MADDALEN JIMENEZ BERATARRAK IRABAZI DU BERE HERRIKO MENDI MARATOI ERDIA

Gizonetan aldiz, Iñaki Olano nagusitu zen beroak baldintzatu zuen lasterketan

Berako XVIII. Mendi Maratoi Erdia ospatu zen pasa den igande goizean, eguzkia eta beroa nagusitu ziren egunean. 464 korrikalarik lortu zuten helmugaratzea eta horien artean, Maddalen Jimenez beratarra izan zen herriko lasterketa irabazi zuena. Gizonetan aldiz, Iñaki Olanok lortu zuen garaipena.

497 lasterkarik hartu zuten irteera igandean Berako Mendi Maratoi Erdian. Tenperatura altuek baldintzatu zuten ibilbidea eta 464 korrikalarik lortu zuten lasterketa bukatzea. Berezia izan zen aurtengo edizioa, izan ere, lehen aldiz beratar batek lortu zuen lasterketa irabaztea: Maddalen Jimenez Andresek (2.12.17). Emakumeen kategorian, bigarren postuan, Itxaro Zabaleta leitzarra ailegatu zen (2.14.09), eta hirugarren postuan Maud Combarieu (2.16.09).

Gizonetan aldiz, Iñaki Olanok irabazi zuen (1.44.53), Damien San Martin (1.46.33) eta Xabier Maciasen (1.47.20) aitzinetik. San Martin bera izan zen tarteko helmugako 150 euroko saria eraman zuena eta taldeka, Hiru Herri nagusitu zen.

Gazte Trailean, Markel Barriok irabazi zuen proba Oihan Pikabea beratarraren eta Xabier Azconaren aitzinetik, 17 eta 18 urteko kategorian. Ibilbide bereko 14 eta 16 urte bitarteko kategorian, gizonezkoetan Iker Sánchezek eta emakumezkoetan Lide Lizeagak irabazi zuten.

Emaitza guztiak eskuragarri esteka honetan: https://pb-organisation.com/resultats/berako-mendi-maratoi-erdia-2024/

HAMAIKA DOMINA ESKURATU DITUZTE BATEKO ESKOLARTEKOEK GIPUZKOAKO TXAPELKETAN

Plaiaundin jokatu zen alebin eta infantil mailako Gipuzkoako Txapelketa eta etxekoek hamaika domina bildu zituzten guztira

Gipuzkoako alebin eta...

BIDASOA ATLETIKO BETERANOEK HAMAIKA DOMINA ESKURATU DITUZTE EUSKADIKO TXAPELKETAN

Irungo klubeko Arantxa Ausan, Juana Usabarrena, Miguel Arburua, Imanol Gil eta Javier Garcia Arnedo nagusitu ziren kategoria desberdinetan

Euskadiko...

HONDARRIBIAKO 10K HERRI LASTERKETA IGANDE HONETAN OSPATUKO DA

Ibilbide laua eta oztoporik gabekoa denez, marka egiteko aproposa izanen dela iragarri dute antolatzaileek

Lasterketaren aurkezpena egin zuten orain dela...

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika