HEMERETZI DOMINA ESKURATU ZITUEN SANTIAGOTARRAK TALDEAK EUSKADIKO TXAPELKETAN

Santiagotarrak-Urbycolan-ek taldekako sailkapena ere bereganatu zuen

Euskadiko 5000 metroko Euskadiko Txapelketa ospatu zen pasa den igandean, Martxoaren 5ean, Irunen. Santiagotarrak-Urbycolan taldeak lan bikaina egin zuen eta horren ondorioz, hemeretzi domina eskuratu zituen guztira: urrezko bortz, zilarrezko lau eta brontzezko bertze bortz. Gainera, taldekako sailkapenean ere irabazi egin zuen.

23 urtez azpiko emakumeetan Eider Amundarainek lortu zuen hirugarren postua. Jubeniletan berriz, Ane Amostegik zilarrezko domina eskuratu zuen eta kadeteetan azkenik, Eneritz Aizpioleak urrea irabazi zuen eta Nora Aranak, brontzea.

Beteranoen mailan, 50 urtez goitiko kategorian, Asier Ursua eta Ramon Gorrotxategi bigarren eta hirugarren postuan sailkatu ziren, hurrenez hurren. 23 urtez azpiko mailan berriz, Ekaitz Aizpioleak lehen postua irabazi zuen, Aimar Amundarainek bigarrena eta Mikel Larrarte hirugarren postuan sailkatu zen.

Senior mailan, Beñat Arsuaga izan zen txapeldun eta jubeniletan ere emaitza bikainak lortu zituzten: Markel Juaristik urrea eskuratu zuen, Alex Aranak zilarra eta Aimar Platerok brontzea. Kadete paracanoe kategorian, Asier Bulmanek irabazi zuen eta Odei Gelbenzu kanoistak ere bere kategoriko lehen postuan sailkatu zen.

Honen ondotik, datorren larunbatean, martxoaren 11n, Santiagotarrak-Urbycolan taldeko piraguistak Zumaian izanen dira, Gipuzkoako Txapelketa jokatzen. Hurrengoan berriz, martxoaren 18an, Sevillara joanen dira Espainiako neguko txapelketan lehiatzera.

Eskolako piraguistek ere igandean, martxoaren 12an, izanen dute hurrengo hitzordua. Hauek Joku eskolarretan parte hartuko dute Pasaian.

Asteburuko hitzorduak

Piraguistez gain, aulki mugikorreko arraunlariak Leguatianon izanen dira datorren martxoaren 12an, igandean, Euskadiko Federazioak antolatutako estropadan. 9:00etan hasiko da lehiaketa eta Santiagotarrak taldearekin batera, Hondarribia, San Juan, Arraun Lagunak, Ur Kirolak, Orio, Santurtzi, Raspas, Getxo eta Kaikuk parte hartuko dute. Guztira, 400 bat kirolari espero dira, 150 ontzitan banatuta. Santiagotarrak taldeak 66 arraunlari ureratuko ditu, 35 ontzitan.

Azkenik, ur biziak ataleko kirolariak La Seu D´Urgellen ospatuko den Espainiako Kopan hartuko dute parte. Larunbatean eta igandean izanen dute hitzordua eta guztira, Santiagotarrak taldeko 15 kirolari lehiatuko dira. 

SANTIAGOTARRAK-URBYCOLAN TALDEA GIPUZKOAKO TXAPELDUN

Guztira hamahiru domina eskuratu zituzten taldeko piraguistek Zumaian

Santiagotarrak-Urbycolan taldeak 5.000 metroko Gipuzkoako Txapelketa irabazi zuen...

HEMERETZI DOMINA ESKURATU ZITUEN SANTIAGOTARRAK TALDEAK EUSKADIKO TXAPELKETAN

Santiagotarrak-Urbycolan-ek taldekako sailkapena ere bereganatu zuen

Euskadiko 5000 metroko Euskadiko Txapelketa ospatu zen pasa den igandean, Martxoaren...

SANTIAGOTARRAK KE ZAISAK ZORTZI DOMINA ESKURATU ZITUEN LEHEN ESPAINIAKO KOPAN

Igandean, Oier Diazek, Izar Garciarenak eta Javi Arruabarrenak eskuratu zituzten urrezko dominak

Ur Bizietako denboraldiko honetako lehen Espainiako Kopa...

SANTIAGOTARRAK-EK HAMAZAZPI DOMINA ESKURATU ZITUEN SLALOMEKO BIGARREN EUSKADIKO KOPAN

Kayak Krossean ere zortzi domina irabazi zituzten Irungo taldekoek

Santiagotarrak taldeko Slalomeko eta Kayak...

SANTIAGOTARRAK TALDEA BIGARREN POSTUAN EUSKADIKO TXAPELKETAN

Eslaloneko Euskadiko Txapelketa ospatu zen Pauen eta Santiagotarrak-ek 22 domina eskuratu zituen bertan

Eslalon...

SANTIAGOTARRAK LEHENENGO POSTUAN ESLALON OLINPIKOKO GIPUZKOAKO TXAPELKETAN

Ur bizietako piraguistek 24 domina irabazi zituzten guztira, urrezko eta zilarrezko zazpina eta brontzezko hamar

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika