IGOERA POSTUETAN KOKATZEKO GARAIPEN SUFRITUA
Futbola

IGOERA POSTUETAN KOKATZEKO GARAIPEN SUFRITUA

Azken 9 puntuetatik 7 lortu ditu Real Unionek. Gaur Ibaiako futbol zelaian, asko sufrituta 0-1 garaitu du Aitor Zulaikaren taldeak.

Aitor Zulaikaren taldeak sekulako aurrerapausua eman du gaur Ibaian. 0-1 garaitu du Alaves B eta 20 puntu eskuratuta sailkapeneko hirugarren postuan jarria da talde txuri-beltza. Honek esan nahi du, gaur egun talde irundarra igoera fasean kokatzen dela, klubak duela asko lortzen ez zuen sailkapena. Gainera, bigarren itzuli honetan aukera paregabea du; izan ere, gelditzen diren 9 jardunaldietatik 6 Stadium Galen jokatuko ditu. Hurrengoa, Leioaren aurka jokatuko du Real Unionek.

Gaurko neurketari dagokionez, Real Unioneko ondo baliatu ditu izan dituen erasoko abaguneak. Bi taldeek indartsu ekin diote neurketari, baina hastapenetan, Real Unionek eskuratu du baloiaren jabetza. Aitor Zulaikari gustatzen zaion jokoa egiten hasi du taldeak eta 20.minutuan, Jon Madrazok eguneko gol bakarra erdeitsi du. Bizkaitarrak denboraldiko bigarren gola erdietsi du, bi neurketa jarraian daramatza arerioaren atearen sarea urratzen. 1-0ekoarekin eta abagune gehiegirik gabe, neurketa atsedenaldira joan da.

Aldageletatik bueltan, Iñaki Alonsok zuzentzen duen taldearen jokalariek hartu dute norgehiagokaren agintea. Babazorroen harrobiko taldeak abagune andanak izan ditu neurketa berdintzeko, baina Real Unionen defentsa eta, batez ere, Jon Irazustabarrena atezaina bikain aritu dira. Alaves B-ren aukera garbiena 52.minutuan iritsi da, Alan Godoyk jaurtiketa arriskutsua gauzatu du, baina zutoinera joan da baloia. Abagune honen ostean, Godoy berak, Lupuk eta Guaguak beste hiru aukera izan dute neurketa berdintzeko, baina hirurek erantzun berdina izan dute, ‘Txusta’-ren geldiketa.

Alaves B-k izan du baloiaren jabetza eta baita aukerak ere, baina Real Union talde handien gisa berdinketa mantentzea lortu du. Minutuak aurrera egin ahala, jokoa geldotu dute, baloi gehiago bereganatu dute. Hala ere, azken minutuan dena aldatu zezakeen abagunea izan du Alaves B-k. Beste behin, Alan Godoyk 1-1ekoa egiteko saiakera egin du, baina bere jaurtiketa ‘Txusta’-k sekulako geldiketarekin gola sahiestu du. 

EKHI BRAVO BERRESKURATU DU REAL UNIONEK
Futbola

EKHI BRAVO BERRESKURATU DU REAL UNIONEK

Denboraldi hasieratik min hartuta egon den Ekhi Bravo lanera bueltatu da gaurko egunean. 

Gaur goiezean Real Unionek Orion egin duen entrenamenduan...

ZARAUTZEN EZINEAN
Futbola

ZARAUTZEN EZINEAN

Garaipenarekin hasi zuen Real Unionen harrobiko taldeak denboraldia, baina azken bi neurketetan berdinketa eta porrota erdietsi du.

Lehen jardunaldian...

“AMOREBIETAK TAKTIKOKI GAUZA EZBERDINAK EGITERA BEHARTZEN ZAITU”
Futbola

“AMOREBIETAK TAKTIKOKI GAUZA EZBERDINAK EGITERA BEHARTZEN ZAITU”

Aurreko asteko neurketarekin aldertatuta, desberdina bezain  garrantzitsua izango da Amorebietaren aurkako lehia.

Neurketaz neurketa eta jardunaldiz...

UGALDE ESTREINATZEKO BERDINKETA
Futbola

UGALDE ESTREINATZEKO BERDINKETA

Real Union B-k ezin izan zituen hiru puntuak batu Euskaldunaren aurka, neurketa 1-1eko berdinketarekin bukatu zen.

Urrian jokatu zen lehen jardunaldiaren...

GIPUZKOAKO DERBIAN LEHIATZEN JAKIN DU REAL UNIONEK
Futbola

GIPUZKOAKO DERBIAN LEHIATZEN JAKIN DU REAL UNIONEK

Garaipen honekin talde irundarra 29 punturekin kokatzen da sailkapenean eta igoera fasea jokatzeko aurrerapausu itzela eman du.

Amaieran sufritzen, baina...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika