K2 ETA C2-an SANTIAGOTARRAK NAGUSI PASAIAN

(Argazkia: Valer Carballo)

Larunbatean jokatutako K2 eta C2 modalitateetako Euskadiko Txapelketan Santiagotarrak Elkartea izan zen sailkapeneko talderik onena.

Santiagotarrakeko palistak Pontevederako eta Ulibarri Ganboako uretan bezain ongi moldatu ziren larunbatean Pasaian. K2 eta C2 modalitateetako Euskadiko Txapelketa jokoan jarri zen eta irungo kluba, bost puntuko aldearekin, Euskadiko txapeldun bilakatu zen. 112 puntu batu zituen talde irundarrak eta hauen atzetik, Zumaiako Itxas Gain klubak eta Pasaia Kayakek osatu zuten podiuma. 107 eta 90 puntu batu zituzten, hurrenez hurren.

Orotara, 12 domina eskuratu zituen Santiagotarrak Euskadiko Txapelketan (urrezko 6, zilarrezko 3 eta brontzezko beste hainbeste). Horietatik, esan bezala, sei urrezkoak izan ziren eta maila guztietan irabazi zituzten dominak:

-Aimar Modenes - Oihan Arrondo, kadete gizonezkoak K2.

-Malen Juaristi - Lorea Cabezon, kadete emakumezkoak K2.

-Haizea Aramburu - Jon Cecilia, kadete mixtoa K2.

-Naroa Larrarte - Ainhoa Elortegi, junior emakumezkoak K2.

-Unai Amostegi - Martin Miranda, junior gizonezkoak K2.

-Ivan Bengoetxea - Aitor Zabala, senior gizonezkoak C2. 

Gainera, kadete eta junior mailetan, Santiagotarrak elkarteko palistek, urreaz gain, jokoan zeuden gainontzeko dominak eta podiumeko koskak bereganatu zituzten. Nagusitasun handiarekin aritu ziren asteburuan Pasaiako ur nahasietan.

Pontevedrara berriro.

Euskadiko K2 eta C2 modalitateetako Txapelketaren ondotik, bihar Santiagotarrak elkarteko kideak motxilak eta furgonetak hartu eta Pontevedrara bidean jarriko dira berriro. Asteburu honetan, Espainiako Sprinteko 2.Kopa jokoan jarriko da eta bertan, talde irundarrak zortzi ordezkari izango ditu. Horien artean, urtean zehar Sevillako Errendimendu Altuko Zentroan entrenatzen ari diren Nerea Garciak, Aitor Gorrotxategik eta Eneko Egigunerenek parte hartuko dute.

Junior eta 23 urtez azpiko mailan selektiboa izango da; beraz, txapelketa internazionaletan parte hartzeko plazak banatuko dira. Beste behin, Santiagotarrakek aukera ezin hobea izango du palmaresa handitzen joateko. 

SANTIAGOTARRAK-ZAISARENTZAT IZAN DA ESLALONEKO EUSKADIKO TXAPELKETA

Ur-bizietako kirolariek, orotara, hogei domina erdietsi zituzten: sei urrezkoak, sei zilarrezkoak eta beste zortzi brontzezkoak.

Pasa den larunbaten Pauko...

DENBORALDI MUNDIALA

Eider Amundarain, Unai Amostegik eta Martin Mirandak denboraldia Pistetiko junior mailako Munduko Txapelketan parte hartu zuten, maratoi...

“PROBA BUKATU ORDUKO LEHEN BOST SAILKATUEN ARTEAN NINTZELA BANEKIEN, BAINA EZ NUEN ESPERO PODIUMEAN IGOTZEA”

Extreme modalitatean eta bakarkakoan maisua dela erakutsi du Joan Crespok denboraldi amaiera honetan. Slaloma bezalako modalitate zailean, Pauko Munduko Kopan urrea eskuratu eta Bratislavan...

JOAN CRESPOK ASTEBURUA BRONTZEZKO DOMINAREKIN BOROBILDU DU

Bratislavako Munduko Txapelketan, Santiagotarrak Elkarteko ur-bizietako palistak bi domina eskuratu dituzte.

Patruiletan eta bakarkako lehiaketan domina...

KLARA OLAZABALEK ZILARRA ESKURATU DU PATRUILETAN

Bratislava jokatzen ari diren Munduko Kopako seigarren jardunaldian, taldeka, lehen zilarra eskuratu du Klara Olazabalek.

Modu onenean hasi du...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika