barruan sartzea, baina irundarren atzeko lau jokalariak (Mikel Azkoiti, Ekhi Senar, Ivan Perez eta Gorka Kijera) oso sendo aritu dira. Aitor Zulaikak Zourdine Thior eta Quique Rivero zelairatu ditu 61.minutuan eta bien arteko lanetik eguneko bigarren gola iritsi da. Riverok sakonean eman dio baloia Zourdini eta honek bikain gurutzatu du baloia 2-0 egiteko. Edonola ere, 74.minutuan aldea murriztu du Sansek. Arriskurik gabeko jokaladi batean, eskuin hegaleko erdiraketa ez du ondo defendatu Real Unionek eta Olasgastik baloia sarera bidali du. Golaren ostean sufritzea tokatu zaio talde irundarrari, baina neurketa bukatzear zenean, Viguerak zelai erditik, 3-1ekoa egin du. A zer nolako gola egin duen aurrelariak, ikustekoa. 3-1 eta hiru puntuak Stadium Galen geratu dira.

 

EKHI BRAVO BERRESKURATU DU REAL UNIONEK
Futbola

EKHI BRAVO BERRESKURATU DU REAL UNIONEK

Denboraldi hasieratik min hartuta egon den Ekhi Bravo lanera bueltatu da gaurko egunean. 

Gaur goiezean Real Unionek Orion egin duen entrenamenduan...

ZARAUTZEN EZINEAN
Futbola

ZARAUTZEN EZINEAN

Garaipenarekin hasi zuen Real Unionen harrobiko taldeak denboraldia, baina azken bi neurketetan berdinketa eta porrota erdietsi du.

Lehen jardunaldian...

“AMOREBIETAK TAKTIKOKI GAUZA EZBERDINAK EGITERA BEHARTZEN ZAITU”
Futbola

“AMOREBIETAK TAKTIKOKI GAUZA EZBERDINAK EGITERA BEHARTZEN ZAITU”

Aurreko asteko neurketarekin aldertatuta, desberdina bezain  garrantzitsua izango da Amorebietaren aurkako lehia.

Neurketaz neurketa eta jardunaldiz...

UGALDE ESTREINATZEKO BERDINKETA
Futbola

UGALDE ESTREINATZEKO BERDINKETA

Real Union B-k ezin izan zituen hiru puntuak batu Euskaldunaren aurka, neurketa 1-1eko berdinketarekin bukatu zen.

Urrian jokatu zen lehen jardunaldiaren...

GIPUZKOAKO DERBIAN LEHIATZEN JAKIN DU REAL UNIONEK
Futbola

GIPUZKOAKO DERBIAN LEHIATZEN JAKIN DU REAL UNIONEK

Garaipen honekin talde irundarra 29 punturekin kokatzen da sailkapenean eta igoera fasea jokatzeko aurrerapausu itzela eman du.

Amaieran sufritzen, baina...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika