Igoera zuzena konplikatu zaio Txingudiri
Errugbia

Igoera zuzena konplikatu zaio Txingudiri

Bosna berdindu dute Txingudik eta Bera Bera Bk, erabakigarria izan daitekeen partidan. Apirilaren 14an neurtu dituzte indarrak Euskal Ligako bigarren mailako bi talde hoberenek, Plaiaundin. Orain donostiarrak daude aurretik sailkapenean, ligaxka bukatzeko bi jardunaldi falta direnean. Ezustekorik ez baldin badago, lehen mailara zuzenean igoko dira, eta bidasoarrek play-off bat jokatu beharko dute.

Espero zitekeen bezala, norgehiagoka gogorra izan da Txingudiren eta Bera Bera Bren artekoa, Plaiaundin. Oreka nagusi izan da berdegunean, eta markagailuan ere bai, azkenean. Orain, donostiarrek lau puntuko errenta dute sailkapenean bidasoarrekiko. Hortaz, litekeena da haiek ligaxka irabazi eta igoera zuzena lortzea. Bigarren gelditzen denak beste aukera bat edukiko du, play-off formatuan, jaisteko arriskua duen talde baten kontra. “Joan-itzulian jokatzen da, baina konplikatua izaten da”, baieztatu du Iñigo Camarerok. Halako esperientziak eduki izan ditu Txingudik azken urteetan, eta ez du igoera lortu.

Aurten, dena den, helburua begiz jota du Txingudik. Hala ekin zion 2017-2018 kirol sasoiari. Iazko belaunaldi aldaketa egonkortu da aurten, eta beste urrats bat emateko prest dago taldea. “Joan den urteko gazteenek esperientzia gehiago dute aurten, eta haien progresioa nabaritzen da”, azaldu du Iñigo Camarerok. Horregatik, igotzea “nahitaezkoa” dela uste du. Asko esatea dela pentsa daiteke, baina Camarerok gogorarazi du ligako lehen fasea irabaztea lortu zutela, garaipen sorta handi batekin, eta Bera Bera B aurkaria atzean utzita.

Bigarren fasea gogorragoa izan dela onartu du, Bera Bera B taldeaz gainera, beste multzoko bi talde onenak dituztelako aurkari. Agerian gelditu da, dena den, donostiarrak eta bidasoarrak direla indartsuenak. “Ez dugu uste Bera Bera Bk partida gehiago galduko dituenik”, adierazi du Unai Herrerok. Horregatik, onena eman beharko du Txingudik. Neurketez harago, entrenamenduetan jarri du arreta Camarero beteranoak: “Ondo entrenatu beharra daukagu, kontzentratuta eta serio. Hori egiten dugunean, jokoan nabaritzen da”.

Urteurrenari begira

2019 urtean urrezko ezteiak egingo ditu Txingudi Rugby Taldeak. Ordurako, kategoria guztietan taldeak edukitzeko helburua beteko du. “Neskak Hernanin jokatzen ditugu, baina gainerakoan, maila guztietan dugu presentzia”, argitu du Camarerok: “Rugby eskolan lan ona egiten ari gara, eta kluba asko hazten ari da”. 50 urteak ospatzeko, talde nagusia Euskal Ligako lehen mailan edukitzea garrantzitsua litzateke. Horretan ahaleginduko da Iñaki Lekuonak, Ivan Tizonek eta Hugo Poncinik zuzentzen duten taldea.

TXINGUDI RUGBYKO SENIORRAK LEHIARA BUELTATUKO DIRA LARUNBATEAN
Errugbia

TXINGUDI RUGBYKO SENIORRAK LEHIARA BUELTATUKO DIRA LARUNBATEAN

14 urtez azpiko taldeak ere Zarautz/Beltzak bisitatuko du

Txingudi Rugby Klubeko taldeek ez dute Plaiaundin...

GARAIPENEZ BETETAKO ASTEBURUA PLAIAUNDIN
Errugbia

GARAIPENEZ BETETAKO ASTEBURUA PLAIAUNDIN

Txingudi Rugby Klubeko 14, 16 eta 18 urtez azpiko taldeek garaipen bana erdietsi zuten Plaiaundin larunbatean

HIRU HITZORDU IZANEN DIRA BIHAR PLAIAUNDIN
Errugbia

HIRU HITZORDU IZANEN DIRA BIHAR PLAIAUNDIN

Txingudi Rugby Klubeko seniorrek ez dute neurketarik izanen, baina 18, 16 eta 14 urtez azpikoak etxean arituko dira bihar

TXINGUDI RUGBY KLUBEKO NESKEN TALDEAK DEBUTA EGIN DU ASTEBURUAN
Errugbia

TXINGUDI RUGBY KLUBEKO NESKEN TALDEAK DEBUTA EGIN DU ASTEBURUAN

Lehen aldiz zelairatu da taldea Iruñean, Nafarroako 14 eta 16 urtez azpiko selekzioaren kontra

Asteburu...

GARAIPENIK GABE ITZULI ZIREN TXINGUDI RUGBYKO GAZTEAK ETXERA
Errugbia

GARAIPENIK GABE ITZULI ZIREN TXINGUDI RUGBYKO GAZTEAK ETXERA

18 urtez azpiko taldeak 26-12 galdu zuen Danon Artean-en kontra, 16 urtez azpikoek 36-5 Bera Bera/Baztanen aurrean eta 14 urtez azpikoek 43-39 Gaztedi B-ren...

TXINGUDI RUGBY KLUBEKO TALDEAK PLAIAUNDITIK KANPO ARITUKO DIRA
Errugbia

TXINGUDI RUGBY KLUBEKO TALDEAK PLAIAUNDITIK KANPO ARITUKO DIRA

Senior mailako taldeak eta Touch saileko taldeak izan ezik, bertze talde guztiek neurketa izanen dute asteburu honetan

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika